Inmigyurutit Maligait

Nunavut Tunngavik Timiqutingit 

Qanuritpita? Kanatami Inuit Qanuinninginnik Tukisigiarniq – Nunavunmi Qaritauyakkuurutit 

INMIGURUTIT UQAUHIT 

     

      1. INIQNIAQHIMAYAVUT 

    Ilitturinnaqnaitjuhiit aghuurnauyut uvaptingnut. Anniriyavut ukpirnautait pulaaqtivut qaritauyakkuurutiptingnut aghuuqpaghutalu ukpiruhuqupluhi tamatkiumaniptingnik ilitturinnaqnivullu havauhiptingnut iliffi naunaitkutaffingnik tuniyauhimayut uvaptingnut. Una ilitturinnaittunut uqauhiit qaritauyakkuurutiptingnut, “uvagut”, “tamapta”, taimaalu “piutivut” ilittuqhitiuyut taapkuninnga Nunavut Tunngavikkut Timingat (NTI). 

    Hamani qaritauyakkuurutinit, pivangniaqtugut, ilaaninnguraangat, katitiriluta inungnut naunaitkutanik atuqtivut hulivagainut, taimaa ilitturinnaittumik huminngaariaminik, taimaa ilitturinnaittumik, atuqtauyughat katiqhuqhimalutik taapkununnga Qanuritpita? Nunavunmi qaritauyakkuurutainik aulapkaiyit parnaiyillu. Ilaani, innum naunaitkutait katitiqhimayaqqut qaritauyakkuurutiptingnit (taapkuakluuniit iliuraqhimayatit) ilauvangniat ilittuqhitingnut katitiqhimayunit naunaitkutanit. Atuqpaktavut ihuaqutauyut naammaktullu havauhiit titiraliqiniqmut ayuqnaqtunullu taimaa ilitturinnaittaamik tamangnik naunaitkutat katitiqhimayut, taapkualluaq innum naunaitkutait, talvuuna qaritauyakkuurutikkut.  

    Naunaittiariamik qanuq ilingnut naunaitkutat katitauvagiaghait, atuqtauvagiaghait, pihimayauvagiaghait, tutquumayauvagiaghait qauhitiyauvagiaghaillu talvani Qanuritpita? Qanuritpita? Nunavut qaritauyakkuurutait, qanuqluuniit NTI-kut iqqakuquyatit ilingnut naunaitkutanik, takulugu ilanga IX qanuq hivayariagharnik. Una ilitturinnainiqmut uqauhiq qaritauyakkuurutinut unipkaanguyuq, taamnaunngittumut Qanuritpita? Kanatami Inuit Qanuinninginnik Tukisigiarniq. Qauyihaiyunut ilauyut naunaiqtitauvaktut ilitturinnainniqmut qauyihautinit, ilikkuuqtunik. 

       

        1. KATITIQPAKTAVUT HAPKUNANIT QARITAUYAKKUURUTINIT HUUQLU 

      Makpiqqat atuqhugit hapkunani qaritauyakkuurutinit, katitirivangniaqtugut ilingnut naunaitkutanik, katitiqtauyughat naunaitkutighat naunaiqhitinit qaritauyakkuurutinit parnaiyinullu. 

      Naunaiqhitinahuaqpangniaqqugut ihuaqtukkut qanurittunik naunaitkutanik katitiriaghaptingnit, huuqlu, huuqlu katitiqpaktaqqut, qanuq atuqniaqhimayaqqut, atuqpangniaqhugillu naunaitkutatit hughauyumut. 

      Ilaani, angirutit naunaiqhitiyaamik ilingnut naunaitkutanik ilitturinnaqniaqtut, taimaa qaittihimaguvit qaritauyakkut titiraqaqvingnik taimaa titirariaptingnik ilingnut iniqhimaguviukluuniit titiraaghaq tughiraiyuq naunaitkutanik. Ilaanittauq, angirutit taamna naunaiqhitiyauvangniaqtuq katitirigaangapta naunaitkutanik qaritauyakkuurutit makpiraanginnik pulaaqhimayatit, taapkuatut, qaritauyakkuurutivit turaaqviat Qaritauyakkuurutinit (IP-nut turaaqviit) qaritauyakkuurutinit cookie (hiqulauyannuaqluuniit), taamna naittuq ilainnaq titiraqhimayuq taamna qaritauyakkuurutilik iliuraivaktuq qaritauyakkuurutingnut qiniqhiatjutinit talvuuna qaritauyakkuurutivut ilitaqhivangniaqtuq ilingnut naunaitkutaqnik kinguani pulaatqigungni. 

         

          1. QAUYIHAUTIT 

        Ikayuutinik atuqpaktugut taapkuatut Google Analytics, Analytics Agency, taamnalu Meta Pixel ihuaqhivaalliutighat qaritauyakkuurutiptingnik atuqtillu atuqpauhighainut. Google Analytics taamnalu Meta Pixel katitirivaktut katiqhuqhimayunik naunaitkutanik atuqtit qaritauyakkut qiniqhiavagaigut qaritauyakkuurutiptingnit. 

        Katiqhuqhimayut naunaitkutat ilittuqhitiuyut qaritauyakkuurutinit naunaitkutanik katitiqhimayut katitauplutiklu amihunit aallanit pivighanit inungnilluuniit naunaiqhitivighaat katihimayunik naatjuhirnulluuniit naunaitkutanik. Qaritauyakkuurutinit naunaitkutauyut katiqhuqhimayut aviktuqhimayulluuniit qauyihaiyaamik ingilraviit, maliktauniit, pitquhilluangiluuniit, taapkua inuit ilittuqhitiit kitulluuniit naunaitkutauyut ilitturinnaitillutik ilitturinnaiqhimayulluuniit. 

        Uqauhiinit talvani Google Analytics, katiqhuqhimayut naunaitkutanit ilauyut, taapkuatut, naallugit qaritauyakkuurutinik pulaaqhimayut, qanuq hivituyaaghaanik pulaaqhimavaktut, takuyaulluaqhimayut makpiqqat unipkaalluuniit, nunami nanikiaq maliguaqtauyut, ahiniklu naunaitkutanillu naunaiqhivighanik. Hapkua naunaitkutat ikayuutauvaktut ilihimattiariamik tamatkiumayunik atuqtit pitquhiinik ahiniklu atuqluaqtauyunik ilittuqhitihimaittumik kitukiat inuit ihuaqhivaalliqhugulu uqauhiit qaritauyakkuurutiplu hanauhia. Ilitturinnaqtunik naunaittiariamik Google qanuq katitirivagiaghainik havauhiinullu naunaitkutanik, takulugu Google-kut Ilitturinnainniqmut Maligaliuqhimayut talvani Google’s Privacy Policy

        Taimaa katitiriyunik naunaitkutanik nutqaqtittiyumaguvit Qinngiinnarialgit Tamangnik cookies (hiqulauyat) paqitjutaillu talvuuna piinnarialiutikkut qaritauyakkuurutinit. Taapkununnga Google Analytics 4 kihiinnaq, pulaanginnarialik taamna https://tools.google.com/dlpage/gaoptout. Aullaqtittiyaamik nutqaqtittiyaamikluuniit ilingnut naunaiqhitinik, pulaaqlugu https://myaccount.google.com/data-and-personalization. Tautugumagungni ungavaiyumaguvilluuniit kitumikiaq qaritauyakkuurutimik naunaitkutanik Google katitiqhimayaat ilingnut, hapkua ilittuqhivigiyaghatit https://myactivity.google.com/myactivity. Naunaitkutatit Google Analytics-mut tuniqunngitkungniuk ilauplutik NTI-kut qaritauyakkuurutainut katitiriyunut naunaitkutanik, tunihittailiyumaguvit naunaitkutarnik piinnarialiuyutik. 

        Taimaa aghuuqhuta aallatqiingnik atuinnariaqaqtarnik munaqtagharnik ilvit naunaitkutarnut, katitiriyut atuqpauhiillu naunaitkutanik Google-mit uvaptingnit munaqtauyuittut. Aghuuqhaqhutik ihivriuquyaqqut ilittuqhariamik ilingnik Google-kut Ilitturinnainniqmut Maligaghainik ingilrutaillu tajja atuqtittivagait munariyaamik inmingnut naunaitkutanik pihimayungnaqhiyaat ilingnut NTI-kut katitiqhimayainit qaritauyakkuurutinit naunaitkutanit. 

        Atuqpaktavullu taamna Agency Analytics katiqhuriamik atuqtit qaritauyakkuuqhutik pitquhiinut naunaitkutanik atauttimut naunaitkutanut. Katittaamik taapkualu Agency Analytics taimaittuq tunngaviat atuinnarialiuyut kitunikiaq naunaitkutanik hailiyauhimayut katittiyunit API-nit. Katittaamik kitunikiaq qaffiuyunik angirutiqaqtughat ihumagiyainut angiqtauyughat atuqtimit, taamna API-nut naunaitkutat atuqtitauhimayut nutqautiqaqpangniat hapkununnga ihumagiyainnut. 

        Naunaitkutat piyauhimayut kitunitkiaq katitiqhimayunit nuitapkaqtitauvangniat hivikittumik tutquumalaaqtuttauq qaritauyakkuuqtittimnit ihuaqhivaalliriamik aullaqtittiviit naunaitkutanik talvuuna ikayuutikkut. 

        Naunaitkutat piyauhimayut katiqhugaqnit atuqtauvangnit naunaiqhititut kihiinnaq. Naunaitkutanut ilauvangniat taapkua qaritauyakkuurutinut naunaitkutat, qiniqhiatjutinut naunaitkutat, inuit tuhaqtittiviinut naunaitkutat akiliqtuqhimayullu tuhaqtittiviit naunaitkutait. 

           

            1. QANUQ NAUNAITKUTAT ATUQPAKTAVUT KATITIQHIMAYUT HAPKUNANI QARITAUYAKKUURUTINIT 

          Atuqpaktavut naunaitkutat katitiqhimayut ilingnit talvanngat Qanuritpita? Nunaptingni Tamaat Inuit Aanniaqtailiniqmut Qauyihaiyit Nunavunmi qaritauyakkuurutait naunaiqhitivighat ikayuutiptingnik (taapkuatut, havaaghait, tuhaqtittiviit, apiqhuqtauvaktunullu) tughiraqhimayarnik, taimaalu havaqatigiyaaptingnik uvagut qaritauyakkuurutillu. 

          Taimaalu tuyuqtauvangniaqtutit qaritauyakkut titiqqanik naunaitkutalgit tughiraqhimayarnik taapkuninngaluuniit angiqhimayarnut tunihiyaamik tuniyauyaamikluuniit, naunaitkutanikluuniit naunaiqhitiyauyaarnik aallannguqtiqhimayunut naunaitkutanik hivuani tughiqhimayatit, tunihimayarnik, angiqhimayarnikluuniit tuniyauyaamik uqauhikkut titirakkulluuniit. Tughirainnarialiuyutit taimaa tuhaqtitauhuiriamik naunaitkutatillu ahivaqtauyaamik quyaginnaq, qaritauyakkut titirakkut tuyuqhimayumut tuhaqvigiivaktat. 

          Ihuaqhaiyaamik ilihimayatit qaritauyakkuurutiptingnit, tutquivangniaqtugut ilangannik naunaitkutat qaritauyarnit taimaittumik “cookie” (hiqulauyaq). Cookie (hiqulauyaq) taamna naittuq uqauhiuyuq taaffuma qaritauyakkuurutim iliuraivagaat talvunga cookie (hiqulauyaq) tutquumavianit qiniqhiavingnit taimaa qaritauyakkuurutivut ilitariyaamik nanminiit qaritauyat kinguani pulaatqigungni. Cookies (hiqulauyat) avaliittumik unniutiyuittut ilingnut qaritauyakkut titiraqaqvingnik taimaalu ilittuqhitiyuittut ilingnik. Cookies (hiqulauyat) atuqtaulaittut aulapkaiyaamik ikayuutinik nuutittiyaamikluuniit hangutaqtunik ihuilutinik talvunga qaritauyarnut. Aallannguqtiriyumagungni havauhiit cookies (hiqulauyat) ahivaqlugilluuniit, taimailiinnarialik aallannguqtiqhugu qiniqhiatjutit atuqluaqpaktatit nalaumaniillu: angmaqtiqlugu Paqittittailugu (DNT) talvani qiniqhiatjutingnit, taimaalu/uniit atuqtailihimalugit ihuaqhaqhimayut naunaitkutat talvani atukkavit ihuaqhautainit, taimaalu/uniit ihuaqhaqlugit ilitturinnainniqmut naqittautait. Taimailiuruvit ihuilutaulaaqtuq qaritauyakkuurutivit qaanganik ihuaqutainullu.  

             

              1. MUNARITTIAQHUGU ILINGNUT NAUNAITKUTAT 

            Munariyaarnik ilingnut naunaitkutat katitiqhimayut qaritauyakkuurutinit munariyaptingnik angiqtauhimaittunit atuqtittiyinit atuqtunillu, atuqpaktugut takunnaqtunik, alruyaqtuqtunik, havauhirnullu amirnautinik havauhiptingnut naunaitkutanullu. Tajja nutqautauyuq-hangutaqtunik paqitjutait iliuraqtauhimayut tamangnut havakvingnut, avugiiktuniklu nutqautinik atuqpaktugut, uqauhiit itiqtirutauyut, hakugiktuniklu atuqpautinik, amihunik-munariyaghalik atuqpautait ahiniklu ayuqnaqtut titiraliqiyillu munaqtaghait qayangnaittaamik. Atuqtittiyut inungnut naunaitkutainik ayuqnaiqhimayuq angiqtauhimayunut havaktinut ihariagiyunik naunaitkutarnik taapkununnga havaamingnut. Tamangnik havaktiit atiliqtuiyughat ilitturinnainniqmut angirutinik havaktitaulirumik. 

               

                1. KAANTULAAKTIT TITIRAAGHAIT 

              Kitukiat naunaitkutat tunihimayatit turaaqvighat titiraaghainit qaritauyakkuurutiptingnit tuyuqtauvaktut uvaptingnut qaritauyakkut titiraqtut taapkuanginnak angiqtauhimayut havaktiinut takuinnarianighimmayut. Naunaitkutat tutquumavaktullu qaritauyanit tutquumaviinit qaritauyakkuurutiptingnit kingunighait ahivaqtaunginnarialgillu pitquihimaguvit. Tughiqtuiyaamik aajjikkutaliuqhimayumik ahivariamikluuniit naunaitkutatit, qiniinnarialik turaaqvingnut naunaitkutat talvani Titiraqluta ilanganit. 

                 

                  1. NALAUMANIA ATUQTITTIYULLU 

                Naammaktumik havauhiqarahuaqpaktugut taimaa inungnut naunaitkutat pihimavagaqqut ilingnut nalaumayaamik, iniqhimayaamik, nutaannguqtiqhimayaamiklu. Ilittuqhinniruvit taimaa ilingnut naunaitkutat pihimayaqqut nalaumanngittut, taimaaluuniit ihumaaluutiqaruvit ihariagiyauhuiqtut atuqtauhuiqtullu hivuanit atuqtaghatut, hivayaqluta. Piinnarialiuyutit aajjikkutaliuqhimayumik ilingnut naunaitkutanik pihimayaptingnik; talvuuna, aajjikkutaliuqhimayumik piyumaguvit naunaitkutanik, hivayaqluta. Ihuaqtukkut havauhiqaqluta naunaiyattiarniaqtaqqut ilittuqhitit atuqtitautinnatit ihuaqhaqtautinnatiklu. Taimaalu, pilaarutit atuqtitauyaamik ihuaqhaiyaamikluuniit ilingnut naunaitkutat ihumaliuqtauniaqtuq maligaliqiyit nutqautaigut, taapkuatut atuqtaugaangat iliuraiquhimagumik aallanit inungnut naunaitkutanik. 

                   

                    1. PIHIMAYUT IQQAKUIYULLU INUIT NAUNAITKUTAINIK 

                  Pihimavaktaqqut inuit inmingnut naunaitkutainik ihariagiyaukpat inittiariamik havaaghainik katitiqhimayaannut taimaalu/uniit maligiamik maligaliqiyit pitquhimayait. Inungnut naunaitkutat iqqakuqtauvaktut kinguani 12 tatqiqhiutit havaaghat iniqhimaliqqata. 

                     

                      1. TURAQVIGILUTA 

                    Apiqhuutiqaruvit ihumaaluutiqaruvilluuniit hapkua ilitturinnainniqmut uqauhiinut qaritauyakkuurutiptingnut, qanuqluuniit katitiqtauvagiaghait naunaitkutat, atuqtauvagiaghait, pihimayauvagiaghait ilittuqhitiyauvagiaghaillu tughiriamikluuniit aajjikkutaliuqhimayumik ahivaiyaamikluuniit naunaitkutarnik, hivayaqluta talvani: 

                    Atan'ngujaq  Qaritauyakkut titirarvinga  Hivayautikkut 
                    Gerald Anawak  info@qnihs.ca -mi.  1-888-QNIHS-CA (1-888-764-4722)
                    LeeAnn Mclean 

                       

                        1. AALLANNGUQTIQHIMAYUT HAPKUNUNNGA ILITTURINNAINNIQMUT UQAUHIQNUT 

                      Aallannguqtirivangniaqtavut hapkua ilitturinainniqmut uqauhiit qaritauyakkuurutinut, ilaaninnguraangat. Naunaiqhimaniaqtaqqut atuqtauvighaat upluq inirutaanit tamangnik hapkua titiraat uqauhiinit. 

                      Atuqtauyughaq March 8-mi, 2024.  

                        Inuinnaqtun