ᑐᓴᖅᑕᐅᔭᕆᐊᖃᙱᑦᑐᓄᑦ ᐊᑐᐊᒐᖅ

ᓄᓇᕗᑦ ᑐᙵᕕᒃ 

ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᖅᑎᑦ – ᓄᓇᕗᑦ ᐃᑭᐊᕿᕕᖓ 

ᑲᓐᖑᓇᖅᑐᓕᕆᓂᕐᒧᑦ ᐅᓂᒃᑳᑦ 

 

1. 1. ᐅᖃᐅᑎᒋᔭᕗᑦ 

ᐸᒡᕕᓴᒃᑕᐅᖏᓐᓂᕆᔭᐃᑦ ᐱᒻᒪᕆᐊᓗᖕᒧᑦ ᐅᕙᑦᑎᓐᓄᑦ. ᐱᕕᐊᕐᓇᖅᑑᑎᒃᑲᑦᑎᒍ ᐅᒃᐱᕈᓴᖕᓂᖏᑦ ᑕᑯᒋᐋᕐᕕᓖᑦ ᐃᑭᐊᕿᕕᑦᑎᓐᓂᑦ ᐊᒻᒪᓗ ᐅᒃᐱᕆᔭᐅᑦᑎᐊᕈᒪᓪᓗᑕ, ᐅᒃᐱᕐᓇᑦᑎᐊᕐᓗᑕ ᐊᒻᒪᓗ ᓵᑕᒃᓴᐅᔪᓐᓇᕐᓗᑕ ᖃᓄᖅ ᐱᓕᕆᐋᖃᕐᓂᑦᑎᓐᓂᑦ ᓇᖕᒥᓂᕐᒨᖓᔪᓂᑦ ᑐᓴᐅᒪᔾᔪᑎᓂᑦ ᐱᔭᐅᑎᑕᐅᔪᓂᑦ ᐅᕙᑦᑎᓐᓄᑦ. ᑕᕝᕙᓂ ᐸᒡᕕᓴᒃᑕᐅᖏᓐᓂᓕᕆᔪᒥ ᐅᖃᒃᓯᒪᓂᖓ ᐃᑭᐊᕿᕕᑦᑎᓐᓂ, “ᐅᕙᒍᑦ”, “ᐅᕙᒍᒃ” ᐊᒻᒪᓗ “ᐱᕗᑦ” ᐅᖃᐅᑎᖃᕐᒪᑕ ᓄᓇᕗᑦ ᑐᙵᕕᒃᑯᑦ ᑎᒥᖁᑖᓂᑦ (NTI). 

ᑕᕝᕙᓂ ᐃᑭᐊᕿᕕᖕᒥ, ᐅᕙᒍᑦ ᐃᒪᓐᓇᐃᓕᓯᒪᑐᐃᓐᓇᕆᐊᓕᒃ, ᖃᑯᑎᒃᑯᑦ, ᒪᓕᒃᓯᒪᓗᓂ ᐊᒻᒪᓗ ᐊᑐᕐᓗᓂ ᓇᖕᒥᓂᕐᒨᖓᔪᒥᒃ ᖃᐅᔨᒪᔾᔪᑎᒥᒃ ᐊᑐᖅᑎᐅᒧᑦ ᐱᓕᕆᓂᕆᔭᐅᔪᒥᒃ, ᖃᐅᔨᒪᓇᖅᑎᑕᐅᓇᓱᐊᖏᓪᓗᓂ, ᐊᑐᖅᑕᐅᓂᖓᓄᑦ ᑲᑎᖅᓱᖅᓯᒪᓗᓂ ᐋᖅᑭᒃᓯᒪᓂᖓ ᐅᑯᓄᖓ ᖃᓄᐃᑉᐱᑕ? ᓄᓇᕗᑦ ᐃᑭᐊᕿᕕᖓ ᐊᐅᓚᓲᖑᖕᒪᑦ ᐊᒻᒪᓗ ᐸᕐᓇᓲᖑᓪᓗᓂ. ᐃᓚᖏᓐᓂ ᖃᓄᐃᓘᕐᓂᕆᔭᐅᔪᓂ, ᓇᖕᒥᓂᕐᒨᖓᔪᑦ ᑐᓴᐅᒪᔾᔪᑎᑦ ᓄᐊᓯᒪᔭᕗᑦ ᐃᑭᐊᕿᕕᑦᑎᓐᓂ (ᐅᕝᕙᓘᓐᓃᑦ ᐃᑭᐊᕿᕕᖕᒨᕈᓐᓇᖅᓯᖁᓪᓗᑎᑦ) ᑐᕌᖓᔪᓐᓇᕐᒪᑕ ᐃᓕᖕᓄᑦ ᐅᕝᕙᓘᓐᓃᑦ ᓇᓗᓇᐃᖅᑕᐅᓗᑎᑦ ᒪᓕᑦᑎᐊᕐᓂᕆᔭᕐᓂᑦ ᑲᑎᑕᐅᓯᒪᔪᓂᑦ ᑐᓴᐅᒪᔾᔪᑎᓂᑦ. ᐊᑐᓕᖅᑎᑦᑎᓲᖑᒐᑦᑕ ᐃᓘᓐᓇᖏᓐᓂᒃ ᐊᑐᖅᑕᐅᔪᓐᓇᖅᑐᓂᒃ ᐊᒻᒪᓗ ᐱᔾᔪᑎᒃᓴᖃᑦᑎᐊᖅᑐᓂᒃ ᐊᐅᓚᑦᑎᓂᕐᒥᑦ ᐊᒻᒪᓗ ᐋᖅᑭᑦᑎᐊᖅᓯᒪᔭᕆᐊᓕᖕᓂᑦ ᐱᓕᕆᓂᐅᔪᓂᒃ ᐃᓱᒫᓗᖕᓇᖅᑐᖃᖁᓇᒋᑦ ᐃᓘᓐᓇᑎᒃ ᑐᓴᐅᒪᔾᔪᑎᑦ ᑕᐃᒃᑯᐊ ᓄᐊᓯᒪᔭᕗᑦ, ᐱᓗᐊᙳᐊᖅᑐᒥᒃ ᓇᖕᒥᓂᕐᒨᖓᔪᑦ ᑐᓴᐅᒪᔾᔪᑎᑦ, ᐃᑭᐊᕿᕕᒃᑰᖅᑐᑦ.  

ᑐᓴᐅᒪᔾᔪᒪᒍᕕᑦ ᖃᓄᖅ ᐃᕝᕕᑦ ᓇᖕᒥᓂᕐᓅᖓᔪᑦ ᑐᓴᐅᒪᔾᔪᑎᑦ ᓄᐊᑕᐅᓲᖑᖕᒪᖔᑕ, ᐊᑐᖅᑕᐅᓲᖑᖕᒪᖔᑕ, ᐱᓯᒪᔭᐅᓲᖑᖕᒪᖔᑕ, ᑐᖅᑯᒃᑕᐅᓪᓗᑎᒃ ᐊᒻᒪᓗ ᓴᖅᑭᑎᑕᐅᓪᓗᑎᒃ ᐅᑯᓇᓂ ᖃᓄᐃᑉᐱᑕ? ᓄᓇᕗᑦ ᐃᑭᐊᕿᕕᖓ, ᐅᕝᕙᓘᓐᓃᑦ ᖃᓄᐃᓘᕈᒪᒍᕕᒋᑦ ᓄᓇᕗᑦ ᑐᙵᕕᒃᑯᑦ ᑎᒥᖁᑖ ᐲᖅᓯᖁᓗᒍ ᐃᕝᕕᑦ ᓇᖕᒥᓂᕐᓅᖓᔪᓂᑦ ᑐᓴᐅᒪᔾᔪᑎᓂᑦ, ᐊᑏ ᑕᑯᓚᐅᕈᒃ ᐃᒻᒥᒃᑰᖓᓂᖅ IX ᖃᓄᖅ ᐅᖃᕐᕕᖃᕈᓐᓇᕐᒪᖔᖅᐱᑦ ᐅᕙᑦᑎᓐᓂᒃ. ᑖᓐᓇ ᐸᒡᕕᓴᒃᑕᐅᖏᓐᓂᕐᒨᖓᔪᖅ ᑎᑎᕋᒃᓯᒪᓂᖓ ᐅᖃᐅᓯᖃᕐᒪᑦ ᐃᑭᐊᕿᕕᖕᒥᒃ, ᐆᒥᖓᐅᖏᑦᑐᖅ ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᖅᑎᑦ. ᖃᐅᔨᓇᓱᐊᕐᓂᕐᒥ ᐱᓕᕆᖃᑎᒋᔭᐅᔪᑦ ᐱᑎᑕᐅᓲᖑᖕᒪᑕ ᑐᓴᐅᒪᔾᔪᑎᒥᒃ ᐅᖃᐅᑎᖃᒃᑐᒥᒃ ᐸᒡᕕᓴᒃᑕᐅᖏᓐᓂᕐᒥᒃ ᖃᐅᔨᓇᓱᐊᕐᓂᐅᔪᒥ, ᐃᒻᒥᒃᑰᖓᓪᓗᓂ. 

 

2. 2. ᑕᐃᒃᑯᐊ ᓄᐊᖃᑦᑕᖅᑕᕗᑦ ᑕᕝᕙᓂ ᐃᑭᐊᕿᕕᖕᒥ ᐊᒻᒪᓗ ᐱᔾᔪᑎᖃᒃᖢᑕ 

ᐊᑐᕐᓂᑦᑎᓂᑦ ᒪᒃᐱᒐᕐᓂᑦ ᑕᕝᕙᓂ ᐃᑭᐊᕿᕕᖕᒥ, ᓄᐊᑦᑎᔪᓐᓇᕋᑦᑕ ᓇᖕᒥᓂᕐᒨᖓᔪᓂᒃ ᑐᓴᐅᒪᔾᔪᑎᓂᒃ ᐃᓕᖕᓃᖓᕐᓗᑎᒃ, ᒪᓕᑦᑎᐊᕈᑎᒋᔭᐅᓇᓱᐋᕐᓗᑎᒃ ᓈᓴᐅᓯᕆᓂᒃᑰᖓᔪᓂᒃ ᖃᐅᔨᒪᔾᔪᑎᓂᒃ ᐃᑭᐊᕿᕕᐅᑉ ᐊᐅᓚᓂᖏᓐᓄᑦ ᐊᒻᒪᓗ ᐸᕐᓇᖕᓂᕐᓄᑦ. 

ᐊᑐᖅᑕᐅᔭᕆᐊᓕᒃᑯᑦ ᑐᓴᖅᑎᑦᑎᖃᑦᑕᐃᓐᓇᕋᓱᐊᕐᓂᐊᖅᑐᒍ ᖃᓄᐃᑦᑐᓂᒃ ᑐᓴᐅᒪᔾᔪᙱᓂᒃ ᓄᐊᑦᑎᓯᒪᓕᕐᒪᖔᑦᑕ, ᐊᑑᑎᖏᓐᓂᒃ, ᓱᖕᒪᓪᓗ ᓄᐊᒻᒪᖔᑦᑎᒍ, ᖃᓄᕐᓗ ᐊᑐᕐᓂᐋᕐᒪᖔᑦᑎᒍ, ᐊᒻᒪᓗ ᐱᓕᕆᐊᕆᓂᐊᕋᑦᑎᒍ ᑭᓯᐊᓂ ᑐᓴᐅᒪᔾᔪᑎᑦ ᐊᑑᑎᒋᔭᕆᐊᖃᒃᑕᖏᓐᓄᑦ. 

ᐃᓛᓐᓂᒃᑯᑦ, ᐱᓕᕆᔪᓐᓇᖅᓯᑎᑦᑎᓂᕆᔭᐃᑦ ᐱᔭᐅᑎᑦᑎᑎᓪᓗᑎᑦ ᐃᓕᕐᓅᖓᔪᓂᒃ ᑐᓴᐅᒪᔾᔪᑎᓂᒃ ᓇᓗᓇᖃᑦᑕᔾᔮᖏᑦᑐᑦ, ᓲᕐᓗ ᐱᔭᐅᑎᑦᑎᑎᓪᓗᑎᑦ ᐅᕙᑦᑎᓐᓄᑦ ᐃᕝᕕᑦ ᐃᕐᖐᓐᓇᖅᑕᕈᑎᕕᒃ ᑐᕌᕈᑎᖓᓂᑦ ᐅᖃᕐᕕᖃᕈᓐᓇᖅᓯᖁᓪᓗᑕ ᐃᓕᖕᓂᑦ ᐅᕝᕙᓘᓐᓃᑦ ᐱᔭᕇᒃᓯᓗᑎᑦ ᑕᑕᑎᕆᐊᓕᖕᒥᑦ ᑐᒃᓯᕋᕐᓗᑎᒃ ᑐᓴᐅᒪᔾᔪᑎᒥᒃ. ᐊᓯᖏᓐᓂ ᐱᕕᖃᓂᐅᔪᓂ, ᐱᓕᕆᔪᓐᓇᖅᓯᑎᑦᑎᓃᑦ ᐊᑐᓕᖅᑎᑕᐅᔪᓐᓇᑐᖅ ᓄᐊᑦᑎᑎᓪᓗᑕ ᑐᓴᐅᒪᔾᔪᑎᒥᒃ ᐃᑭᐊᕿᕕᖕᒨᖓᔪᒥᒃ ᒪᒃᐱᒐᕐᓂ ᐃᕝᕕᑦ ᑕᑯᓇᓱᒡᕕᒋᑲᐃᓐᓇᖅᑕᒥᓂᖏᓐᓂ ᑕᐃᒃᑯᓂᖓ ᐱᖃᓯᐅᔾᔨᔪᓂᒃ, ᑐᑭᓕᐅᑎᓗᒍ, ᖃᕋᑕᐅᔭᖅᐱᑦ ᑐᕌᕈᑎᖓᓂᒃ ᖃᕋᑕᐅᔭᒃᑰᕕᒃᑯᑦ (ᖃᕋᑕᐅᔭᒃᑯᑦ ᒪᓕᒃᑕᐅᖁᔭᐅᔪᑦ ᑐᕌᕈᑎᖓ) ᐅᕝᕙᓘᓐᓃᑦ ᐃᑭᐊᕿᕕᐅᑉ ᐃᑭᐊᕿᕕᒃᑰᕐᕕᓕᒫᖓᑕ ᑐᓴᐅᒪᔾᔪᑎᒃᓴᒐᓛᖏᑎᒍᑦ ᑕᐃᒃᑯᐊᓗ ᒥᑭᔪᕈᓘᓪᓗᑎᒃ ᑎᑎᕋᒃᓯᒪᓂᒐᓚᖏᑦ ᑕᒪᒃᑯᐊᓗ ᐃᑭᐊᕿᕕᐅᑉ ᐋᖅᑭᓱᕆᖕᒪᒋᑦ ᐃᕝᕕᑦ ᐃᑭᐊᕿᕕᒃᐱᑦ ᐃᑭᐊᕿᕕᒃᑰᕐᕕᓕᒫᖓ ᐱᔪᓐᓇᖅᓯᑎᑦᑎᓱᖅ ᖃᕋᑕᐅᔭᒃᑰᕕᖁᑎᑦᑎᓐᓂᒃ ᐃᓕᓴᕆᔪᓐᓇᖅᓯᖁᓪᓗᒍ ᐃᕝᕕᑦ ᓇᖕᒥᓂᕐᓅᖓᔪᑦ ᖃᕋᑕᐅᔭᖅᐱᑦ ᑭᖑᓪᓕᕐᒥ ᖃᕋᑕᐅᔭᕐᕕᒃᑰᓕᕐᓂᕐᒥᒍᕕᑦ ᑕᕝᕗᖓ. 

 

3. 3. ᖃᐅᔨᓇᓱᐊᖅᓯᔾᔪᑎᑦ 

ᐊᑐᓲᖑᔪᒍᑦ ᐱᔨᑦᓯᕈᑎᓂᒃ ᓲᕐᓗ ᒪᑯᓂᖓ Google ᖃᐅᔨᓇᓱᐊᖅᓯᔾᔪᑎᓂᒃ, ᖃᐅᔨᓇᓱᐊᖅᓯᔾᔪᑎᓂᒃ ᑭᒡᒐᖅᑐᐃᔨᒥᑦ, ᐊᒻᒪᓗ ᒥᑕ ᐱᒃᓯᓪ ᐱᐅᓂᖅᓴᐅᓕᖅᑎᓇᓱᐊᖅᖢᑎᒍ ᐃᑭᐊᕿᕕᒃᐳᑦ ᐊᒻᒪᓗ ᐊᑐᖅᐸᒃᑐᓄᑦ ᐊᑐᖅᑕᐅᓕᖅᑐᒥᓂᐅᒃᐸᑦ. Google ᖃᐅᔨᓇᓱᐊᖅᓯᔪᑎᑦ ᐊᒻᒪᓗ ᒥᑕ ᐱᒃᓯᓪ ᓄᐊᑦᑎᓱᖑᖕᒪᑦ ᑲᑎᑕᐅᓯᒪᔪᓂᒃ ᑐᓴᐅᒪᔾᔪᑎᓂᒃ ᐊᑐᖅᐸᒃᑐᓃᖓᖅᑐᓂᒃ ᐱᓕᕆᖃᑎᒌᒃᐸᒃᑐᓂᒃ ᐅᕙᒍᑦ ᐃᑭᐊᕿᕕᑦᑎᒍᑦ. 

ᑲᑎᑕᐅᓯᒪᔪᑦ ᑐᓴᐅᒪᔾᔪᑎᑦ ᐅᖃᐅᓯᖃᕐᒪᑕ ᐃᑭᐊᕿᕕᖕᒥ ᑐᓴᐅᒪᔾᔪᑎᓂᒃ ᓄᐊᑕᐅᓯᒪᔪᓂᒃ ᐊᒻᒪᓗ ᑲᑎᑕᐅᓯᒪᓪᓗᑎᒃ ᐊᒥᓱᓃᖓᕐᓗᑎᒃ ᐱᕕᒃᓴᐅᔪᓂᑦ ᐅᕝᕙᓘᓐᓃᑦ ᐃᒻᒥᓂᖅᓱᖅᑐᓂᑦ ᐱᔭᐅᑎᑦᑎᖁᓪᓗᒋᑦ ᓇᐃᓈᖅᓯᔾᔪᑎᓂᒃ ᐅᕝᕙᓘᓐᓃᑦ ᓈᓴᐅᓯᕆᓯᒪᔪᓂᒃ ᑐᓴᐅᒪᔾᔪᑎᓂᒃ. ᐃᑭᐊᕿᕕᖕᒧᑦ ᑐᓴᐅᒪᔾᔪᑎᑦ ᑕᐃᒃᑯᐊ ᑲᑎᑕᐅᓯᒪᔪᑦ ᐅᕝᕙᓘᓐᓃᑦ ᑲᑎᑕᐅᓪᓗᑎᒃ ᖃᐅᔨᓴᓱᐊᖅᑕᐅᖁᓪᓗᒋᑦ ᖃᓄᐃᓕᐅᖅᓯᒪᓂᖏᑦ, ᖃᓄᐃᓕᕙᓪᓕᐊᓂᖏᑦ, ᐅᕝᕙᓘᓐᓃᑦ ᑕᒪᐃᑎᒍᑦ ᐃᓕᖅᑯᓯᖃᕐᓂᕆᔭᖏᑦ, ᐃᒪᓐᓇᐅᑎᑕᐅᓚᕆᒐᓱᐊᕐᓗᑎᒃ ᐃᒻᒥᓂᖅᓱᖅᑐᑦ ᐃᓕᓴᕐᓇᕈᑎᖏᑦ ᐅᕝᕙᓘᓐᓃᑦ ᑕᐃᒃᑯᐊᓪᓗᐊᖅ ᓇᓗᓇᐃᔭᖅᓯᒪᓂᖏᑦ ᐃᓕᓴᕐᓇᕈᑎᖏᑦ ᐅᕝᕙᓘᓐᓃᑦ ᑕᐃᒃᑯᐊᓪᓗᐊᖅ ᓇᓗᓇᐃᔭᖅᓯᒪᔪᖅ ᖃᐅᔨᒪᓇᖅᑎᑕᐅᖁᓇᒋᑦ ᐅᕝᕙᓘᓐᓃᑦ ᐃᓕᓴᕐᓇᕈᓐᓃᖅᑎᑕᐅᓯᒪᖁᓪᓗᒋᑦ. 

ᑐᑭᓯᓇᖅᓯᑎᑦᑎᔾᔪᑎᖏᓐᓃᑦᑐᑦ Google ᖃᐅᔨᓇᓱᐊᖅᓯᔪᑎᖏᑦ, ᑲᑎᑕᐅᓯᒪᔪᑦ ᑐᓴᐅᒪᔾᔪᑎᑦ ᐱᖃᓯᐅᔾᔨᖕᒪᑕ, ᑐᑭᓕᐅᑎᓗᒍ, ᑲᑎᓗᒋᑦ ᐅᓄᕐᓂᖏᑦ ᐃᑭᐊᕿᕕᖕᒥᑦ ᑕᑯᒋᐊᖅᓯᒪᔪᓕᒫᑦ, ᐃᑭᐊᕿᕕᖕᒦᓐᓂᕆᓪᓗᐊᑕᖃᑦᑕᖅᑕᖏᑦ, ᑕᑯᒋᐊᖅᑕᐅᒐᔪᖕᓂᖅᐹᑦ ᖃᕋᑕᐅᔭᕐᕕᑦ ᐅᕝᕙᓘᓐᓃᑦ ᐅᖃᓚᐅᑎᖃᒃᓯᒪᔪᑦ, ᓄᓇᐅᓂᖓᑕ ᓇᒦᓐᓂᖏᑖ ᖃᓄᐃᓕᕙᓪᓕᐊᓂᖏᑦ, ᐊᒻᒪᓗ ᐊᓯᖏᑦ ᓈᓴᐅᓯᕆᓂᒃᑰᖓᔪᑦ ᑐᑭᓯᓇᑦᑎᐊᕐᓂᒃᑰᖓᓂᖏᑦ. ᑖᓐᓇ ᑐᓴᐅᒪᔾᔪᑎ ᐃᑲᔪᓲᖑᖕᒪᑦ ᐅᕙᑦᑎᓐᓂᒃ ᑐᑭᓯᑎᑦᑎᓪᓗᓂ ᐃᓘᓐᓇᓕᒫᖏᓐᓂᒃ ᐊᑐᖅᐸᒃᑐᓕᒫᑦ ᐃᓕᖅᑯᓯᕆᓲᓕᒫᖏᓐᓂᒃ ᐊᒻᒪᓗ ᐱᔭᐅᖔᕈᒪᓂᖏᓐᓂᒃ ᓇᓗᓇᐃᖅᑕᐅᖏᒃᑯᓗᐊᕐᓗᑎᒃ ᑕᐃᒃᑯᐊᓪᓗᐊᖅ ᐃᒻᒥᓂᖅᓱᖅᑐᑦ ᐊᒻᒪᓗ ᐱᐅᓂᖅᓴᐅᓕᖅᑎᑕᐅᓗᑎᒃ ᐃᓗᓕᖏᑦ ᐊᒻᒪᓗ ᖃᕋᑕᐅᔭᒃᑰᕕᐅᑉ ᐋᖅᑭᒃᓱᖅᓯᒪᓂᖓ. ᑕᒪᐃᑎᒍᑦ ᓇᓗᓇᐃᔭᖅᓯᒪᓗᑎᒃ ᖃᓄᖅ Google ᓄᐊᑦᑎᓲᖑᓂᖓ ᐊᒻᒪᓗ ᐱᓕᕆᐊᕆᓪᓗᓂᒋᑦ ᑐᓴᐅᒪᔾᔪᑎᑦ, ᐊᑏ ᖃᐅᔨᒋᐊᕕᒋᓚᐅᕈᒃ Google-ᐅᑉ ᐸᒡᕕᓴᒃᓯᖏᓐᓂᕐᒧᑦ ᐊᑐᐊᒐᖓ ᐅᕘᓇ Google’s Privacy Policy. 

ᑕᐃᒪᓕ ᐱᔪᓐᓇᐃᓕᑎᖔᕈᒪᒍᕕᒋᑦ ᓄᐊᑕᐅᓯᒪᔪᑦ ᑐᓴᐅᒪᔾᔪᑎᑦ ᐊᖏᖏᑦᑐᓐᓇᖅᑕᑎᑦ ᑕᒪᕐᒥᒃ ᑐᓴᐅᒪᔾᔪᑎᒃᓴᒐᓚᐃᑦ ᐊᒻᒪᓗ ᖃᐅᔨᒪᒋᐊᖅᓯᔾᔪᑎᖏᑦ ᒪᑯᑎᒎᓇ ᐊᑐᕆᐊᖃᒃᑕᖏᑎᒎᖅᑎᓪᓗᒋᑦ ᐃᑭᐊᕿᕕᒃᖁᑦ. Google ᖃᐅᔨᓇᓱᐊᖅᓯᔪᑎᖏᓐᓄᑦ 4 ᐱᓗᐊᙳᐊᖅᑐᒥᒃ, ᑕᑯᒋᐊᕈᓐᓇᖅᑐᑎᑦ ᐅᕗᖓ https://tools.google.com/dlpage/gaoptoutᐱᔪᓐᓇᖅᓯᑎᓐᓂᐊᕐᓗᒍ ᐅᕝᕙᓘᓐᓃᑦ ᐱᔪᓐᓇᐃᓕᑎᓐᓂᐊᕐᓗᒍ ᓇᖕᒥᓂᕐᓅᖓᔪᖅ ᐱᔪᓯᓇᖅᓯᑎᑦᑎᔾᔪᑎ, ᐊᑏ ᑕᑯᒋᐊᓚᐅᕈᒃ https://myaccount.google.com/data-and-personalizationᑕᐃᒪᓕ ᑕᑯᖔᕈᒪᒍᕕᒋᑦ ᐅᕝᕙᓘᓐᓃᑦ ᐲᕈᒪᒍᕕᒋᑦ ᓇᓪᓕᑐᐃᓐᓇᖏᑦ ᐃᑭᐊᕿᕕᖕᒦᑦᑐᑦ ᑐᓴᐅᒪᔾᔪᑎᖏᑦ Google ᓄᐊᑕᒥᓂᖏᑦ ᐃᓕᖕᓅᖓᔪᑦ, ᐃᒪᓐᓇᐃᓘᖁᔨᕗᒍᑦ ᐅᖃᐅᑎᖃᒃᑐᓂᒃ ᐅᑯᓂᖓ https://myactivity.google.com/myactivityᑕᐃᒪᓕ ᑐᓴᐅᒪᔭᐆᔪᑎᑎᑦ ᐱᔭᐅᖁᓐᓂᖏᒃᑯᕕᒋᑦ Google ᖃᐅᔨᓇᓱᐊᖅᓯᔪᑎᖏᓐᓄᑦ ᐱᓕᕆᖃᑕᐅᑎᓪᓗᑎᑦ ᓄᓇᕗᑦ ᑐᙵᑯᒃᑯᑦ ᑎᒥᖁᑖᓂ ᓄᐊᑕᐅᓯᒪᔪᑦ ᖃᐅᔨᒪᔾᔪᑎᓂᑦ, ᐲᕈᓐᓇᖅᑐᑎᑦ ᐱᔭᐅᑎᑦᑎᓂᕆᔭᕐᓂᑦ ᑐᓴᐅᒪᔭᐅᔾᔪᑎᒋᔪᓐᓇᖅᑕᕐᓂᑦ ᐃᓘᓐᓇᓕᒫᖓᓂᑦ. 

ᐱᔭᐅᑎᑦᑎᔪᒪᓪᓚᕆᒃᑎᓪᓗᑕ ᐃᓕᖕᓄᑦ ᓇᓖᕋᕈᓐᓇᕐᓂᕐᒥᑦ ᐊᐅᓚᓐᓂᐊᕐᓗᒋᑦ ᐃᓕᖕᓅᖓᔪᑦ ᑕᓴᐅᒪᔾᔪᑎᑦ, ᓄᐊᑕᐅᓂᖏᑦ ᐊᒻᒪᓗ ᐱᓕᕆᐊᕆᔭᐅᓂᖏᑦ ᑐᓴᐅᒪᔾᔪᑎᑦ Google-ᑯᓐᓄᑦ ᐅᖓᑎᐋᓗᐊᓃᒻᒪᑕ ᑕᕝᕗᖓᑦᖤᐅᑎᒋ ᐊᐅᓚᑦᑎᓂᕆᔪᓐᓇᖅᑕᑦᑕ. ᐃᓕᖕᓂᑦ ᑲᔪᖏᖅᓴᐃᕗᒍᑦ ᕿᒥᕐᕈᖁᓪᓗᑎᑦ ᐊᒻᒪᓗ ᖃᐅᔨᒪᓕᑦᑎᐊᕐᓗᒍ Google-ᐅᑉ ᐸᒡᕕᓴᒃᑕᐅᖏᓐᓂᕐᒧᑦ ᐊᑐᐊᒐᖓ ᐊᒻᒪᓗ ᐱᔭᐅᔪᓐᓇᖅᑎᑕᐅᔪᑦ ᐱᓕᕆᔾᔪᑏᑦ ᐱᔭᐅᑎᑕᐅᓂᖏᑦ ᐊᐅᓚᑦᑎᔾᔪᑎᒋᔭᐅᖁᓪᓗᒋᑦ ᐃᓕᖕᓅᖓᔪᓂᒃ ᑐᓴᐅᒪᔾᔪᑎᓂᒃ ᐱᓯᒪᑐᐃᓐᓇᕆᐊᖃᒃᑕᖏᓐᓂᒃ ᐃᓕᖕᓅᖓᓂᖏᓐᓂᒃ ᓄᓇᕗᑦ ᑐᙵᑯᒃᑯᑦ ᑎᒥᖁᑎᖓᒍᑦ ᓄᐊᑕᐅᓯᒪᓗᑎᒃ ᐃᑭᐊᕿᕕᐅᑦ ᑐᓴᐅᒪᔪᑎᖏᑎᒍ. 

ᐊᑐᓲᖑᖕᒥᔪᒍᑦᑕᐅᖅ ᑭᒡᒐᖅᑐᐃᔨᒥᒃ ᖃᐅᔨᓇᓱᐋᖅᓯᔾᔪᑎᓂᒃ ᑲᑎᑕᐅᖁᓪᓗᒋᑦ ᐊᑐᖅᐸᒃᑐᓄᑦ ᐃᓕᖅᑯᓯᕆᔭᐅᕙᒃᑐᓄᑦ ᖃᐅᔨᒪᔾᔪᑎᑦ ᐊᑕᐅᓯᕐᒨᖅᑕᐅᓪᓗᑎᒃ ᐊᓂᒃᑳᓕᐊᕆᓯᒪᔪᒧᑦ. ᐃᓚᓕᐅᔾᔨᓂᖅ ᑭᒡᒐᖅᑐᐃᔨᒥᒃ ᖃᐅᔨᓇᓱᐋᖅᓯᔾᔪᑎᓂᒃ ᑐᑭᖃᕐᒪᑦ ᑕᑯᒃᓴᐅᑎᑦᑎᕕᒃ ᐱᔪᓐᓇᕐᓗᓂ ᓇᓪᓕᑐᐃᓐᓇᖏᓐᓂᒃ ᖃᐅᔨᒪᔾᔪᑎᓂᒃ ᐊᑐᐃᓐᓇᕈᒃᑕᐅᔪᓂᒃ ᐃᓚᓕᐅᔾᔨᓂᕐᓄᑦ ᐊᑐᓕᖅᑎᑦᑎᓂᖅ ᐱᓕᕆᓂᖓᑕ ᐱᓕᕆᖃᑎᒌᓕᕐᓂᖏᓐᓂᒃ (API). ᑕᐃᒪᓕ ᐃᓚᓕᐅᔾᔨᓂᖅ ᐱᔭᕆᐊᖃᒃᐸᑦ ᑕᐃᑦᓱᒥᖓᓪᓗᐊᖅ ᐋᖅᑭᒃᓯᒪᔪᓂᒃ ᐱᓕᕆᔪᓐᓇᖅᑎᑕᐅᖁᓪᓗᒋᑦ ᑎᑭᐅᒪᔭᖏᑦ ᐱᓕᕆᔪᓇᖅᓯᑎᑕᐅᓗᑎᒃ ᐊᑐᖅᑐᒧᑦ, ᐊᑐᓕᖅᑎᑦᑎᓂᖅ ᐱᓕᕆᓂᖓᑕ ᐱᓕᕆᖃᑎᒌᓕᕐᓂᖏᓐᓂᒃ (API) ᖃᐅᔨᒪᔾᔪᑎ ᐱᔭᐅᔪᖅ ᑭᒡᓕᓕᓯᒪᒐᔭᕐᒪᑦ ᑕᒪᒃᑯᓄᖓ ᑎᑭᐅᒪᔭᖏᓐᓄᑦ. 

ᖃᐅᔨᒪᔾᔪᑎᑦ ᑕᓱᖅᑕᐅᔪᑦ ᑕᐃᒃᑯᓇᙵᓪᓗᐊᖅ ᐃᓚᓕᐅᑎᓯᒪᔪᓂᑦ ᐱᓯᒪᔭᐅᑲᐃᓐᓇᕈᓐᓇᑐᐃᓐᓇᕆᐊᓕᒃ ᕿᓚᒥᕈᓘᒐᓗᐊᖅ ᐱᕕᖃᑲᐃᓐᓇᕐᓂᕐᒥ ᐊᒻᒪᓗ ᑐᖅᑯᒃᑕᔪᓐᓇᑐᐃᓐᓇᕆᐊᖃᒃᖢᑎᒃ ᖃᕋᑕᐅᔭᒃᑰᕈᑎᑦᑎᒍ ᐱᐅᓂᖅᓴᐅᓕᖅᑎᑕᐅᖁᓪᓗᒍ ᐱᔭᐅᑎᑕᐅᔪᓐᓇᕐᓂᖓ ᖃᐅᔨᒪᔾᔪᑎᐅᑉ ᐱᔨᑦᓯᕈᑎᒧᑦ. 

ᖃᐅᔨᒪᔾᔪᑎ ᐱᔭᐅᔪᖅ ᐃᓚᓕᐅᑎᓯᒪᓂᕐᒥᑦ ᐊᑐᖅᑕᐅᔪᓐᓇᕐᓂᐊᕐᒪᑦ ᐅᓂᒃᑳᓕᐅᕐᓂᑐᐊᒧᑦ ᐊᑐᖅᑕᐅᔾᔪᑎᖃᕐᓗᓂ. ᖃᐅᔨᒪᔾᔪᑎ ᐱᖃᓯᐅᔾᔨᔪᓐᓇᕐᒥᔪᖅ ᐃᑭᐊᕿᕕᐅᑉ ᖃᐅᔨᒪᔾᔪᖓᓂᒃ, ᕿᓂᕈᑎᖓᓂᒃ ᖃᐅᔨᒪᔪᑎᐅᑉ, ᐃᓅᖃᑎᒋᓄᑦ ᐱᓕᕆᖃᑎᒌᒍᑎᖓᓂᒃ ᖃᐅᔨᒪᔾᔪᑎᖓᓂᒃ ᐊᒻᒪᓗ ᐊᑭᓕᖅᓱᖅᑕᐅᔪᒧᑦ ᐱᓕᕆᖃᑎᒌᒍᑎᒧᑦ ᖃᐅᔨᒪᔾᔪᑎᒥᒃ. 

 

4. 4. IV. ᖃᓄᖅ ᐊᑐᓲᕆᖕᒪᖔᑦᑎᒍ ᑐᓴᐅᒪᔾᔪᑎᑦ ᓄᐊᓯᒪᔭᕗᑦ ᑕᕝᕙᓂ ᐃᑭᐊᕿᕕᖕᒥ 

ᐊᑐᓲᕆᒐᑦᑎᒍ ᑐᓴᐅᒪᔾᔪᑎᑦ ᐱᓯᒪᔭᕗᑦ ᐃᓕᖕᓃᖓᖅᓯᒪᔪᑦ ᐅᑯᑎᒎᓇ ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᖅᑎᑦ ᓄᓇᕗᑦ ᐃᑭᐊᕿᕕᖓ ᐱᑎᑕᐅᑎᓐᓂᐊᕐᒪᑎᑦ ᑐᓴᐅᒪᔾᔪᑎᒥᑦ ᐅᕝᕙᓘᓐᓃᑦ ᐱᔨᑦᓯᕈᑎᓂᒃ (ᓲᕐᓗ ᒪᑯᓂᖓ ᐃᖅᑲᓇᐃᔮᒃᓴᖅᑖᕐᕕᒃᓴᐅᔪᓂᑦ, ᐱᕙᓪᓕᐊᔪᕈᑎᒥᒃ, ᐊᒻᒪᓗ ᑕᒪᐃᑎᒍᑦ ᖃᐅᔨᔪᒪᓂᕐᓂᒃ) ᐃᕝᕕᑦ ᑐᒃᓯᕌᕆᓯᒪᔭᖏᓐᓂᒃ, ᐊᒻᒪᓗ ᐱᕕᖃᒃᑎᑕᐅᓗᑎᒃ ᐱᓕᕆᖃᑎᒋᔪᓐᓇᕐᓗᑎᒍ ᐊᒻᒪᓗ ᐃᑭᐊᕿᕕᐅᑉ. 

ᑕᒪᓐᓇ ᐱᖃᓯᐅᔾᔨᔪᓐᓇᕐᒪᑦ ᑐᔪᐃᓂᑦᑎᓐᓂᑦ ᐃᓕᖕᓄᑦ ᐃᕐᖐᓇᖅᑕᐅᕈᑎᒃᑯᑦ ᐃᓗᓕᖃᕐᓗᓂᓘᓐᓂᑦ ᑐᓴᐅᒪᔾᔪᑎᒥᒃ ᑐᒃᓯᕌᕆᓯᒪᔭᕐᓂᑦ ᐅᕝᕙᓘᓐᓃᑦ ᐊᖏᕈᑎᒋᓯᒪᓗᒋᑦ ᐱᔭᐅᑎᑦᑎᔾᔪᑎᒋᓂᐊᕐᓗᒋᑦ ᐅᕝᕙᓘᓐᓃᑦ ᐱᓂᐊᕐᓗᒋᑦ, ᐅᕝᕙᓘᓐᓃᑦ ᑐᓴᐅᒪᔾᔪᑎᑦ ᑐᓴᖅᑎᑦᑎᔾᔪᑎᒋᔭᐅᓂᐊᕐᓗᑎᒃ ᐃᓕᖕᓂᑦ ᐊᓯᕈᕐᓂᖏᓐᓂᑦ ᑐᓴᐅᒪᔾᔪᑎᒃᓴᖅᑖᕆᔭᐅᑎᓚᐅᖅᓯᒪᔭᑎᑦ ᑐᒃᓯᕌᐅᑎᒋᕋᑖᓚᐅᖅᓯᒪᔭᑎᑦ, ᐱᔭᐅᑎᑕᐅᖁᓪᓗᒋᑦ, ᐅᕝᕙᓘᓐᓃᑦ ᐱᓕᕆᔪᓐᓇᖅᓯᖁᓪᓗᒋᑦ ᐱᔪᓐᓇᖅᓯᓗᑎᒃ ᑐᑭᓯᓇᖅᓯᑎᑕᐅᓂᖓᓄᑦ ᐅᕝᕙᓘᓐᓃᑦ ᐅᖃᒃᑐᒥᓂᐅᓗᑎᑦ ᐊᖏᖅᑐᒥᓂᐅᓂᕋᕐᓗᑎᑦ. ᑐᒃᓯᕋᕈᓐᓇᖅᑐᑎᑦ ᐅᖃᕐᕕᐅᔪᓐᓇᕐᓂᑦ ᓄᖅᑲᖁᓗᒍ ᐊᒻᒪᓗ ᖃᐅᔨᒪᔪᑎᑦ ᐲᖅᑕᐅᖁᔪᓐᓇᕐᓗᒋᑦ ᖃᖓᑐᐃᓐᓇᓕᒫᖅ, ᐃᕐᖐᓐᓇᖅᑕᕈᑎᒃᑰᕐᓗᑎᒃ ᑕᐃᑦᓱᒧᙵᕐᓗᑎᒃ ᑐᔪᐃᔪᒥᓂᕐᒧᑦ ᑐᓴᐅᒪᖃᑦᑕᐅᑎᔾᔪᑎᑰᖃᑎᒋᓯᒪᔭᕐᓂᑦ. 

ᐱᐅᓂᖅᓴᐅᓕᖅᑎᓐᓇᓱᐊᕐᓗᒍ ᖃᐅᔨᖃᑦᑕᖅᓯᒪᓃᑦ ᐅᕙᒍᑦ ᐃᑭᐊᕿᕕᑦᑎᒍ, ᑐᖅᑯᐃᑐᐃᓐᓇᕆᐊᖃᒃᑐᒍᑦ ᖃᐅᔨᒪᔪᑎᓂᒃ ᐃᕝᕕᑦ ᖃᕋᑕᐅᔭᖓᓄᑦ ᐋᖅᑭᒃᓯᒪᓂᖃᕐᓗᑎᒃ “ᑐᓴᐅᒪᔾᔪᑎᒃᓴᒐᓛᖑᓪᓗᑎᒃ.” ᑐᓴᐅᒪᔾᔪᑎᒃᓴᒐᓛᑦ ᒥᑭᔫᑎᕈᓘᖕᒪᑕ ᑎᑎᕋᒃᓯᒪᓂᖏᑦ ᐃᑭᐊᕿᕕᖕᒥ ᐃᓂᖃᓕᖅᑎᓪᓗᓂᒋᑦ ᑐᓴᐅᒪᔾᔪᑎᒃᓴᒐᓛᓂ ᑎᑎᕋᒃᓯᒪᔪᒃᑯᕕᖓᓂ ᖃᕋᑕᐅᔭᒃᑰᕈᑎᕕᑦ ᐱᕕᖃᒃᑎᑦᑎᔾᔪᑎᒋᓪᓗᓂᒋᑦ ᖃᕋᑕᐅᔭᒃᑰᕐᕕᖁᑎᑦᑕ ᐃᓕᓴᕆᔪᓇᕐᓗᓂᒋᑦ ᓇᖕᒥᓂᕆᔭᕐᓂ ᖃᕋᑕᐅᔭᕐᓂᑦ ᑭᖑᓪᓕᕐᒥ ᐃᑭᐊᕿᕕᒃᑰᕕᒋᓕᑐᐋᕐᒥᒍᕕᐅᒃ. ᑐᓴᐅᒪᔾᔪᑎᒃᓴᒐᓛᑦ ᑖᒃᑯᐊᖑᓪᓗᑎᒃ ᓇᖕᒥᓂᖅ ᖃᐅᔾᔨᑎᑦᑎᔪᓐᓇᖏᒻᒪᑕ ᐅᕙᑦᑎᓐᓂᒃ ᐃᕝᕕᒃ ᐃᕐᖐᓐᓇᖅᑕᕈᑎᖓᓂᒃ ᐊᒡᓛᓪᓗᓂᑦ ᓇᓗᓇᐃᖅᓯᔪᓐᓇᖏᒻᒪᑕ ᐃᕝᕕᓪᓚᕆᐅᓂᕆᔭᕐᓂᑦ. ᑐᓴᐅᒪᔾᔪᑎᒃᓴᒐᓛᑦ ᐊᑐᕈᓐᓇᖏᒻᒪᑕ ᐊᐅᓚᑦᑎᔾᔪᓐᓇᕋᑎᒡᓘᓐᓂᑦ ᐱᓕᕆᔾᔪᑎᓂᒃ ᐅᕝᕙᓘᓐᓃᑦ ᐱᔭᐅᑎᑦᑎᔪᓐᓇᕐᓇᑎᒃ ᓱᕈᕐᓇᖅᑐᓂᑦ ᐃᕝᕕᒃ ᖃᕋᑕᐅᔭᖓᓄᑦ. ᐊᓯᕈᐃᔪᒪᑐᐋᕈᕕᑦ ᑐᓴᐅᒪᔾᔪᑎᒃᓴᒐᓛᑦ ᐊᑑᑎᖏᓐᓂᑦ ᐅᕝᕙᓘᓐᓃᑦ ᐲᑦᑎᐊᒻᒪᕆᒍᒪᒍᕕᒋᑦ, ᑕᐃᒪᓐᓇᐃᓘᕈᓐᓇᖅᑐᑎᑦ ᐊᓯᕈᑐᐃᓐᓇᕐᓗᒋᑦ ᐃᑭᐊᕿᕕᒃᑰᕐᕕᓕᒪᖅᐱᑦ ᐱᖔᕈᒪᔭᖏᑦ ᐅᕝᕙᓘᓐᓃᑦ ᐋᖅᑭᒃᓱᖅᓯᒪᓂᖏᑦ: ᐱᔪᓐᓇᖅᓯᑎᑦᑎᓂᖅ ᖃᐅᔨᒪᒋᐊᖅᓯᔾᔪᑎᒋᔭᐅᔪᓐᓇᖏᒻᒪᑦ (DNT) ᐃᕝᕕᒃ ᐃᑭᐊᕿᕕᒃᑰᕐᕕᓕᒫᖏᓐᓂᑦ, ᐊᒻᒪᓗ/ᐅᕝᕙᓘᓐᓃᑦ ᐲᕐᓗᑎᑦ ᓈᒻᒪᒃᑎᖅᑕᐅᓯᒪᔪᓂᒃ ᐱᔪᒥᓇᖅᓯᑎᑦᑎᓇᓱᐋᕈᑎᖏᓐᓂᒃ ᐃᕝᕕᒃ ᓇᓕᖃᖃᐅᑎᒃᑯᕕᖓᑕ ᐋᖅᑭᒃᓱᖅᓯᒪᓂᖏᓐᓂᑦ, ᐊᒻᒪᓗ/ᐅᕝᕙᓘᓐᓃᑦ ᐋᖅᑭᒋᐊᕐᓗᒍ ᐃᕝᕕᒃ ᐸᒡᕕᓴᒃᓴᑕᔾᔭᐃᑯᑎᕕᑦ ᐊᐅᓚᑦᑎᔾᔪᑎᖏᑦ. ᑕᐃᒪᓐᓇᐃᓘᕐᓂᕈᕕᑦ ᐊᒃᑐᐃᑐᐃᓐᓇᕆᐊᖃᕐᒪᑦ ᐃᓕᖅᑯᓯᕆᓲᖓᓂᒃ ᐃᑭᐊᕆᕕᒃᐱᑦ ᑕᑯᒃᓴᐅᓂᖓᓂᒃ ᐅᕝᕙᓘᓐᓃᑦ ᐊᐅᓚᓂᕆᓲᖓᓂᒃ ᐃᓕᖕᓄᑦ.  

 

5. 5. ᐊᑦᑕᕐᓇᖅᑐᒦᑎᑦᑕᐃᓕᒪᑎᑦᑎᓂᖅ ᐃᕝᕕᒃ ᓇᖕᒥᓂᖅ ᑐᓴᐅᒪᔾᔪᑎᒃᓴᖁᑎᒋᔭᕐᓂᑦ 

ᓴᐳᒻᒥᓂᐊᕈᕕᒋᑦ ᓇᖕᒥᓂᕐᓅᖓᔪᑦ ᑐᓴᐅᒪᔾᔪᑎᑦ ᓄᐊᑕᐅᓯᒪᔪᑦ ᐃᑭᐊᕿᕕᖕᒥᑦ ᐅᕙᒍᑦ ᐊᐅᓚᑦᑎᓂᕆᔭᑦᑎᓐᓂᑦ ᐱᓕᕆᔪᓐᓇᖅᓯᑎᑕᐅᓯᒪᖏᑦᑐᒥᑦ ᐱᔪᓐᓇᕐᓗᒋᑦ ᐊᒻᒪᓗ ᐊᑐᕈᓇᕐᓗᒋᑦ, ᐊᑐᓲᖑᔪᒍᑦ ᑕᕝᕙᓪᓚᕆᐅᔪᓂᑦ, ᖃᕋᑕᐅᔭᒃᑯᑦ, ᐊᒻᒪᓗ ᐱᓕᕆᔾᔪᓯᕐᒥᑦ ᐊᑦᑕᕐᓇᖅᑕᐃᓕᒪᑎᑦᑎᓪᓗᑕ ᐱᓕᕆᔾᔪᑎᑦᑎᓐᓂᒃ ᐊᒻᒪᓗ ᑐᓴᐅᒪᔾᔪᑎᓂᒃ. ᒫᓐᓇᐅᔪᖅ ᓴᕈᕐᓇᖅᑐᖃᒃᑎᑦᑎᑦᑕᐃᓕᒪᔾᔪᑎᑦ ᑎᑎᕋᕈᑎᖏᑎᒍᑦ ᐋᖅᑭᒃᑕᐅᓯᒪᕗᑦ ᐃᓘᓐᓇᓕᒫᖏᑎᒍᑦ ᐱᓕᕆᒋᐊᕐᕕᐅᓲᓕᒪᓂ, ᐊᒻᒪᓗ ᐊᑐᓲᕆᓪᓗᑎᒍ ᐊᑕᐅᑦᑎᒃᑰᖅᓯᔾᔪᑎᓂ ᐃᓱᒫᓗᓇᖅᑐᒦᑎᑦᑎᑕᐃᓕᒪᔾᔪᑎᓂ, ᒪᑐᐃᖅᓯᔾᔪᑎᓄᑦ ᐅᖃᕐᓂᕆᔭᐅᓲᓂᒃ, ᓴᙱᔫᓗᓂ ᑎᑎᕋᕈᓯᖅ ᒪᑐᐃᖅᓯᔾᔪᑎ, ᐊᒥᓱᓂᒃ−ᐋᖅᑭᒃᓯᒪᓂᖃᕐᓗᑎᒃ ᒪᑐᐃᖅᓯᔾᔪᑎ ᐊᒻᒪᓗ ᐊᓯᖏᓐᓂᒃ ᐋᖅᑭᑦᑎᐊᖅᓯᒪᔭᕆᐊᓕᖕᓂᑦ ᐊᒻᒪᓗ ᐊᐅᓚᑦᑎᓂᕐᒧᑦ ᐊᐅᓚᑕᐅᓗᑎᒃ ᐃᓱᒪᓗᓇᖅᑐᖃᖏᓪᓚᕆᖁᓪᓗᒍ. ᐱᔪᓐᓇᖅᓯᓂᖅ ᓇᖕᒥᓂᕐᒨᖓᔪᓂᒃ ᑐᓴᐅᒪᔾᔪᑎᓂᒃ ᑭᒡᓕᓕᑎᑕᐅᓯᒪᖕᒪᑕ ᐱᓕᕆᔪᓐᓇᖅᑎᑕᐅᔪᓄᑦ ᐃᖅᑲᓇᐃᔭᖅᑎᓄᑦ ᑕᐃᒃᑯᓄᖓ ᐊᑐᕆᐊᖃᓕᓲᓄᑦ ᑕᒃᑯᓂᖓ ᑐᓴᐅᒪᔾᔪᑎᓂᒃ ᐱᓕᕆᑎᓪᓗᒋᑦ ᐃᖅᑲᓇᐃᔮᕆᔭᕐᒥᖕᓂ. ᐃᓘᓐᓇᑎᒃ ᐃᖅᑲᓇᐃᔭᖅᑎᓕᒫᑦ ᐊᑎᓕᐅᖅᓯᔭᕆᐊᖃᒃᑎᑕᐅᓲᖑᕗᑦ ᑐᓴᖅᑕᐅᑎᑦᑎᑐᐃᓐᓇᖁᓇᒋᑦ ᐊᖏᖃᑎᒋᒍᑎᒋᔭᖏᓐᓂᑦ ᐃᖅᑲᓇᐃᔭᓕᖅᑎᑕᐅᑎᓪᓗᒋᑦ. 

 

6. 6. ᑐᓴᕐᕕᖃᕈᒪᓂᕐᒧᑦ ᑕᑕᑎᕆᐊᓕᑦ 

ᖃᓄᑐᐃᓐᓇᖅ ᑐᓴᐅᒪᔾᔪᑎᑦ ᑕᐃᒃᑯᐊ ᐱᔭᐅᑎᑕᑎᑦ ᐅᖃᕐᕕᖃᕐᓂᕐᒧᑦ ᑕᑕᑎᕆᐊᓖᑦ ᐃᑭᐊᕿᕕᑦᑎᒍᑦ ᑐᔫᑎᒋᔭᐅᓲᖑᖕᒪᑕ ᐅᕙᑦᑎᓐᓄᑦ ᐃᕐᖐᓇᖅᑕᕈᑎᒃᑰᕐᓗᑎᒃ ᑐᓴᖅᑎᑦᑎᔾᔪᑏᑦ ᑕᐃᒃᑯᓇᙵᑐᐊᖅ ᐱᓕᕆᔪᓐᓇᖅᑎᑕᐅᔪᑐᐋᓂᑦ ᐃᖅᑲᓇᐃᔭᖅᑎᓂᑦ ᐊᔪᖅᑎᑕᐅᖏᑦᑐᓂᒃ ᐱᔪᓇᖅᑎᑕᐅᔪᓂᒃ. ᑐᓴᐅᒪᔾᔪᑎᑦ ᑐᖅᑯᒃᑕᐅᓯᒪᓲᖑᒋᕗᑦ ᖃᐅᔨᒪᔾᔪᑎᒃᑯᕕᖕᒧᑦ ᖃᕋᑕᐅᔭᒃᑰᕈᑎᑦᑎᓐᓂ ᐊᓯᐅᔨᔭᐅᖁᓇᒋᑦ ᐊᒻᒪᓗ ᐲᖅᑕᐅᔪᓐᓇᖅᖢᑎᒃ ᐲᖅᑕᐅᖁᓗᒋᑦ ᑐᒃᓯᕋᑐᐊᕈᕕᑦ. ᑐᒃᓯᕋᕈᒪᒍᕕᑦ ᓇᓕᖃᒃᑖᕈᒪᓗᑎᑦ ᐅᕝᕙᓘᓐᓃᑦ ᐲᖅᑕᐅᖁᓗᒋᑦ ᐃᕝᕕᒃ ᑐᓴᐅᒪᓇᕈᑎᒋᔭᑎᑦ, ᓇᓂᔪᓐᓇᖅᑕᑎᑦ ᐅᖃᕐᕕᐅᔪᓐᓇᕐᓂᕗᑦ ᑐᓴᐅᒪᔾᔪᑎᓂ ᐃᓗᐊᓂ ᐅᑯᓇᓂ ᐅᖃᕕᖃᓚᐅᕆᑦ ᐃᕙᑦᑎᓐᓂᒃ ᐃᒻᒥᒃᑰᖓᓂᖓᓂ. 

 

7. 7. ᓇᓚᐅᑦᑎᑦᑎᐊᓂᖏᑦ ᐱᔭᒃᓴᐅᑎᓂᖏᓪᓗ 

ᐱᔾᔪᑎᒃᓴᖃᑦᑎᐊᖅᑐᓂᒃ ᐱᓕᕆᒋᐊᓱᖑᒐᑦᑕ ᐃᒪᓐᓇᐅᓪᓚᕆᖁᓪᓗᒋᑦ ᖃᓄᑐᐃᓐᓇᖅ ᓇᖕᒥᓂᕐᒨᖓᔪᑦ ᑐᓴᐅᒪᔾᔪᑎᒃᓴᑦ ᑕᐃᒃᑯᐊ ᐋᖅᑭᐅᒪᑎᑕᕗᑦ ᐃᓕᖕᓅᖓᔪᑦ ᓇᓛᒍᑦᑎᐊᖅᓯᒪᖁᓪᓗᒋᑦ, ᐋᖅᑭᑦᑎᐊᖅᓯᒪᓗᑎᒃ, ᐊᒻᒪᓗ ᐊᖑᒻᒪᑎᓗᑎᒃ ᐅᓪᓗᒥᒧᑦ. ᑕᐃᒪᓕ ᖃᐅᔨᓐᓂᕈᕕᑦ ᖃᓄᑐᐃᓐᓇᖅ ᐃᓕᖕᓅᖓᔪᓂᒃ ᑐᓴᐅᒪᔾᔪᑎᓂᒃ ᐱᓯᒪᔭᑦᑎᓐᓂᒃ ᐃᓕᖕᓂᑦ ᐅᖃᐅᓯᖃᒃᓯᒪᔪᑦ ᓇᓚᐅᑦᑎᓐᓂᖏᑉᐸᑕ, ᐅᕝᕙᓘᓐᓃᑦ ᐃᓱᒫᓗᑎᖃᑐᐊᕈᕕᑦ ᐊᑐᖅᑕᐅᓲᖑᔪᓐᓃᖅᑐᓂᒃ ᐅᕝᕙᓘᓐᓃᑦ ᐊᑐᖅᑎᑕᐅᖃᑦᑕᕈᓐᓃᖅᑐᓂᒃ ᐊᑐᖅᑕᐅᔾᔪᑎᓪᓗᐊᑕᕆᕙᓚᐅᖅᑕᖏᓐᓂᑦ, ᐊᑏ ᐅᕙᑦᑎᓂᑦ ᐅᖃᕐᕕᖃᓚᐅᕆᑦ. ᐱᔪᓐᓇᖅᑎᑕᐅᒐᕕᑦ ᓇᓕᖅᑲᓂᒃ ᐃᓕᖕᓅᖓᔪᓂᒃ ᑐᓴᐅᒪᔾᔪᑎᓂᒃ ᐱᓯᒪᔭᑦᑎᓐᓂᒃ ᐃᓕᖕᓂᑦ ᐅᖃᐅᓯᑲᒃᓯᒪᔪᓂᒃ; ᑕᐃᒫᖑᒃᐸᑦ, ᐱᔪᒪᓐᓂᕈᕕᑦ ᓇᓕᖃᓂᒃ ᑕᐃᒪᓐᓇᐃᑦᑐᓂᒃ ᑐᓴᐅᒪᔾᔪᑎᓂᒃ, ᐊᑏ ᐅᕙᑦᑎᓐᓄᑦ ᐅᖃᓚᐅᕆᑦ. ᐊᑑᑎᖃᑦᑎᐊᖅᑐᓂᒃ ᐱᓕᕆᓇᓱᖕᓂᐋᖅᑐᒍᑦ ᓇᓗᓇᐃᖅᓯᓇᓱᐊᖅᑎᓪᓗᑕ ᑭᓇᐅᓂᕐᓂᒃ ᐱᔭᐅᔪᓐᓇᖅᓯᑎᑦᑎᓚᐅᖏᓐᓂᑦᑎᓐᓂᑦ ᐅᕝᕙᓘᓐᓃᑦ ᑕᒻᒪᖅᓯᒪᔪᓐᓃᖅᑎᑦᑎᓚᐅᖏᓐᓂᑦᑎᓐᓂᑦ. ᐊᒻᒪᓗᑦᑕᐅᖅ, ᐱᔪᓐᓇᐅᑎᑎᑦ ᐱᔪᓐᓇᕐᓗᒋᑦ ᐅᕝᕙᓘᓐᓃᑦ ᑕᒻᒪᖅᓯᒪᔪᓐᓃᖅᑎᓪᓗᒋᑦ ᓇᖕᒥᓂᕐᓅᖓᔪᑦ ᑐᓴᐅᒪᔾᔪᑎᑦ ᐊᓯᕈᒃᑕᐅᔪᓐᓇᕐᒪᑕ ᑕᐃᒃᑯᓄᖓᓪᓗᐊᖅ ᒪᓕᒐᖅᑎᒍ ᐊᔪᖅᑎᑦᑎᔾᔪᓐᓇᖅᑐᓄᑦ, ᓲᕐᓗ ᒪᑯᓇᓂ ᖃᓄᐃᓕᓂᐅᔪᓂ ᐃᒪᓐᓇᐅᑐᐃᓐᓇᕆᐊᖃᒃᑐᓂ ᐱᔭᐅᖃᓯᐅᑎᔪᖃᕐᓗᓂ ᓇᖕᒥᓂᕐᒨᖓᔪᓂᒃ ᑐᓴᐅᒪᔾᔪᑎᓂᒃ ᐊᓯᑦᑎᓐᓅᖓᔪᓂᒃ. 

 

8. 8. ᐱᓯᒪᒃᓰᓐᓇᕐᓂᖅ ᐊᒻᒪᓗ ᓴᕋᒃᑕᐅᓂᖏᑦ ᓇᖕᒥᓂᕐᒨᖓᔪᑦ ᑐᓴᐅᒪᔾᔪᑎᑦ 

ᐱᓯᒪᐃᓐᓇᖅᓯᓲᖑᒐᑦᑕ ᓇᖕᒥᓂᕐᒨᖓᔪᓂᒃ ᑎᓴᐅᒪᔾᔪᑎᓂᒃ ᐱᓯᒪᐄᖕᓇᖅᓯᔭᕆᐊᖃᓂᓕᒫᑦᑎᓐᓂᑦ ᐊᑐᖅᑕᐅᓚᕆᖁᓪᓗᒍ ᐊᑑᑎᒋᔭᕆᐋᖃᒃᑕᖓ(ᖏᑦ) ᓄᐋᑕᐅᔾᔪᑎᒋᓚᐅᖅᑕᖏᓐᓂᒃ ᐊᒻᒪᓗ/ᐅᕝᕙᓘᓐᓃᑦ ᒪᓕᑦᑎᐊᖅᓯᒪᖁᓪᓗᒋᑦ ᒪᓕᒐᖅᑎᒎᖅᑐᑦ ᒪᓕᒃᑕᐅᖁᔭᐅᓂᖏᑦ. ᓇᖕᒥᓂᕐᒨᖓᔪᑦ ᑐᓴᐅᒪᔾᔪᑎᑦ ᓱᕋᑦᑎᖅᑕᐅᓲᖑᕗᑦ ᑭᖑᓂᖓᒍᑦ 12 ᑕᖅᑮᑦ ᐱᔭᕇᒃᑕᐅᓚᐅᖅᑎᓪᓗᒍ ᐱᓕᕆᐊᒃᓴᖅ. 

 

9. 9. ᐅᖃᖃᑎᒋᔪᓐᓇᖅᑕᑦᑎᖑᑦ 

ᑕᐃᒪᓕ ᖃᓄᑐᐃᓐᓇᖅ ᐊᐱᖅᑯᑎᒃᓴᖃᕈᕕᑦ ᐅᕝᕙᓘᓐᓃᑦ ᐃᓱᒫᓗᑎᖃᕈᕕᑦ ᑖᑦᓱᒥᖓ ᐸᒡᕕᓴᒃᑕᐅᖏᓐᓂᐅᑉ ᑎᑎᕋᒃᓯᒪᓂᖓᓂᒃ ᐃᑭᐊᕿᕕᑦᑎᓐᓄᑦ, ᐅᕝᕙᓘᓐᓃᑦ ᖃᓄᖅ ᑐᓴᐅᒪᔾᔪᑎᒃᓴᑦ ᓄᐋᑕᐅᓲᖑᓂᖏᓐᓂᒃ, ᐊᑐᖅᑕᐅᓲᖑᓂᖏᓐᓂᒃ ᐊᒻᒪᓗ ᓴᖅᑭᑎᑕᐅᓲᖑᓂᖏᓐᓂᒃ ᐅᕝᕙᓘᓐᓃᑦ ᑐᒃᓯᕌᕆᔭᐅᔪᒪᑎᓪᓗᒋᑦ ᓴᓕᖃᖏᑦ ᐅᕝᕙᓘᓐᓃᑦ ᐱᖅᑕᐅᑎᑦᑐᒪᓕᕐᓂᕈᕕᒋᑦ ᑐᓴᐅᒪᔾᔪᑎᓴᖃᐅᑎᒃᑯᕖᑦ, ᐊᑏ ᐅᖃᕐᕕᖃᓚᐅᕆᑦ ᐅᕙᑦᑎᓐᓂᑦ ᐅᕘᓇ: 

Manager	E-mail	Telephone
ᔨᐅᕈᑦ ᐊᓇᕈᐊᖅ	info@qnihs.ca	1-888-QNIHS-CA (1-888-764-4722)
ᓕᐋᓐ ᒪᒃᓖᓐ

 

10. 10. ᐊᓯᕈᒃᑕᐅᓂᖏᑦ ᑖᑦᓱᒪ ᐸᒡᕕᓴᒃᑕᐅᖏᓐᓂᒻᒥᑦ ᐅᖃᐅᓯᖃᒃᓯᒪᓂᖓ 

ᐋᖅᑭᒋᐊᖃᑕᕈᓐᓇᕋᑦᑎᒍ ᑖᓐᓇ ᐸᒡᕕᓴᒃᑕᐅᖏᓐᓂᕐᒧᑦ ᐅᖃᒃᓯᒪᓂᖓ ᐃᑭᐊᕿᕕᖕᒦᑦᑐᖅ, ᖃᑯᑎᒃᑯᑦ. ᑐᓴᖅᑕᐅᑎᑦᑎᒐᔭᖅᑐᒍᑦ ᐊᑐᓕᕐᕕᒋᓂᐊᖅᑕᖓᑕ ᐅᓪᓗᖓᓂᒃ ᐃᓱᓕᕝᕕᒋᓂᐊᖅᑕᖏᓐᓂᒃ ᐊᑐᓂ ᐅᖃᒃᓯᒪᓂᖏᓐᓂᑦ ᑕᑦᓱᒪ ᐅᖃᒃᓯᒪᓂᐅᔪᑉ. 

ᐊᑐᓕᕐᓗᓂ ᐅᓇᐅᓕᖅᑎᓪᓗᒍ ᒫᔾᔨ 8, 2024−ᒥ.