ᑭᓱᓂᒃ ᐱᓕᕆᐊᒃᓴᖃᕐᓂᐊᖅᐸᑦ ᐃᓄᐃᑦ ᓄᓇᓕᒃᓯᓗ?
ᓲᖃᐃᒻᒪ ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᖅᑎᑦ ᓄᓇᕗᑦ ᓴᓇᔭᐅᓯᒪᔪᖅ, ᐱᓕᕆᐊᖑᓪᓗᓂᓗ ᓇᖕᒥᓂᕈᔭᐅᓪᓗᓂᓗ ᐃᓄᖕᓂᑦ, ᐃᓄᐃᑦ ᓯᕗᓕᖅᑎᐅᓂᐊᖅᑐᑦ ᑕᒪᐃᓐᓂᓗᒃᑖᖅ ᐊᐱᖅᓱᕐᓂᕐᒥ. ᓄᓇᕗᑦ ᑲᑎᒪᔨᐊᓛᖃᖅᑐᑦ ᐃᓄᐃᑦ ᑲᑎᖃᑎᒋᔭᐅᖁᓪᓗᒋᑦ ᐃᓚᐅᓂᖏᓪᓗ ᐊᐱᖅᓱᕐᓂᓗᒃᑖᓂᑦ. ᓲᕐᓗ: ᐃᓄᐃᑦ ᑲᑎᖃᑎᒋᔭᐅᔪᑦ ᐊᒻᒪᓗ ᑲᑎᖃᑎᒋᔭᐅᖃᑦᑕᐃᓐᓇᕐᓂᐊᖅᖢᑎᒃ ᓇᓗᓇᐃᔭᖅᑕᐅᖁᓪᓗᒋᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᑎᑎᖅᑲᖁᑏᑦ ᖃᐅᔨᓴᕐᓂᕐᒧᓪᓗ ᓯᕗᓪᓕᐅᔾᔭᐅᖁᔭᐅᔪᑦ; ᓄᓇᓕᖕᓂ ᓯᕗᓕᖅᑏᑦ ᓲᕐᓗ ᒪᐃᔭ ᑲᑎᖃᑎᒋᔭᐅᓗᑎᒃ ᑲᑐᔾᔨᖁᓪᓗᒋᑦ ᐱᔪᒥᓴᖅᑕᐅᓗᑎᒡᓗ ᐊᐱᖅᓱᕐᓃᑦ; ᓄᓇᓕᖕᓂ ᐃᓄᐃᑦ ᐃᖅᑲᓇᐃᔭᓕᖅᑎᑕᐅᔪᑦ ᐊᐱᖅᓱᖅᑎᐅᓪᓗᑎᒃ, ᑐᓵᔩᑦ ᐊᒻᒪᓗ ᐋᖅᑭᒃᓱᐃᓂᕐᒧᑦ ᖃᐅᔨᒪᔨᑕᓪᓚᑦᑖᑦ; ᐊᒻᒪᓗ ᐃᓄᐃᑦ ᐃᓕᓐᓂᐊᖅᑎᑕᐅᓂᐊᖅᑐᑦ ᕿᒥᕐᕈᓗᑎᒃ ᐊᒡᒍᖅᑐᐃᓗᑎᒡᓗ ᑐᓴᐅᒪᔾᔪᑎᓂᒃ.
ᑐᓴᒃᑲᓐᓂᕈᒪᒍᕕᑦ ᓄᓇᕗᒻᒥ ᑲᑎᒪᔨᐊᓛᑦ ᒥᒃᓵᓄᑦ.
