ᓄᓇᕗᒻᒥ ᐃᓗᓕᖏᑦ ᑖᒃᑯᓇᓂ ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᖅᑎᓂ (QNIHS) ᑲᑐᔾᔨᖃᑎᒌᒐᓲᑕᐅᔪᖅ ᑖᒃᑯᓇᓂ ᓄᓇᕗᑦ ᑐᙵᕕᒃ ᑎᒥᖁᑖᓂ (NTI) ᐊᒻᒪᓗ ᒐᕙᒪᒃᑯᑦ ᓄᓇᕗᒻᒥ (GN). ᑖᓐᓇ ᐊᐱᖅᓱᕐᓂᖅ ᑲᒪᒋᔭᐅᔪᖅ ᓄᓇᕗᒻᒥ ᐃᓄᐃᑦ ᖃᓄᐃᙱᑦᑎᐊᕐᓂᕐᒧᑦ ᐊᐱᖅᓱᕐᓂᕐᒧᑦ ᑲᑎᒪᔨᐊᓛᓂᒃ ᐃᓚᐅᑎᑦᑎᓪᓗᑎᒃ ᑭᒡᒐᖅᑐᐃᔨᓂᑦ ᓄᓇᕗᑦ ᑐᙵᕕᒃ ᑎᒥᖁᑖᓂ ᐊᒻᒪᓗ ᒐᕙᒪᒃᑯᑦ ᓄᓇᕗᒻᒥ ᐋᓐᓂᐊᖃᖕᓇᙱᑦᑐᓕᕆᔨᒃᑯᓐᓂᑦ.
ᐃᓄᐃᑦ ᖃᓄᐃᙱᑦᑎᐊᕐᓂᖏᓐᓄᑦ ᖃᐅᔨᓴᕐᓂᕐᒧᑦ ᐅᖃᐅᔾᔨᒋᐊᖅᑏᑦ ᑲᑎᒪᔨᐊᓛᑦ, ᐱᖃᓯᐅᔾᔨᔪᑦ ᐊᔾᔨᒌᙱᑦᑐᓂ ᑭᒡᒐᖅᑐᐃᔨᓂ ᓄᓇᓕᖕᓂ, ᓄᓇᓂ ᐊᕕᒃᑐᖅᓯᒪᔪᓂ, ᓄᓇᕗᒻᒥᓗ, ᐱᒻᒪᕆᐅᔪᒥᒃ ᑲᐅᔨᒪᔾᔪᑎᖃᖅᑎᑦᑎᔪᑦ ᓄᓇᕗᒻᒥ ᖃᓄᐃᑉᐱᑕ? ᑲᑎᒪᔨᐊᓛᑦ ᐱᕙᓪᓕᐊᑎᑦᑎᖁᓪᓗᒋᑦ ᐊᒻᒪᓗ ᐊᑐᓕᖅᑎᑦᑎᓗᑎᒃ ᐊᐱᖅᓱᕐᓂᕐᒥᒃ. ᑖᒃᑯᐊ ᑲᑎᒪᔨᐊᓛᑦ ᐃᓱᓕᐅᕆᓲᑦ ᐃᓱᒪᓕᐅᕈᑎᓗᒃᑖᓂᒃ ᖃᐅᔨᓴᕐᓂᕐᒧᑦ ᓇᖕᒥᓂᖁᑎᒋᔭᐅᔪᑦ ᐊᒻᒪᓗ ᐱᔪᒥᒋᔭᐅᓛᑦ ᓄᓇᕗᒻᒥ ᐃᓄᖕᓂᑦ.
ᑖᓐᓇ ᓄᓇᕗᑦ ᖃᓄᐃᑉᐱᑕ? ᑲᑎᒪᔨᐊᓛᑦ ᖃᐅᔨᓴᕐᓂᕐᒥᒃ ᐅᖃᐅᓯᖃᖁᔨᔪᑦ ᑕᒪᐃᓐᓂᓗᒃᑖᖅ ᐋᓐᓂᐊᖃᕐᓇᙱᑦᑐᒧᑦ ᐅᖃᐅᓯᐅᔪᓄᑦ ᐱᒻᒪᕆᐅᒋᔭᐅᔪᑦ ᐃᓄᖕᓄᑦ ᓄᓇᕗᒻᒥ, ᐃᒃᐱᒍᓱᑦᑎᐊᕐᓗᑎᒃ ᐃᓄᐃᑦ ᐱᖅᑯᓯᖏᓐᓂᒃ ᐊᒻᒪᓗ ᐱᒻᒪᕆᐅᒋᔭᖏᓐᓂᒃ.
ᑖᓐᓇ ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᖅᑎᑦ ᐱᓕᕆᖃᑎᒌᑦ (NIHSWG) ᐋᖅᑭᒃᓯᒪᔪᑦ ᐊᖏᓂᖅᓴᑎᒍᑦ ᓴᓇᓯᒪᓂᖏᑦᑎᒍᑦ ᐃᓄᐃᑦ ᐊᐅᓚᑦᑎᔾᔪᑎᖏᓐᓄᑦ. ᑖᓐᓇ ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᖅᑎᑦ ᐱᓕᕆᖃᑎᒌᑦ ᑲᑎᒪᔨᐊᓛᖑᔪᑦ ᑲᓇᑕᓗᒃᑖᒥ ᐃᓄᐃᑦ ᑲᑎᒪᔨᐊᓛᑦ ᐋᓐᓂᐊᖃᖅᑕᐃᓕᒪᓂᕐᒧᑦ (NICoH) ᐊᑐᖅᖢᒋᑦ ᐃᓄᐃᑦ ᑕᐱᕇᑦ ᑲᓇᑕᒥ (ITK). ᑲᓇᑕᓗᒃᑖᒥ ᐃᓄᐃᑦ ᑲᑎᒪᔨᐊᓛᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᑐᐃᓐᓇᐅᑎᑦᑎᔪᑦ ᐱᔭᕆᐊᑐᔪᒃᑯᑦ ᖃᐅᔨᒪᔾᔪᑎᓂᒃ ᐊᒻᒪᓗ ᐊᑐᓕᖁᔭᐅᔪᓂᒃ ᐊᒃᑐᐊᓂᓕᖕᓄᑦ ᑲᓇᑕᓗᒃᑖᒥ ᐃᓄᐃᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᑲᒪᒋᔭᐅᔾᔪᑎᓂᒃ ᕿᒥᕐᕈᓂᕐᒧᑦ, ᐋᖅᑭᒋᐊᕈᑎᓄᑦ, ᐊᒻᒪᓗ ᐊᑐᐊᒐᕐᓂᒃ ᐱᕙᓪᓕᐊᑎᑦᑎᓂᕐᒧᑦ ᐃᓄᐃᑦ ᑕᐱᕇᑦ ᑲᓇᑕᒦᒃᑯᑦ ᑲᑎᒪᔨᖁᑎᖏᓐᓄᑦ.
ᑐᓴᐅᒪᔾᔪᑎᒃᑲᓐᓂᕐᓄᑦ ᐊᐅᓚᑦᑎᓃᑦ ᐊᒻᒪᓗ ᐱᓕᕆᖃᑎᒌᑦ.
