Qanuritpita? Nunavutmi
Apqutaunia talvunga Hunaunia
Tamna Qanuritpita? Nunaqyuaqmi Inuit Aaniaqtailiniq Naunaiyaut (QNIHS) tahamungaliqtuq Nunavut hivulliqpamik 2024-mi.Apqutaunia Nunaliit Avikhimanit
Tapkuat QNIHS-kut Nunavut havaqatigit pulaqniat tamaitnut nunaliuyut Nunavutmi tautugutilutik tuhagakhat katitiqninunt.Apqutaunia inmigyurutit maligait
Tamna QNIHS-kut atuqpiaqtut hapummini inmigurutitit tamaitnut naunaiyaut.Naunaiyaut Atuliqtitnia
Pinahuaqtat taphumunga Qanuritpita? Nunaqyuaqmi Inuit Aaniaqtailiniq Naunaiyaut (QNIHS) tahapkuninga Inuit aaniaqtailini, ilautitlugu iglukhat, niqittiarikniq, ihumaliqutit inuuhiriknit, aaniaqtailiniq kivgaqtutit, hivuranailrumitni nautiumatitlu, iliharniq, maniliuruhiq, hulilukkitniq, ilitquhiqlu uqauhiqlu.
Tamna naunaiyaut tuhagakhatlu katitiqni pityuhit Nunavutmi hanatyuhikhaliangi Inuit Tapiriit Kanatami (ITK) apkuatlu Nunavut Tunngavik Nanminilgit (NTI). Tamna havanguyuq hanatyuhikhaliat nanminiriyatlu Inuit atuqhugu ITK-kut tapkuatlu hitamat Inuit kivgaqtuiyut timiuyut Inuit Nunangatni.
Naunaiyaiyut Havaqatigit

Nunaliuyuq Piqataunit
Tapkuat QNIHS-kut Nunavut havaqatigit pulaqniat tamaitnut nunaliuyut Nunavutmi tautugutilutik tuhagakhat katitiqninunt.
Piqatauyut naunaiyainiqmut quyagitnaq tikkuaqhiniat tapkunanga NTI-kut atiliuqhimayut titiqnit kivgaqtuiniatlu tahapkuninga Inuit tamaitnut ukiulgit.
- Piqatauyut tuhaqhitauniat taphumangat Nunalikni Kamayi uvaluniit Apiqhuiyuq, naliakkut hivayautmut, qaritauyakkut uvaluniit takulugu.
- Tuhagakhat katitauyut niriuguyauyut pigiaqni 2024-mi.
- Apiqhuinit atuqtauniat katitvikmi nunaliuyumi, ahiaguqvikhat ihuaqhiyauni piyaulutik tahapkununga ayuqharutilgit nuktiraqniqmut uvaluniit ahiinik piylagit.
- Ilihaiyuq Apiqhuiyuq hivuliqniagai piqatauyut angirutinut pityuhiqnik pigiaqniahaqtitlugu naunaiyainiq.
- Uqaqtiqarniaq piyaqaqat atugaunia.
- Apiqhuiyut apiqhukniagai apiqutit titiraqlugitlu taphumunga Samsung qaritauyanuit tuhagakhatlu katitauyut tutquqtauniat piyaulailrumi qaritauyaqaqviani NTI-kut.
- Inutuqat, ihumaliqutit aaniaqtailini, inuuhirikniqlu ikayutit piyaulat piqatauyunut, piyaqaqata.
- Piqatauyut naunaiyautinut akiliqtugauniat niuvrutikhanik qiratayunnuaqnik.
Atuqatigikni Naunaiqtauyut
Naunaiyautit qanuritnit piyauniat Inuit aaniaqtailini inuuhiriknilu piyaulaqniatlu atuqtauni Inuit hivulliutilugit. Angiqtaukpata Inungnit, qanuritnit atuqatigigutauniat atuqtaunilu ahiinit, tahapkuatut maligaliuqtit ilihaqtutlu naunaiyaiyit. Tapkuat tuhagakhat katitauni talvani QNIHS-kut Nunavut ikayuqniat ihumaliuqtit kangiqhimani allanguqnit Inuit aaniaqtailini nakuuhivalliqnilu aaniaqtailiniq havagutai.
Tuhagakhat katitautuqata iniqata tuhagakhatlu naunaiyaqtautaqata, qanuritnit atuqatigigutauniat tahapkununga Inuit tapkuatlu Nunavutmi nunaliuyut tuhagakhaliuqhimayuni, piqpiat alilayut, tuhagakhaliuqhimayut, ahiilu tuhaqhitautit hanayat. Qanuritnit atuqatigigaunaittauq tapkununga ITK-kut tapkuatlu NTI-kut QNIHS-kut qaritauyakkuvit piqaqtitlugitlu nunaliit avikhimani, nunatagauyuq, nunaqyuaqmilu qanuritnit.
Atuqpiariakhai tapkuat qanuritnit piyaulat tamaitnit, piyaulaqniat uqauhini naamaktumik atuni Nunavutmi nunaliit avikhimanini. Atuqtitnagavut nunalikni piqataupkaqni huliniit tapkuat qanuritni atuqatigikniat, tapkunani Inuit nunaliknilu ilauyut pivikhaqaqniat naunaiyaqni tukiliuqnilu tuhagakhat. Qanuritnit ilaqalaittut kitutliqak inmingnut uvaluniit naunairutaulat tuhagakhat.
Tapkuat tuhagakhat katitauni talvani QNIHS-kut Nunavut ikayuqniat ihumaliuqtit kangiqhimani allanguqnit Inuit aaniaqtailini nakuuhivalliqnilu aaniaqtailiniq havagutai.
Ataniqtuqtuiyut Havaqatigiiklu
Nunavunmut ilaghaat iliqahiutihimava talvunga Qanuritpita? Kanatami Inuit Qanuinninginnik Tukisigiarniq (QNIHS) havaqatigiighutik havaanguyuq taapkualu Nunavut Tunngavikkut Timingat (NTI) taapkualu Kavamatkut Nunavunmi (GN). Una havakvik naunaiyaut hivuliqtauyuq tapkunanga Nunavut Inuit Aaniaqtailiniq Naunaiyaut Naunaiyaiyit Katimayiralaat ilalgit kivgaqtuiyut tapkunanga NTI-kut tapkuatlu GN-kut Munaqhiliqiyitkut. Naunaiqpalliqlugit
Apiqhutauvaktut
Find answers to your questions about the survey.