Apiqhutauvaktut
Tamaitnut
Hunamik piva Qanuritpita? tukiqaqa?
Qanuritpita? tukilik “Qanuritpita?” Inuktitut. Tamna atia titirauhialu niruaqtauyut hivulliqpaamut Inuit aaniaqtailiniq naunaiyaut havariyauyuq Nunavikmi 2004-mi. Kinguagutlu niruaqtauyuq tapkunanga ITK-kut aturiaqmatyuk nunaqyuaqmi naunaiyaut 2019mi.
Unauva tamna Qanuritpita? Kanatami Inuit Qanuinninginnik Tukisigiarniq (QNIHS) Nunavutmi?
QNIHS-kut qauyihautauyut hanayauhimayut inungnit inungnut kihiinnauplunilu Inuit-hivuliqtuqtaat aanniaqtuliqiyit qauyihautait uplumimut ilaupkaiplugit Inuit tamangnik ukiulingnik qanukiaq nunallaarnit Kanatami tamaat hitamauyunit Inuit aviktuqhimaniinit. QNIHS taamna ihuaqhautauyughaq aanniaqtailiniqmik inuuhiqattiarniqmiklu Inungnit Kanatami atuqtittivalliaplutik Inuit aanniaqtailiniqmut inuuhiqattiarniqmullu maligaghainik ikayuutighainiklu katitiqhutik nakuuniqhanik naunaitkutanik naamayunik ihuaqtuniklu Nunavunmut inungnullu.
Kia hivuliqagu tamna Nunavut naunaiyaut?
Nunavunmut ilaghaat iliqahiutihimava talvunga Qanuritpita? Kanatami Inuit Qanuinninginnik Tukisigiarniq (QNIHS) havaqatigiighutik havaanguyuq taapkualu Nunavut Tunngavikkut Timingat (NTI) taapkualu Kavamatkut Nunavunmi (GN). Una havakvik naunaiyaut hivuliqtauyuq tapkunanga Nunavut Inuit Aaniaqtailiniq Naunaiyaut Naunaiyaiyit Katimayiralaat ilalgit kivgaqtuiyut tapkunanga NTI-kut tapkuatlu GN-kut Munaqhiliqiyitkut.
Tapkuat Inuit Aaniaqtailiniq Naunaiyaut Uqautyiyit Katimayiralaat, tapkuat ilalgit allatqit kivgaqtuiyut nunaliuyumi, nunaliit avikhimaniani, nunatagauyuplu puqtuniani, piqaqtitai atuqpiaqtut hivulirutit tapkununga Nunavut Qanuritpita? Hangutitaiyut Katimayiralaangit hanalutik atuqtittilutiklu qauyihautinik. Tapkuat katimayiralaat atuqpiaqtitai tamaita ihumaliurutit naunaiyautmut nanminiriyai nakuuniqhaniklu piyumani Nunavut Inuit.
Nunavunmi Qanuritpita? Kamayi Katimayiralaat atuqpiaqtitai tapkuat naunaiyautit piniaqtai tamaita aaniaqtailiniq pityutit atuqpiaqtut tahapkununga Inuit Nunavutmi, piplugit naalaknit Inuit ilitquhi pinnariyailu.
Taamna Qanuritpita? Nunaptingni Tamaat Inuit Aanniaqtailiniqmut Qauyihaiyut Havaqatigit Ilagit (NIHSWG) ihuaqhihimayut attaqtuniqpamut pityuhi Inuit Kavamaliqutit. Tamna NIHSWG katimayiralaat-ilagiyat tapkuat Nunaqyuaqmi Inuit Katimayiralaat Aaniaqtailiniq (NICoH) ataani Inuit Tapiriit Kanatami (ITK). NICoH-kut piqaqtitai pitquhiliqutit hivuliqni aturahuaqtitnilu turangayut nunaqyuaqmi Inuit aaniaqtailiniq munaqni naunaiyaut, ihuaqhaqni, amilgaitlu pivaliatitni tapkununga ITK-kut Katimayini Katimayit.
Naunaittiariamik pulaaqlugu Ataniqtuqtuiyut Havaqatigiiklu.
Qanuq una naunaiyaut allauva ahiinit?
Inuit apiriyauyut piqatauni amihuni naunaiyautit. Ilai atuqtauyut kavamatuqatkut kavamaitnit, universitit, ahiilu. Amihuniqhat pivaliatitauhimaittut tahapkunanga Inuit. Tapkuat apiqutit turangainayuittut tahapkununga Inuit pihimaittutlu uvaptingnut hivulliutyaqnivut. Tapkuat QNIHS-kut apiqutit turanganiat uqauhiqaqviuni piyauyut uqaqatigikninit Inuit aaniaqtailiniptingnut hivulliutyaqnivut.
Tamaita tuhagakhat munariyauniat taahapkunanga Inuit. Ilagiplugitlu, ilanga pinahuaga naunaiyaut piqaqtitni iliharniq piqaqnitlu ikayutit pivaliatitni ayuitnit Inuit havariplugit nanminivut naunaiyutit atuqattaqni, atuinaqtumiklu. Una ikayuqtuq piqpiaqtitni Inuit anginiqpamik munaqni naunaiyainiq tapkuatlu naunaiyautit naunaiyainiqlu-turangayut ayuitnilgit, havatlu huniqtailini Inuit nunaliuyuni.
Piqatauniq
Utoktineagupkotaok agigotiga?
Naonaepkotitit ilipkamayaoneaktut 25-ni ukeoni, utiktineagukni agigotit atoktaoyagani naonaepkotitit ahivaktaoneaktut tutkomavikmit, kiheani takukhoaneaktut kitonilika hivoani titigakhimayoni titigakvikhani.
Tukhigeakni utiktitagani naonaepkotitit okakvigiyavaptigut uvani info@qnihs.ca
Qanuq Inuit niruaqtauyut piqatauni uumani naunaiyaut?
Tamainnit nunallaani, tikkuaqtauhimajut qaffiujut Inuit aallatqiinguyut ukiungit apirijaujut ilaugiamingni uumani Qanuritpita? Kanatami Inuit Qanuinninginnik Tukisigiarniq (QNIHS). Inuit tikkuaqtauvangniat quyaginnaqlutik NTI-kut Inuit Atiliqhimayut Titirautainit aviktuqhimayuniklu nunallaakkut.
Tapkuat naunaiyaut qanuritninut nalaumayangi kivgaqtuini Inuit nunaliit avikhimaniani, kihimik tahapkuat quyagitnaq tikkuaqtauyut piqatauniat. Piqatauniq angmaumangittuq quyangitnaq.
Pigaluaqtitlugu piqatauniq naunaiyautmi ihumamiqpiaqtut, piqataupluni, tikkuaqtauyarangat, ikayuqniaqtutit unniqni atuqpiaqtumik Inuit unipkaqni aaniaqtailiniq inuuhirikniqlu tapkuat tukilgit hivunikhami havagutit maligaitlu aktuanit Inuit nalaumatqiyauyangit turaqni Inuit piyaqaqni hivulliutyaqnitlu.
Tapkuat QNIHS-kut atuqtauniat Nunavutmi tamaat tallimat ukiut. Tuna tukilik pilaitkaluaqtitlutit piqatauniq tatya 2024 naunaiyaut, tikkuaqtaulaqtutit hivunikhami ukiuni.
Hungmat piqatauniaqinga?
Piqatauniq uumani naunaiyaut ilagiya qanuripkaqni hivunikhat nunaligiuyapta. Tamna tuhagakhaq atuqatigigutit atuqtitlugu nanminiq apiqhuiniq ilagiyauniaq nakuuqpiaqtumik pihimaliqni tuhagakhat taimalu atuqtaulutik nakuutqiyamik ihumaliurnit Inuit nunalikputlu.
Tamna naunaiyaut ihumamirutauyuq, kihimik atuqpiaqtuq tahapkununga quyagitnaq tikkuaqtauyut piqatauni naunaiyautmik piyangalu atuqpiaqtita tuhagakhat naunaiyautinit nalaumayakhait. Pihimaittumik nalaumayunik tuhagakhat uingaittumik turangani piqpianik aaniaqtailinit Inuit nunaligiyavutlu, ayuqnatqiyaukmat pivaliatitni atuqpalianilu havagutit maligaitlu turangayut nakuuhivalliqni aaniaqtailiniq inuuhiriknilu Inuit.
Tapkuat tuhagakhat katitigauyut tamaitnit inungnit piqatautquyauyut atuqpiaqtuq piqaqtittangi uingaittumik takuyauni tamaita Inuit.
Hunauvat pilarutitka piqatauniqmut?
Hapummiyangi pilarutitit inmigurutitlu, QNIHS-kut havaktitavaktilluat hivulliqmik pitaqniat akiittut tuhaumattiaqtutlu angirutit tamaitnitlu piqatauyut. Qanuq tukiqaqa una iliknut?
- Tuhaqhitauttiaqniaqtutit pityutanik naunaiyaut, ilautitlugu hivuranaqnit ihuaqutaulaqnitlu, tapkualuttauq quyagitnaq tuhagaulaitni naunaiyaut pigiaqtitnagu.
- Ukiukiluaruvit, angirut pitarialik angayuqaqnit uvaluniit munaqtigiyaqnit. Inulrammiuguvit, ukiulik 12 avataanutlu, apiriyauniaqtutit angiqtitauniqnik – qipilulaqtatlu piqatauymngitkuvit angayuqat uvaluniit kamayit angiraluaqtitlugu. Piplugu inungnit tungani ukiulgit 16 ukiut maligaqtigut pilaitni angiqhiniq, apiriyugut taiyauyumik “assent” (angiqtitnit). Tukilik angirut kinamit pipkailaittuq maligaqtigut angiqniq piqatauniq huliniqmi.
- Pilarutiliuyutit apluqhiniq apiqutmik kiuyumangitkukni. Nutqainarialiuyutitlu naunaiyautmik nutqaqtitnialu angirutit uvaluniit angiqtitaunit quyagitnaq pivikhani.
- Ilaoyomaginigovit utiktitkuknilunet agigotit naonaeyaonmit ona piyokikalimagitok aktoknikaklonilunet ikayutonik, piyakhaknik NTI-konit aktoknikalimagitoklunet kitoniklika hivonikhami ilaoyotimik aheni NTI-kot havagini holiyotaenilunet.
Tuhagakhat taihimayunut inungnut hatqiqtitaulaittut uvaluniit kinaiyaq naunaigaulaittut. Tapkuat QNIHS-kut Nunavut Havaqatigit akhut maligalgit pittiarniqmik hapummiyangi innungmut katitigatlu tuhagakhat.
Hunanut tuhagakhat atuqtauniaqat?
Tuhagakhat katitigauyut atuqtauniat amihunut pityutit ilautitlugu parnaiyainiq, tuhaumatitni maligait ihumaliurutit, nakuuhivalliqni havagutai, pivaliatitnilu nutaanik piyaqarangat. Inguagut atuqtitauni tapkuat QNIHS-kut piyauniat tamaat tallimani ukiut, pipkaqhugit Inuit Nunaliit avikhimani, inungnutlu ihuaqhaqni havagutai, maligait, ihumaliurutitlu, takuyakhai qanuq Inuit aaniaqtailini pivaliayangit atukhaliqtitlugit humilu piqaqnit hanivaiviuyaqaqnit.
Qanuq inulrammiit piqatauni aulatauniaqat?
Nutaqat tunganitpat ukiungi 12-nik tikkuaqtaukpat nutaqamut naunaiyainiq, taphuma nutaqap angayuqangi uvaluniit maligaqtigut munaqtit piqatauyalgit kivgaqtuqhugu nutaraq.
Inulrammiit piqatauyut ukiulgit 12 tikitlugu 15, angayuqaq uvaluniit maligaqtigut munaqti piqaqtitiyalik tuhaumaluni angirutmik piqatauniq. Ilagiaqlugu, taphuma inulrammiup angayuqanga uvaluniit maligaqtigut munaqti nirualaq naliaknik nayurumayakha nutaqani naunaiyaititlugu. Inulrammiit ukiulgit 16 avataanutlu piqaqtitilat tuhaumaluni angirutmik piqatauniqlu naunaiyainiq ilaungitkaluaqtitlugu angayuqaq uvaluniit munaqtiuyuq.
Qanuq ilihimaniaqinga tikkuaqtauyakhamnik?
Ilauyughat quyaginnat tikkuaqtauniaqqut NTI-kut Inuit Atiliqhimaviinit. Tikkuaqtauguvit, tuhaqhitaulaqtutit qaritauyakkut, hivayautikkut uvaluniit kinamit iliknungauluni angilraqnut. Talvuna, tamna tuhaqhittiyuq iliknik tuhaumatitniagatit naunaiyaqnikhat, ilitturipkaqlutin ilavalliqninik piqatauniq naunaiyautmik, apirilutit piyumayakhat piqatauniq atulaniklu tuhaqhitlutit qakugu humilu naunaiyainikhat.
Qanurittut apiqutit apiqhutauniaqat?
Aturniqhat aaniaqtailiniq hivulliutyaqnit naunaiqtai Inuit. Tahapkuat hivulliutyaqnit atuqtauyut naunairutauniat naliat apiqutit apiqhutaunikhai.
Apiqhutit pinahuaqni amihunut pityutit ilautitlugu niqit niqittiarikniq, ihumaliqutit inuuhirikniq, ilitquhiliqutitlu naunaiqtaunilu, ahiiuttauq ilauyut. Inuit uqaqtut piyumagiplutik ilai apiquttit apiqhutauyut takukhaulirutauniat hakugikninik Inuit nunaligiyavutlu. Pititlugit tuhagakhat aaniaqtailiniq akhurutai hanmiyai Inuit atuqpiaqtut pihimayangi, ilai hakugigutiningaqhimayut apiqutit piyalgit unniriangi ihuaqhivalliqhimayangi unipkaqnit turangayut nakuuyunut hunat atuqtut inungnit nunaligiyaptingnilu.
Nunavut Tunngavik Nanminilgit (NTI) ilaliutikmiya uvagut nanminivut nunalikni taiyauni apiqutit naunaiyautmut. Piqaqniaq tapkuninga 30 apiqutit turangayut Nunavutmut. Katitlugit, piqaqtuq 230 apiqutit inirniqnut tapkuatlu 174 apiqutit inulrammiqnut.
Humi naunaiyainiq atuqtauniaqa?
Tamna naunaiyainiq atuqtauniaq tamaitni 25 nunaliuyut humiliqak Nunavutmi inikhaitni tahapkuatut nunalikni ulapqivit, haamlatkut titiraqvit, uvaluniit ahii inikhat. Hivuani pigiaqtitnagu naunaiyainiq atuni nunalikni, piqaqniaq nunalikni huliniq tapkuat tamaita nunalikni ilauyut tunngahuktitauniat ilaunikhait.
Takulugu tuhaqpaligakhat nunalikni huliniit..
Naunaiyaut
Qanuq havaaghaqaqniaqqat Inuit nunallaavullu qauyihaiyunit?
Piplugu tamna QNIHS-kut Nunavut hanatyuhikhaliaq, atuqtauyuqlu nanminiriyatlu Inuit, Inuit hivuliqniagai tamaita ilagiyai naunaiyainiq. Nunavut pihimayuq kamayit katimayiralaat atuqni atuqpiariangi Inuit ilautitnit piqataunitlu atuqtitlugu tamaat naunaiyainiq pityuhiq. Naunaipkutariplugu: Inuit ilaupkaqni atuinaqniatlu ilautitni naunairiangi aaniqtailinivut tuhagakhat naunaiyaqnilu hivulliutyaqnit; nunalikni hivuliqtit tahapkuatut maiyauyut ilautitauniat ikayuqtigigiakhaq aturahuaqtitnilu naunaiyaut; nunalikni inungnut havktitauniat apiqhuiyukhat, uqaqtit ihuaqhaiyitlu ayuitnilgit; tapkuatlu Inuit ilihautitauniat naunaiyainiq atuqtitnilu tuhagakhat.
Takuvalliqlugu tuhagakhat tapkununga Nunavut Kamayit Katimayiralaat.
Hunanik havat piniaqat hilataanit ayuitnilgit piniaqat?
Inuit atuqpiarahuaq allanguqninik pityuhivut tuhagakhat katitaunit, munaqtaunit atuqatigugutaunilu. Tapkuat QNIHS-kut Nunavut hanatyuhikhaliugat, nanminiriyai hivuliqtauyutlu tapkunanga Inuit. Katutyiqatit tahapkununga piplugit ikayutitlu pityuhit munaqtauyut hivuliqtauyutlu tahapkunanga Inuit qinqitauniat atuqpiariangi tapkuat pinahuagat atuqtitni nakuuqpiaqtunik tuhagakhat piyakhai. Ilanga pinahuagaq aaniaqtailiniq naunaiyainiq piruqhaqni pilaqnit ayuitnitlu piyaqaqtai Inuit munariakhai tamaita pityutai naunaiyainiq-atuqnia naunaiyainiqlu huvituyumut, atuinaqnialu. Atuttiaqtumik katutyiqatigit ikayuqniat piruqhaqni uuma pilaqni atuqhugu pivaliatitni iliharniq, tuhagakhat atuqatigikni ilihimanilu himmiqtautigini.
Qanuq tamna naunaiyainiq hugiaqniagai taihimayut hivulliutyaqni Nunavut?
Piplugu Qanuritpita? Piplugu Qanuritpita? piyanga nunaqyuaqmi Inuit aaniaqtailiniq naunaiyaut tapkunanga Inuit Tapiriit Kanatami (ITK), piqaqniaq 30 Nunavut-taihimayut apiqutit naunaiyautmi, piqatigiplugit aturniqpat apiqutit apiqhiyut tamaitnik QNIHS-kut humiliqak Inuit Nunangat. Tahapkuat Nunavut-taihimayuq apiqutit atuqpiariakhat tamaita tapkuat tamaitni Inuit Nunaliit Avikhimani naunaipkutalgit piyaqaqtai hugiaqni akhurnaqnit pityutitlu ayyikkutaittut inigiyamingni.
Inmigurutit Tuhagakhatlu Katitiqnit
Qanuq inmigurutitka hapummiyauniaqat?
Tapkuat QNIHS-kut piyai inmigurutit quyagitnaqlu tuhagakhaungittut piqaqtauniqmut akhurutigiqpiaqhugit. Turagaq tuhagakhat, tahapkuatut atiit turarutailu, tutqumayut ilikkut iniqtanit naunaiyautit. Una tukilik pilimaittut kinaluniit takulimaitpiagai piqatauyup atia kiutyutailu katimatitlugit. Tamaita ilauyut tapkununga QNIHS-kut havaqatigit, pilaqnilgit naunaiyautit kiutyutainik, sainiqhihimayut Quyagitnaq Tuhagaulaitni Angirut, tapkuat hapummiyai inmigurutit kiutyutit. Tuhagakhat piqaqtitai piqatauyut ilihimaniat quyagitnaq tuhagaulaittuni atuqlugitlu kihimik kititiqninut piplugit. Una tukilik tamna naunaiyaut kiutyutit ilagiktitaqniat atauttimut amihunut ahii kiutyutit kivgaqtutaulutiklu tuhaqhitautailu tamaitnut kititaunit. Atauhiq naunaipkutaq kititauninut tamna, “pusaunit Inuit tuhaqhitaut nakuuqpiaqtumik uvaluniit nakuuyumik aaniaqtailiniq.”
Pimagioyot tiitigaghimayagiakatok tahapkua Aviktoghimayoni Inuit Katuyikatigit Nunavumi pihimayagiakaktaitaok tahapka nunaliitnit naunaiyaotaoyut illaliotiyaoniaknikata havagiyaoniaknunot. Kihianitaok atolaitungaghiyugaloit, tahamna hatkiomayaoniaktok, illaliotilogit allanik humilikak tohaktitjutighanut, imakaak pitjutaoyungaktot naunaipkutaolutik pikataoyunot.
Kia katitiqniagai tutquqnilu tuhagakhat?
Tapkuat QNIHS-kut atuqpiarahuat angiyumik hanivaivigini iluani Inuit nunaliit avikhimani havariyangi naunaiyaut nanminirinilu, aulani, qauyihaqni, atuqatigikni atuqnilu tuhagakhat. Inuit timingit hanatyuhikhaliat atuqtitnilu naunaiyaut, qauyihaqni atuqatigiknilu tuhagakhat katitiqni, atuqniagailu qanuritnit maligaliurniqmut havagutailu allanguqnit qiniqtut nakuuhivalliqninik aaniaqtailuni inuuhiriknilu Inuit.
Humi naunaiyaut tuhagakhat tutqumaniaqat?
Naunaiyaut tuahgakhat tutqumaniat piyaulaittuni qaritauyaqaqvit munaqtai NTI-kut. Naunaiyaut tuhagakhat ilaliutyaqniat tuhagakhanut ahiinit Inuit nunaliit avikhimani pinguqtaulutiklu nunaqyuaqmingaqni tuhagakhat atautini. Tamna nunaqyuaqmi tuhagakhat atauttimitni tutqumaniat piyaalitrumi Inuit Tapiriit Kanatami. Tamaita tuhagakhat talvanitniat iluani Kanatami.
