ᐊᑯᓂᐅᙱᑦᑐᖅ, ᐃᖅᑲᓇᐃᔮᖃᓚᐅᑲᒃᑐᖅ ᓄᓇᓕᖕᓂ ᐊᐱᖅᓱᖅᑎ

ᐃᓱᒪᒋᕖᑦ ᐃᒻᒥᓂᒃ ᓈᓚᑦᑎᐊᕈᓐᓇᖅᑑᒋᓪᓗᑎᑦ? ᖁᕕᐊᒋᕕᐅᑉ ᐃᖅᑲᓇᐃᔭᖃᑎᖃᕆᐊᒃᓴᖅ ᐃᓄᖕᓂᒃ?  ᑲᑎᖃᑎᒋᔪᒪᔭᑦᑎᒋᑦ!

ᐃᓂᖓᑕ ᐊᑎᖓ: ᐊᑯᓂᐅᙱᑦᑐᖅ, ᐃᖅᑲᓇᐃᔮᖃᓚᐅᑲᒃᑐᖅ, ᓄᓇᓕᖕᓂ ᐊᐱᖅᓱᖅᑎ (ᐊᒥᓱᑦ ᐃᖅᑲᓇᐃᔮᑦ – ᐃᖅᑲᓇᐃᔮᑦ ᖃᔅᓯᐅᓂᖏᑦ ᑐᙵᕕᖃᓛᖅᑐᑦ ᓄᓇᓕᐅᑉ ᐊᖏᑎᒋᓂᖓᓂᒃ)
ᓇᒦᓐᓂᖓ:ᓄᓇᓖᑦ
ᐊᑭᓕᐅᑎᑦ: $53/ᐃᑲᕐᕋᑕᒫᑦ
ᐊᑯᓂᐅᓂᖓ: ᐊᓂᒍᓚᐅᖅᑎᓐᓇᒍ ᒫᑦᓯ 2025
ᐃᓕᓐᓂᐊᑎᑦᑎᓂᖅ: ᐃᓕᓐᓂᐊᖅᑎᑕᐅᒐᔭᖅᑐᖅ
ᐃᑲᕐᕋᖏᑦ: 0-8 ᐃᑲᕐᕋᐃᑦ ᖃᐅᑕᒫᑦ, ᐱᒋᐊᕐᓗᒍ 0-40 ᐃᑲᕐᕋᐃᑦ ᐱᓇᓱᐊᕈᓯᖅᑕᒫᑦ

ᐃᖅᑲᓇᐃᔮᒥ ᑲᒪᒋᔭᒃᓴᑦ: 

• ᓄᓇᓕᓐᓂᑦ ᐃᓕᓐᓂᐊᖃᑕᐅᔪᓐᓇᕐᓗᓂ ᖃᓂᒋᔭᖓᓂᓘᓐᓃᑦ ᐊᐱᖅᓱᓚᐅᙱᓐᓂᖏᓐᓂ (ᐊᐅᓪᓚᕆᐊᖃᕋᔭᖅᑐᖃᐃ, ᖃᖓᖅᑕᐅᓯᖅᑕᐅᒍᓐᓇᖅᑐᖅ) 
• ᑐᑭᓯᒋᐊᕈᑎᓂᒃ ᐊᑐᐃᓐᓇᖃᖃᑦᑕᕐᓗᓂ ᖃᐅᔨᓴᕐᓂᕐᒧᑦ, ᑭᐅᖃᑦᑕᕐᓗᓂ ᐊᐱᖅᑯᓯᕐᓂᑦ, ᐋᖅᑭᔅᓱᐃᖃᑦᑕᕐᓗᓂ ᐊᐱᖅᓱᓐᓂᐅᓂᐊᖅᑐᒥᑦ. 
• ᓄᓇᓕᓐᓂᑦ ᐱᖃᑕᐅᖃᑦᑕᕐᓗᓂ ᖃᐅᔨᓴᕐᓂᐅᓂᐊᖅᑐᒥᑦ ᐅᓂᒃᑳᕐᓗᓂᓗ ᖃᐅᔨᓴᕐᓂᐅᔫᑉ ᒥᔅᓵᓄᑦ   
• ᑐᖅᑯᖅᓯᒪᑦᑎᐊᖃᑦᑕᕐᓗᒋᑦ ᖃᕋᓴᐅᔭᙳᐊᕋᓛᑦ ᑐᑭᓯᒋᐊᕈᑏᓪᓗ ᓄᐊᑕᐅᔪᑦ 
• ᑲᑎᒪᖃᑕᐅᖃᑦᑕᕐᓗᓂ ᐱᓕᕆᖃᑎᒌᓂ   
• ᐱᐅᔪᓂᓪᓗ ᐊᑐᐃᓐᓇᕋᓱᐊᕐᓗᓂ ᐃᓕᖅᑯᓯᖃᕐᓗᓂᓗ
• ᐊᓯᖏᓐᓂ ᐱᓕᕆᔭᕆᐊᖃᖅᑲᑦ ᑲᒪᖃᑦᑕᕐᓗᓂ

ᐊᔪᙱᓕᖅᑕᐅᕙᒃᑐᑦ  

ᕿᓂᕋᑦᑕ ᐃᒪᐃᑦᑐᒥᑦ:

• ᓈᑦᑎᐊᕈᓐᓇᖅᑐᓂᒃ, ᕿᓄᐃᑦᑐᓂᒃ, ᓂᓪᓕᐊᖃᑎᖃᕈᓐᓇᑦᑎᐊᖅᑐᓂᒃ ᐊᓪᓛᒃ ᐃᓄᐃᑦ ᖃᐅᔨᒪᔭᑐᖃᖏᑎᒍᑦ.
• ᖃᓪᓗᓇᐅᔭᕈᓐᓇᖅᑐᒥᑦ, ᐃᓄᑦᑎᑑᕈᓐᓇᖅᑐᒥᓪᓗ (ᑐᓵᔨᑦᑕᖃᕋᔭᖅᑐᖅ)
• ᓵᑕᐅᔪᓐᓇᖅᑐᖅ ᐊᒻᒪᓗ ᑕᑎᒋᔭᐅᔪᓐᓇᑦᑎᐊᕐᓗᓂ
• ᓇᖕᒥᓂᖅ ᐃᖅᑲᓇᐃᔭᕈᓐᓇᖅᑐᖅ ᐊᒻᒪᓗ ᐊᓯᒥᓂᒃ ᐃᖅᑲᓇᐃᔭᖃᑎᖃᕐᓗᓂ ᐃᖅᑲᓇᐃᔭᕈᓐᓇᖅᑐᖅ

ᐱᔭᔪᒪᓂᖅᓴᐅᓂᐊᖅᑐᑦ ᐃᓄᐃᑦ ᐊᑎᓕᐅᖅᑕᐅᓯᒪᔪᑦ ᐊᑐᖅᖢᒋᑦ ᓄᓇᕗᒻᒥ ᐊᖏᕈᑎ.

ᓄᓇᕗᑦ ᑐᙵᕕᒃ ᑎᒥᖁᑖ (NTI) ᐱᓕᕆᐊᒃᓴᓕᒃ ᑲᒪᒋᔭᖃᕐᓗᑎᒃ ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᖅᑎᓂᒃ ᓄᓇᕗᒻᒥ.
ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᖅᑎᑦ ᓄᓇᕗᒻᒥ ᓂᐅᕐᕈᖃᑦᑕᖅᑐᑦ ᐊᐱᖅᓱᖅᑏᑦ ᐃᖅᑲᓇᐃᔮᖑᓚᐅᑲᒐᔭᖅᑐᑦ. ᐊᑯᓂᐅᓂᖓ ᐃᖅᑲᓇᐃᔮᑦ ᐊᔾᔨᒌᙱᑐᐃᓐᓇᕆᐊᓖᑦ ᒪᓕᒃᖢᒋᑦ ᐊᖏᓂᖏᑦ ᓄᓇᓖᑦ ᐊᒻᒪᓗ ᖃᔅᓯᐅᓂᖏᑦ ᓄᓇᓖᑦ ᓂᐅᕐᕈᕝᕕᐅᓇᔭᖅᑐᑦ. ᐊᑯᓂᐅᓂᖏᑦ ᐊᑐᓂ ᓄᓇᓕᖕᓂ ᓂᐅᕐᕈᓯᒪᑎᓪᓗᒋᑦ ᓇᓗᓇᐃᖅᑕᐅᖄᖅᓯᒪᓂᐊᖅᑐᑦ ᓴᖅᑭᑕᐅᖅᑳᖅᑎᓐᓇᒍ ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᖅᑎᑦ.

ᓄᓇᕗᑦ ᑐᙵᕕᒃ ᑎᒥᖓᑦ ᐃᖅᑲᓇᐃᔭᖃᑎᖃᖅᑐᑦ ᑳᓱᒪᓐ ᐃᑲᔪᕐᓗᑎ ᐃᖅᑲᓇᐃᔭᖅᑎᑦᑎᓂᕐᒧᑦ, ᐃᓕᓐᓂᐊᓂᕐᒧᑦ, ᐸᕐᓇᐃᓂᕐᒧᑦ ᐊᒻᒪ ᖃᐅᔨᓴᖅᑎᑦᑎᓂᕐᒧᑦ ᖃᐅᔨᓴᕐᓂᐅᔪᒥᑦ. ᑳᓱᒪᓐᑯᓐᓄᑦ ᐃᒻᒥᒃᑰᖅᑑᓪᓗᑎᒃ ᐅᖃᐅᔾᔨᒋᐊᖅᑏᑦ ᑎᒥᖁᑖ ᐱᔨᑦᑎᕋᖅᑐᑦ ᓄᓇᖃᖅᑳᖅᓯᒪᔪᓂᒃ, ᓄᓇᓕᖕᓂᒃ ᐊᒻᒪᓗ ᐃᓄᖕᓂᒃ ᖃᐅᔨᒪᓂᖃᖅᖢᑎᒃ ᐊᐅᓚᑦᑎᓂᕐᒥᒃ, ᐋᔩᖃᑎᖃᕐᓂᕐᒥᒃ, ᒪᑭᒪᔾᔪᑎᑦ ᐱᕙᓪᓕᐊᖁᓪᓗᒋᑦ, ᓄᓇ, ᐱᖁᑎᕐᔪᐊᑦ ᐊᒻᒪᓗ ᖃᓄᖅᑑᕈᑕᐅᔪᑦ ᑲᑎᖃᑎᖃᕐᓃᑦ, ᑐᓴᐅᒪᔪᓕᕆᓃᑦ ᐱᔨᑦᑎᕋᕐᓂᕐᒧᓪᓗ ᓴᓇᓯᒪᔪᑦ ᐊᑐᓕᖅᑎᑕᐅᓂᖏᓐᓄᓪᓗ. ᑖᓐᓇ ᐱᓕᕆᐊᖃᕆᐊᓕᒃ ᐃᖅᑲᓇᐃᔭᖅᑎᑕᐅᓂᐊᖅᑐᖅ ᑳᓱᒪᓐᑯᓐᓄᑦ.

ᒥᒃᓵᓄᑦ ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᖖᒋᑦᑐᓕᕆᓂᕐᒧᑦ ᖃᐅᔨᓴᖅᑎᑦ

ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᖅᑎᑦ (QNIHS) ᑲᔪᓰᓐᓇᖅᖢᓂ ᐃᓄᖕᓂ-ᓇᖕᒥᓂᕆᔭᐅᓪᓗᓂ ᐊᐱᖅᓱᕐᓂᖅ ᐱᓕᕆᐊᖑᖃᑦᑕᕐᓂᐊᖅᑐᑦ ᐊᓂᒍᕌᖓᑕ ᑕᓪᓕᒪᑦ ᐊᕐᕌᒍᑦ. ᓄᓇᕗᒻᒧᑦ ᐃᓗᓕᖏᑦ ᐊᐱᖅᓱᕐᓂᕐᒥ ᐱᒋᐊᓛᖅᑐᑦ 2024-ᒥ.

ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᖅᑎᑦ ᑕᒪᐃᓐᓅᖓᔪᒥᒃ ᐅᓂᒃᑳᕋᔭᖅᑐᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᒻᒪᓗ ᖃᓄᐃᙱᑦᑎᐊᕐᓂᕐᒧᑦ ᐃᓄᓗᒃᑖᓄᑦ ᑕᒪᐃᓐᓂᓗᒃᑖᖅ ᓄᓇᓂ ᐊᕕᒃᑐᖅᓯᒪᔪᓂ ᓄᓇᓂ – ᑭᓱᑦ ᐊᐅᓚᓂᖃᑦᑎᐊᖅᐸᑦ ᐊᒻᒪᓗ ᑭᓱᑦ ᐱᐅᓯᒋᐊᖅᑕᐅᔭᕆᐊᖃᖅᐸᑦ. ᐊᐱᖅᓱᕐᓂᖅ ᐊᐱᕆᓂᐊᖅᑐᖅ ᑐᕌᒐᖃᖅᑐᓂᒃ ᐊᒥᓱᓂ ᐅᖃᐅᓯᐅᔪᓂ ᐱᖃᓯᐅᑎᓪᓗᖏᑦ ᓂᕿ ᐊᒻᒪᓗ ᓂᕿᑦᑎᐊᕙᑦ, ᐃᓱᒪᒧᑦ ᖃᓄᐃᙱᑦᑎᐊᕐᓃᑦ, ᐋᖓᔮᕐᓇᖅᑐᓂᒃ ᐊᑐᕐᓂᖅ, ᐊᒻᒪᓗ ᐱᖅᑯᓯ ᑭᓇᐅᓂᕐᓗ, ᐊᓯᖏᓪᓗ. 

ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᖅᑎᑦ ᑎᑎᖅᑲᖁᑏᑦ ᑲᑎᖅᓱᖅᑕᖏᑦ ᐊᑐᖅᑕᐅᓂᐊᖅᑐᑦ ᐊᑐᓂ ᓄᓇᓕᖕᓂ ᐃᓄᐃᑦ ᓄᓇᖓᓐᓂ – ᓄᓇᕗᑦ, ᐃᓄᕕᐊᓗᐃᑦ ᓄᓇᑖᕐᕕᒋᓯᒪᔭᖏᓐᓂ ᓄᓇᓂ ᐊᕕᒃᑐᖅᓯᒪᔪᓂ, ᓄᓇᕕᒃ ᐊᒻᒪᓗ ᓄᓇᑦᓯᐊᕗᑦ. ᓄᓇᕗᒻᒥ, ᐊᐱᖅᓱᕐᓂᖅ ᐊᐱᖅᓱᐃᓂᐊᖅᑐᑦ ᑖᒃᑯᓂᖓᔅᓴᐃᓐᓇᖅ ᐊᐱᖅᑯᑎᓂᒃ ᑕᒪᐃᓐᓂ ᓄᓇᓂ ᐊᕕᒃᑐᖅᓯᒪᔪᓂ ᐃᓄᐃᑦ ᓄᓇᖓᓐᓂ, ᐊᒻᒪᓗᑦᑕᐅᖅ ᐊᐱᖅᑯᑏᑦ ᓄᓇᕗᒻᒧᓪᓗᑦᑖᖅ. ᐃᓚᐅᔪᒃᓴᑦ ᓂᕈᐊᖅᑕᐅᑐᐃᓐᓇᕐᓂᐊᖅᑐᑦ ᐊᒻᒪᓗ ᑭᒡᒍᖅᑐᐃᓂᐊᖅᖢᑎᒃ ᐃᓄᓕᒫᓂᒃ ᓄᓇᕗᒻᒥ.

ᐃᖅᑲᓇᐃᔮᒥᒃ ᐱᓇᔪᖕᓂᐊᕐᓗᑎᑦ ᑎᑎᕋᕐᕕᒋᓗᒍ ᐃᕐᒌᓈᖅᑕᐅᑎᒃᑯᑦ ᐅᕗᖓ jobs@QNIHS.ca ᑕᑯᒋᐊᕐᓗᒍᓘᓐᓃᑦ QNIHS.ca ᐱᓇᔪᒍᒪᒍᕕᑦ.