ᑭᓇ ᑲᑎᖅᓱᐃᓂᐊᖅᐸ ᐊᒻᒪᓗ ᑐᖅᑯᐃᓯᒪᓗᓂ ᑎᑎᖅᑲᖁᑎᓂᒃ?
ᑖᓐᓇ ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᖅᑎᑦ ᐊᖏᖅᓯᒪᓪᓚᑦᑖᖅᑐᖅ ᑮᓇᐅᔭᖃᖅᑎᑦᑎᕐᔪᐊᕐᓗᓂ ᐃᓄᐃᑦ ᓄᓇᓂ ᐊᕕᒃᑐᖅᓯᒪᔪᓂ ᐱᓕᕆᐊᖃᕈᒪᓪᓗᑎᒃ ᐊᐱᖅᓱᕐᓂᕐᒥᒃ ᐊᒻᒪᓗ ᓇᖕᒥᓂᕆᓗᒋᑦ, ᐊᐅᓚᓪᓗᒋᑦ, ᕿᒥᕐᕈᓗᒋᑦ, ᑐᓴᖃᑎᒌᒍᑎᒋᓗᒋᑦ, ᐊᑐᕐᓗᒋᓪᓗ ᑎᑎᖅᑲᖁᑏᑦ. ᐃᓄᐃᑦ ᑎᒥᖁᑎᖏᑦ ᓴᓇᓯᒪᔪᑦ ᐊᒻᒪᓗ ᐱᓕᕆᐊᖃᖅᖢᑎᒃ ᐊᐱᖅᓱᕐᓂᕐᒥᒃ, ᕿᒥᕐᕈᓂᕐᒥᒃ ᐊᒻᒪᓗ ᑐᓴᖃᑎᒌᒍᑎᒋᓗᒋᑦ ᑎᑎᖅᑲᖁᑏᑦ ᑲᑎᑕᐅᔪᑦ, ᐊᒻᒪ ᐊᑐᕐᓂᐊᖅᑐᑦ ᖃᐅᔨᔭᐅᔪᓂᒃ ᐊᑐᐊᒐᕐᓄᑦ ᐊᒻᒪ ᐱᓕᕆᐊᓄᑦ ᐊᓯᔾᔨᐅᑎᓄᑦ ᐱᐅᓯᒋᐊᖅᑕᐅᖁᓪᓗᒍ ᐋᓐᓂᐊᖃᖅᑕᐃᓕᒪᑎᑦᑎᓂᖅ ᖃᓄᐃᙱᑦᑎᐊᕐᓂᖏᓪᓗ ᐃᓄᐃᑦ.
