ᖃᓄᐃᑉᐱᑕ? ᓄᓇᕗᒻᒥ
ᐊᑐᖅᑕᐅᓇᓱᐊᖅᑐᑦ ᒥᒃᓵᓄᑦ
ᑖᓐᓇ ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᖅᑎᑦ (QNIHS) ᑎᑭᓐᓂᐊᖅᑐᑦ ᓄᓇᕗᒻᒧᑦ ᓯᕗᓪᓕᖅᐹᒥᒃ ᑕᐃᑲᓂ 2024-ᖑᓕᖅᐸᑦ.
ᐊᑐᖅᑕᐅᓇᓱᐊᖅᑐᑦ ᓄᓇᓂ ᐊᕕᒃᑐᖅᓯᒪᔪᓂ
ᑖᓐᓇ ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᖅᑎᑦ ᓄᓇᕗᒻᒥ ᐱᓕᕆᖃᑎᒌᑦ ᓂᐅᕐᕈᑲᑕᖕᓂᐊᖅᑐᑦ ᐊᑐᓂ ᓄᓇᓕᖕᓄᑦ ᓄᓇᕗᒻᒥ ᓇᔫᑎᓗᑎᒃ ᑎᑎᖅᑲᖁᑎᓂᒃ ᑲᑎᖅᓱᐃᓂᕐᒧᑦ.
ᐊᑐᖅᑕᐅᓇᓱᐊᖅᑐᑦ ᑐᓴᖅᑕᐅᔭᕆᐊᖃᙱᑦᑐᓄᑦ ᐊᑐᐊᒐᖅ
ᑖᒻᓇ ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᖅᑎᒃᑯᑦ ᐊᖏᖅᓯᒪᐃᓐᓇᖅᑐᑦ ᓴᐳᔾᔭᐅᓯᒪᓂᖏᓐᓄᑦ ᑐᓴᖅᑕᐅᔭᕆᐊᖃᙱᑦᑐᖁᑎᖕᓂ ᐊᐱᖅᓱᕐᓂᓗᒃᑖᓂ.
ᐊᑐᖅᑕᐅᓇᓱᐊᖅᑐᑦ ᖃᐅᔨᔭᐅᔪᓄᑦ
ᑐᓴᐅᒪᔾᔪᑏᑦ ᑲᑎᑕᐅᔪᑦ ᑕᐃᑲᓂ ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᖅᑎᑦ ᓄᓇᕗᒻᒥ ᐃᑲᔪᕐᓂᐊᖅᑐᑦ ᐃᓱᒪᓕᐅᕈᑎᓄᑦ ᑐᑭᓯᐊᔪᑦ ᐊᓯᔾᔨᐅᑏᑦ ᐃᓄᐃᑦ ᖃᓄᐃᙱᑦᑎᐊᕐᓂᕐᒧᑦ ᐊᒻᒪᓗ ᐱᐅᓂᖅᓴᓄᑦ ᖃᓄᐃᙱᑦᑎᐊᕐᓂᕐᒧᑦ ᐱᓕᕆᐊᓄᑦ.ᐊᐱᖅᓱᖅᑕᐅᔾᔪᑎᒥᒃ ᐱᒋᐊᖅᑎᑦᑎᓂᖅ
ᑐᕌᒐᐅᔪᖅ ᑖᒃᑯᓇᓂ ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᖅᑎᓂ (QNIHS) ᐃᓄᐃᑦ ᐋᓐᓂᐊᖃᖅᑕᐃᓕᒪᓂᖏᑦ ᐊᒻᒪᓗ ᐃᓄᖄᑎᒌᒍᓯᖏᓐᓄᑦ ᓇᓗᓇᐃᖅᓯᔾᔪᑏᑦ ᐋᓐᓂᐊᖃᖅᑕᐅᓕᒪᓂᕐᒧᑦ, ᐱᖃᓯᐅᑎᓪᓗᒋᑦ ᐃᒡᓗᓕᕆᓂᖅ, ᓂᕿᖃᑦᑎᐊᖃᑦᑕᕐᓂᖅ, ᐃᓱᒪᒃᑯᑦ ᖃᓄᐃᙱᑦᑎᐊᕐᓂᖅ, ᐋᓐᓂᐊᕐᕕᓕᕆᓂᕐᒧᑦ ᐱᔨᑦᑎᕋᐅᑏᑦ, ᐊᑦᑕᕐᓇᖅᑕᐃᓕᒪᓃᑦ ᖃᓄᐃᓕᔾᔭᐃᖅᓯᒪᓃᑦ, ᐃᓕᓐᓂᐊᖅᑐᓕᕆᓂᖅ, ᑮᓇᐅᔾᔭᒃᓵᑦ, ᐃᓅᓯᖃᑦᑎᐊᕐᓂᖅ, ᐱᖅᑯᓯᖅ ᐊᒻᒪᓗ ᐅᖃᐅᓰᖅ.
ᐊᐱᖅᓱᖅᑕᐅᓂᖅ ᐊᒻᒪᓗ ᑎᑎᖅᑲᖁᑎᓂᒃ ᑲᑎᑦᑎᕙᓪᓕᐊᓃᑦ ᓄᓇᕗᒻᒥ ᐋᖅᑭᒃᓱᖅᑕᐅᓯᒪᔪᑦ ᐃᓄᐃᑦ ᑕᐱᕇᑦ ᑲᓇᑕᒦᒃᑯᓐᓂ (ITK) ᐊᒻᒪᓗ ᓄᓇᕗᑦ ᑐᙵᕕᒃᑯᑦ ᑎᒥᖁᑖᓂ (NTI). ᐱᓕᕆᐊᖅ ᓴᓇᓯᒪᔪᖅ ᐊᒻᒪᓗ ᓇᖕᒥᓂᕆᔭᐅᓪᓗᓂ ᐃᓄᖕᓂᑦ ᐊᑐᖅᖢᒋᑦ ᐃᓄᐃᑦ ᑕᐱᕇᑦ ᑲᓇᑕᒦᒃᑯᑦ ᐊᒻᒪᓗ ᑎᓴᒪᑦ ᐃᓄᖕᓂᒃ ᑭᒡᒐᖅᑐᐃᔪᑦ ᑎᒥᐅᔪᑦ ᐃᓄᐃᑦ ᓄᓇᖓᓐᓂ.
ᐊᐱᖅᓱᕐᓂᕐᒧᑦ ᐱᓕᕆᖃᑎᒌᑦ
ᓄᓇᓕᖕᓂ ᐃᓚᐅᑎᑦᑎᓂᖅ
ᑖᓐᓇ ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᖅᑎᑦ ᓄᓇᕗᒻᒥ ᐱᓕᕆᖃᑎᒌᑦ ᓂᐅᕐᕈᑲᑕᖕᓂᐊᖅᑐᑦ ᐊᑐᓂ ᓄᓇᓕᖕᓄᑦ ᓄᓇᕗᒻᒥ ᓇᔫᑎᓗᑎᒃ ᑎᑎᖅᑲᖁᑎᓂᒃ ᑲᑎᖅᓱᐃᓂᕐᒧᑦ.
ᐃᓚᐅᔪᑦ ᐊᐱᖅᓱᕐᓂᕐᒧᑦ ᓂᕈᐊᖅᑕᐅᓂᐊᖅᑐᑦ ᓄᓇᕗᑦ ᑐᙵᕕᒃᑯᑦ ᑎᒥᖁᑖᓂ ᑎᑎᕋᖅᑕᐅᓯᒪᔪᑦ ᐊᒻᒪᓗ ᑭᒡᒐᖅᑐᖅᑕᐅᓂᐊᖅᑐᑦ ᐃᓄᖕᓂ ᑕᒪᐅᓐᓂᓗᒃᑖᖅ ᐅᑭᐅᓕᖕᓂᒃ.
- ᐃᓚᐅᔪᑦ ᐅᖃᖃᑎᒋᔭᐅᓂᐊᖅᑐᑦ ᓄᓇᓕᖕᓂ ᑲᒪᔩᑦ ᐅᕝᕙᓘᓐᓃᑦ ᐊᐱᖅᓱᖅᑎᓂᑦ, ᐅᖄᓚᐅᑎᒃᑯᓪᓘᓐᓃᑦ, ᖃᕆᓴᐅᔭᒃᑯᓪᓘᓐᓃᑦ ᓇᔫᑎᓗᑎᒡᓘᓐᓃᑦ.
- ᑎᑎᖅᑲᖁᑏᑦ ᑲᑎᑕᐅᓂᖏᑦ ᓂᕆᐅᒋᔭᐅᔪᑦ ᐱᒋᐊᕐᓂᖓᓂ 2024-ᒥ.
- ᐊᐱᖅᓱᖅᑏᑦ ᐊᑐᖅᑕᐅᓛᖅᑐᑦ ᐃᓂᖃᕐᓗᑎᒃ ᓄᓇᓕᖕᓂ, ᐊᓯᐊᓂᖔᖅ ᐋᓯᖅᑭᓯᓯᒪᓃᑦ ᑕᐃᒃᑯᓄᖓ ᐊᔪᕈᑎᖃᖅᑐᑦ ᓅᓐᓂᕐᒧᑦ ᐅᕝᕙᓘᓐᓃᑦ ᐊᓯᖏᓐᓂ ᐱᔪᒪᔭᖃᖅᑐᓄᑦ.
- ᐃᓕᓐᓂᐊᖅᑎᑕᐅᓯᒪᔪᑦ ᐊᐱᖅᓱᖅᑏᑦ ᖃᐅᔨᒪᑎᑦᑎᓂᐊᖅᑐᑦ ᐃᓚᐅᔪᓂ ᐊᖏᓯᒪᓂᒃᑯᑦ ᑲᔪᓯᓂᐅᔪᑎᒍᑦ ᐱᒋᐊᖅᑳᖅᑎᓐᓇᒋᑦ ᐊᐱᖅᓱᕐᓂᕐᒥᒃ.
- ᑐᓵᔩᑦ ᐊᑐᐃᓐᓇᐅᓂᐊᖅᑐᑦ ᑕᐃᒪᐃᑦᑕᕆᐊᖃᕈᑎᒃ.
- ᐊᐱᖅᓱᖅᑏᑦ ᐊᐱᕆᖃᑦᑕᕐᓂᐊᖅᑐᑦ ᐊᐱᖅᑯᑎᓂᒃ ᐊᒻᒪᓗ ᑎᑎᕋᖅᑕᐅᓗᑎᒃ ᑭᐅᔾᔪᑕᐅᔪᑦ ᐊᑐᕐᓗᒋᑦ Samsung ᖃᕆᓴᐅᔭᕋᓛᑦ ᐊᒻᒪᓗ ᑐᓴᐅᒪᔾᔪᑏᑦ ᑲᑎᑕᐅᔪᑦ ᑐᖅᑯᖅᑕᐅᓯᒪᓂᐊᖅᑐᑦ ᖃᓄᐃᓪᓕᔾᔭᐃᖅᓯᒪᔪᒥ ᑐᖅᑯᐃᕝᕕᖕᒥ ᓄᓇᕗᑦ ᑐᙵᕕᒃ ᑎᒥᖁᑖᓂ.
- ᐃᓄᑐᖃᑦ ᐊᒻᒪᓗ ᐃᓱᒪᒧᑦ ᖃᓄᐃᙱᑦᑎᐊᕐᓂᕐᒧᑦ ᐃᑲᔪᖅᑐᐃᔾᔪᑏᑦ ᐊᑐᐃᓐᓇᐅᓂᐊᖅᑐᑦ ᐃᓚᐅᔪᓄᑦ, ᑕᐃᒪᐃᑦᑕᕆᐊᖃᕈᑎᒃ.
- ᐃᓚᐅᔪᑦ ᐊᐱᖅᓱᕐᓂᕐᒥ ᐊᑭᓕᖅᑕᐅᓂᐊᖅᑐᑦ ᓂᐅᕕᕈᓐᓇᐅᑎᓄᑦ ᐱᕕᒃᓴᖃᕐᓂᖏᓐᓄᑦ.
ᑐᓴᖃᑎᒌᒍᑎᖃᕐᓂᖅ ᖃᐅᔨᔭᐅᔪᓂᒃ
ᐊᐱᖅᓱᕐᓂᒥ ᖃᐅᔨᔭᐅᔪᑦ ᐅᖃᐅᓯᖃᕐᓂᐊᖅᑐᑦ ᐃᓄᐃᑦ ᐋᓐᓂᐊᖃᖅᑕᐃᓕᒪᓂᖏᓐᓂᒃ ᖃᓄᐃᙱᑦᑎᐊᕐᓂᖏᓐᓂᒡᓗ ᐊᒻᒪ ᐊᑐᐃᓐᓇᐅᓂᐊᖅᑐᑦ ᐊᑐᖅᑕᐅᖄᕈᓐᓇᕐᓗᑎᒃ ᐃᓄᖕᓂᒃ. ᐃᓄᖕᓂᑦ ᓈᒻᒪᒋᔭᐅᒍᑎᒃ, ᖃᐅᔨᔭᐅᔪᑦ ᑐᓴᖃᑎᒌᒍᑕᐅᓂᐊᖅᑐᑦ ᐊᒻᒪᓗ ᐊᑐᖅᑕᐅᓗᑎᒃ ᐊᓯᖏᓐᓂᒃ, ᓲᕐᓗ ᒐᕙᒪᒃᑯᓐᓂ ᐊᑐᐊᒐᓕᐅᖅᑎᓄᑦ ᐊᒻᒪᓗ ᐃᓕᓐᓂᐊᕐᕕᒡᔪᐊᓂ ᖃᐅᔨᓴᖅᑎᓂᒃ. ᑐᓴᐅᒪᔾᔪᑏᑦ ᑲᑎᑕᐅᔪᑦ ᑕᐃᑲᓂ ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᖅᑎᑦ ᓄᓇᕗᒻᒥ ᐃᑲᔪᕐᓂᐊᖅᑐᑦ ᐃᓱᒪᓕᐅᕈᑎᓄᑦ ᑐᑭᓯᐊᔪᑦ ᐊᓯᔾᔨᐅᑏᑦ ᐃᓄᐃᑦ ᖃᓄᐃᙱᑦᑎᐊᕐᓂᕐᒧᑦ ᐊᒻᒪᓗ ᐱᐅᓂᖅᓴᓄᑦ ᖃᓄᐃᙱᑦᑎᐊᕐᓂᕐᒧᑦ ᐱᓕᕆᐊᓄᑦ.
ᑎᑎᖅᑲᖁᑎᓂᒃ ᑲᑎᖅᓱᐃᓂᖅ ᐱᔭᕇᖅᑕᐅᒍᓂ ᐊᒻᒪᓗ ᑎᑎᖅᑲᖁᑏᑦ ᕿᒥᕐᕈᔭᐅᕌᓂᒃᑯᑎᒃ, ᖃᐅᔨᔭᐅᔪᑦ ᑐᓴᖃᑎᒌᒍᑕᐅᓂᐊᖅᑐᑦ ᐃᓄᖕᓄᑦ ᐊᒻᒪᓗ ᓄᓇᕗᒻᒥ ᓄᓇᓕᖕᓂ ᐅᓂᒃᑳᑎᒍᑦ, ᓱᓕᔪᑦ ᑎᑎᕋᖅᓯᒪᔪᑦ, ᑎᑎᕋᐅᔭᖅᓯᒪᔪᑦ, ᐊᓯᖏᓪᓗ ᑐᓴᐅᒪᔪᓕᕆᔾᔪᑎᑎᒍᑦ. ᖃᐅᔨᔭᐅᔪᑦ ᑐᓴᖃᑎᒌᒍᑕᐅᓂᐊᖅᑐᑦ ᐃᓄᐃᑦ ᑕᐱᕇᑦ ᑲᓇᑕᒦᒃᑯᑦ ᐊᒻᒪᓗ ᓄᓇᕗᑦ ᑐᙵᕕᒃ ᑎᒥᖁᑖᑕ ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᖅᑎᑦ ᖃᕆᓴᐅᔭᒃᑯᑦ ᐃᑭᐊᖅᑭᕕᖏᑎᒍᑦ ᐊᒻᒪᓗ ᐊᑐᐃᓐᓇᐅᑎᑦᑎᓂᐊᖅᑐᑦ ᓄᓇᓂ ᐊᕕᒃᑐᖅᓯᒪᔪᓂ, ᓄᓇᕗᒻᒥ ᐊᒻᒪᓗ ᑲᓇᑕᓗᒃᑖᒥ ᖃᐅᔨᔭᐅᔪᓂᒃ.
ᖃᐅᔨᔭᐅᔪᑦ ᑕᑯᔭᐅᔪᓐᓇᖁᓪᓗᒋᑦ ᑭᒃᑯᓕᒫᓄᑦ, ᐊᑐᐃᓐᓇᐅᓂᐊᖅᑐᑦ ᐅᖃᐅᓯᖅᑎᒍᑦ ᓈᒻᒪᓛᑎᒍᑦ ᐊᑐᓂ ᓄᓇᕗᒻᒥ ᐊᕕᒃᑐᖅᓯᒪᔪᑎᒍᑦ. ᑲᑎᒪᑎᑦᑎᓛᖅᑐᒍᑦ ᓄᓇᓕᖕᓂ ᑲᑎᒪᓂᕐᒧᑦ ᐱᓕᕆᓂᕐᒥ ᖃᐅᔨᔭᐅᔪᑦ ᑐᓴᖃᑎᒌᒍᑕᐅᓗᑎᒃ, ᐃᓄᐃᑦ ᐊᒻᒪᓗ ᓄᓇᓕᖕᓂ ᐃᓚᖏᔭᐅᔪᑦ ᐱᕕᒃᓴᖃᕐᑎᒃ ᕿᒥᕐᕈᔪᓐᓇᕐᓗᑎᒃ ᑐᑭᓕᐅᕆᓗᑎᒡᓗ ᑎᑎᖅᑲᖁᑎᓂᒃ. ᖃᐅᔨᔭᐅᔪᑦ ᐱᖃᓯᐅᔾᔨᓯᒪᔾᔮᙱᑦᑐᑦ ᖃᓄᑐᐃᓐᓇᖅ ᐃᒻᒥᒧᑦ ᐅᕝᕙᓘᓐᓃᑦ ᓇᓗᓇᐃᔭᐃᔾᔪᑎᓂᒃ ᑐᓴᐅᒪᔾᔪᑎᓂᒃ.
ᑐᓴᐅᒪᔾᔪᑏᑦ ᑲᑎᑕᐅᔪᑦ ᑕᐃᑲᓂ ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᖅᑎᑦ ᓄᓇᕗᒻᒥ ᐃᑲᔪᕐᓂᐊᖅᑐᑦ ᐃᓱᒪᓕᐅᕈᑎᓄᑦ ᑐᑭᓯᐊᔪᑦ ᐊᓯᔾᔨᐅᑏᑦ ᐃᓄᐃᑦ ᖃᓄᐃᙱᑦᑎᐊᕐᓂᕐᒧᑦ ᐊᒻᒪᓗ ᐱᐅᓂᖅᓴᓄᑦ ᖃᓄᐃᙱᑦᑎᐊᕐᓂᕐᒧᑦ ᐱᓕᕆᐊᓄᑦ.
ᐊᐅᓚᑦᑎᓃᑦ ᐊᒻᒪᓗ ᐱᓕᕆᖃᑎᒌᑦ
ᓄᓇᕗᒻᒥ ᐃᓗᓕᖏᑦ ᑖᒃᑯᓇᓂ ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᖅᑎᓂ (QNIHS) ᑲᑐᔾᔨᖃᑎᒌᒐᓲᑕᐅᔪᖅ ᑖᒃᑯᓇᓂ ᓄᓇᕗᑦ ᑐᙵᕕᒃ ᑎᒥᖁᑖᓂ (NTI) ᐊᒻᒪᓗ ᒐᕙᒪᒃᑯᑦ ᓄᓇᕗᒻᒥ (GN). ᑖᓐᓇ ᐊᐱᖅᓱᕐᓂᖅ ᑲᒪᒋᔭᐅᔪᖅ ᓄᓇᕗᒻᒥ ᐃᓄᐃᑦ ᖃᓄᐃᙱᑦᑎᐊᕐᓂᕐᒧᑦ ᐊᐱᖅᓱᕐᓂᕐᒧᑦ ᑲᑎᒪᔨᐊᓛᓂᒃ ᐃᓚᐅᑎᑦᑎᓪᓗᑎᒃ ᑭᒡᒐᖅᑐᐃᔨᓂᑦ ᓄᓇᕗᑦ ᑐᙵᕕᒃ ᑎᒥᖁᑖᓂ ᐊᒻᒪᓗ ᒐᕙᒪᒃᑯᑦ ᓄᓇᕗᒻᒥ ᐋᓐᓂᐊᖃᖕᓇᙱᑦᑐᓕᕆᔨᒃᑯᓐᓂᑦ. ᖃᐅᔨᒃᑲᓐᓂᕈᒪᒍᕕᑦ
ᐊᐱᖅᑯᑕᐅᒐᔪᒃᑐᑦ
Find answers to your questions about the survey.
