ᖃᓄᖅ ᑖᓐᓇ ᐊᐱᖅᓱᕐᓂᖅ ᐊᔾᔨᒋᔭᐅᙱᓚᖅ ᐊᓯᖏᓐᓂᑦ?
ᐃᓄᐃᑦ ᐊᐱᕆᔭᐅᓯᒪᔪᑦ ᐃᓚᐅᖁᔭᐅᓪᓗᑎᒃ ᐊᒥᓱᓂ ᐊᐱᖅᓱᕐᓂᕐᓂ. ᐃᓚᖏᑦ ᑲᒪᒋᔭᐅᔪᑦ ᒐᕙᒪᑐᖃᒃᑯᓐᓂ, ᓯᓚᑦᑐᖅᓴᕐᕕᖕᓂ ᐊᒻᒪᓗ ᐊᓯᖏᓐᓂᑦ. ᑕᒪᐃᓐᓂᓗᒃᑖᐸᓗᒃ ᐊᐱᖅᓱᕐᓃᑦ ᐱᕙᓪᓕᐊᑎᑕᐅᓯᒪᙱᑦᑐᑦ ᐃᓄᖕᓂᑦ. ᐊᐱᖅᑯᑏᑦ ᐊᐱᕆᔭᐅᓲᑦ ᐊᒃᑐᐊᓂᖃᐃᓐᓇᖃᑦᑕᙱᑦᑐᑦ ᐃᓄᖕᓄᑦ ᐊᒻᒪᓗ ᑐᕌᒐᖃᙱᖢᑎᒃ ᓯᕗᓪᓕᐅᔾᔭᐅᖁᔭᐅᔪᓂᒃ. ᑖᓐᓇ ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᖅᑎᑦ ᐊᐱᖅᑯᑎᖏᑦ ᓴᖅᑭᔮᖅᑎᑦᑎᓂᐊᖅᑐᑦ ᑭᐅᔾᔪᑕᐅᔪᓂᒃ ᐅᖃᖃᑎᒌᖕᓂᕐᓂ ᐃᓄᖕᓄᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᓯᕗᓪᓕᐅᔾᔭᐅᖁᔭᐅᔪᓂᑦ.
ᑕᒪᐃᓐᓄᓗᒃᑖᖅ ᑐᓴᐅᒪᔾᔪᑏᑦ ᐊᐅᓚᑕᐅᓂᐊᖅᑐᑦ ᐃᓄᖕᓂᑦ. ᖄᒃᑲᓐᓂᐊᒍᑦ, ᐃᓚᖓ ᑐᕌᒐᐅᔫᑉ ᖃᐅᔨᓴᕐᓂᕐᒥ ᐃᓕᓐᓂᐊᖅᑎᑦᑎᓗᑎᒃ ᐃᑲᔫᑎᒃᓴᖃᖅᑎᑦᑎᓗᑎᒡᓗ ᐃᑲᔪᖅᑕᐅᖁᓪᓗᒋᑦ ᐱᕙᓪᓕᐊᓂᖏᑦ ᐊᔪᙱᓕᖅᑕᐅᕙᒃᑐᑦ ᐊᔪᙱᑕᐅᔭᕆᐊᓖᑦ ᐃᓄᐃᑦ ᐱᓕᕆᖃᖁᓪᓗᒋᑦ ᓇᖕᒥᓂ ᖃᐅᔨᓴᕈᑎᖏᓐᓂᒃ ᐊᑯᓚᐃᓕᕇᓂ, ᑲᔪᓰᓐᓇᖅᑐᒃᑯᓪᓗ. ᑕᒪᓐᓇ ᐃᑲᔪᕐᓂᐊᖅᑐᑦ ᐃᓄᖕᓂᒃ ᐊᐅᓚᑦᑎᓂᖅᓴᐅᓕᖁᓪᓗᒋᑦ ᖃᐅᔨᓴᕈᑎᓂᒃ ᑖᒃᑯᐊᓗ ᐊᐱᖅᓲᑏᑦ ᐊᒻᒪ ᖃᐅᔨᓴᕐᓂᕐᒧᑦ-ᐊᒃᑐᐊᔪᑦ ᖃᐅᔨᒪᔨᑕᓪᓚᑦᑖᓄᑦ, ᐃᖅᑲᓇᐃᔮᓪᓗ ᐃᓄᐃᑦ ᓄᓇᖏᓐᓃᖏᓐᓇᕐᓗᑎᒃ. ᓂᒃ ᐊᐅᓚᑦᑎᓂᖅᓴᐅᓕᖁᓪᓗᒋᑦ ᖃᐅᔨᓴᕈᑎᓂᒃ ᑖᒃᑯᐊᓗ ᐊᐱᖅᓲᑏᑦ ᐊᒻᒪ ᖃᐅᔨᓴᕐᓂᕐᒧᑦ-ᐊᒃᑐᐊᔪᑦ ᖃᐅᔨᒪᔨᑕᓪᓚᑦᑖᓄᑦ, ᐃᖅᑲᓇᐃᔮᓪᓗ ᐃᓄᐃᑦ ᓄᓇᖏᓐᓃᖏᓐᓇᕐᓗᑎᒃ.
