ᖃᐅᔨᔭᐅᔪᑦ
ᐊᐱᖅᓱᕐᓂᒥ ᖃᐅᔨᔭᐅᔪᑦ ᐅᖃᐅᓯᖃᕐᓂᐊᖅᑐᑦ ᐃᓄᐃᑦ ᐋᓐᓂᐊᖃᖅᑕᐃᓕᒪᓂᖏᓐᓂᒃ ᖃᓄᐃᙱᑦᑎᐊᕐᓂᖏᓐᓂᒡᓗ ᐊᒻᒪ ᐊᑐᐃᓐᓇᐅᓂᐊᖅᑐᑦ ᐊᑐᖅᑕᐅᖄᕈᓐᓇᕐᓗᑎᒃ ᐃᓄᖕᓂᒃ. ᐃᓄᖕᓂᑦ ᓈᒻᒪᒋᔭᐅᒍᑎᒃ, ᖃᐅᔨᔭᐅᔪᑦ ᑐᓴᖃᑎᒌᒍᑕᐅᓂᐊᖅᑐᑦ ᐊᒻᒪᓗ ᐊᑐᖅᑕᐅᓗᑎᒃ ᐊᓯᖏᓐᓂᒃ, ᓲᕐᓗ ᒐᕙᒪᒃᑯᓐᓂ ᐊᑐᐊᒐᓕᐅᖅᑎᓄᑦ ᐊᒻᒪᓗ ᐃᓕᓐᓂᐊᕐᕕᒡᔪᐊᓂ ᖃᐅᔨᓴᖅᑎᓂᒃ. ᑐᓴᐅᒪᔾᔪᑏᑦ ᑲᑎᑕᐅᔪᑦ ᑕᐃᑲᓂ ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᖅᑎᑦ ᓄᓇᕗᒻᒥ ᐃᑲᔪᕐᓂᐊᖅᑐᑦ ᐃᓱᒪᓕᐅᕈᑎᓄᑦ ᑐᑭᓯᐊᔪᑦ ᐊᓯᔾᔨᐅᑏᑦ ᐃᓄᐃᑦ ᖃᓄᐃᙱᑦᑎᐊᕐᓂᕐᒧᑦ ᐊᒻᒪᓗ ᐱᐅᓂᖅᓴᓄᑦ ᖃᓄᐃᙱᑦᑎᐊᕐᓂᕐᒧᑦ ᐱᓕᕆᐊᓄᑦ.
ᑐᓴᖃᑎᒌᒍᑎᖃᕐᓂᖅ ᖃᐅᔨᔭᐅᔪᓂᒃ
ᑎᑎᖅᑲᖁᑎᓂᒃ ᑲᑎᖅᓱᐃᓂᖅ ᐱᔭᕇᖅᑕᐅᒍᓂ ᐊᒻᒪᓗ ᑎᑎᖅᑲᖁᑏᑦ ᕿᒥᕐᕈᔭᐅᕌᓂᒃᑯᑎᒃ, ᖃᐅᔨᔭᐅᔪᑦ ᑐᓴᖃᑎᒌᒍᑕᐅᓂᐊᖅᑐᑦ ᐃᓄᖕᓄᑦ ᐊᒻᒪᓗ ᓄᓇᕗᒻᒥ ᓄᓇᓕᖕᓂ ᐅᓂᒃᑳᑎᒍᑦ, ᓱᓕᔪᑦ ᑎᑎᕋᖅᓯᒪᔪᑦ, ᑎᑎᕋᐅᔭᖅᓯᒪᔪᑦ, ᐊᓯᖏᓪᓗ ᑐᓴᐅᒪᔪᓕᕆᔾᔪᑎᑎᒍᑦ. ᖃᐅᔨᔭᐅᔪᑦ ᑐᓴᖃᑎᒌᒍᑕᐅᓂᐊᖅᑐᑦ ᐃᓄᐃᑦ ᑕᐱᕇᑦ ᑲᓇᑕᒦᒃᑯᑦ ᐊᒻᒪᓗ ᓄᓇᕗᑦ ᑐᙵᕕᒃ ᑎᒥᖁᑖᑕ ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᖅᑎᑦ ᖃᕆᓴᐅᔭᒃᑯᑦ ᐃᑭᐊᖅᑭᕕᖏᑎᒍᑦ ᐊᒻᒪᓗ ᐊᑐᐃᓐᓇᐅᑎᑦᑎᓂᐊᖅᑐᑦ ᓄᓇᓂ ᐊᕕᒃᑐᖅᓯᒪᔪᓂ, ᓄᓇᕗᒻᒥ ᐊᒻᒪᓗ ᑲᓇᑕᓗᒃᑖᒥ ᖃᐅᔨᔭᐅᔪᓂᒃ.
ᖃᐅᔨᔭᐅᔪᑦ ᑕᑯᔭᐅᔪᓐᓇᖁᓪᓗᒋᑦ ᑭᒃᑯᓕᒫᓄᑦ, ᐊᑐᐃᓐᓇᐅᓂᐊᖅᑐᑦ ᐅᖃᐅᓯᖅᑎᒍᑦ ᓈᒻᒪᓛᑎᒍᑦ ᐊᑐᓂ ᓄᓇᕗᒻᒥ ᐊᕕᒃᑐᖅᓯᒪᔪᑎᒍᑦ. ᑲᑎᒪᑎᑦᑎᓛᖅᑐᒍᑦ ᓄᓇᓕᖕᓂ ᑲᑎᒪᓂᕐᒧᑦ ᐱᓕᕆᓂᕐᒥ ᖃᐅᔨᔭᐅᔪᑦ ᑐᓴᖃᑎᒌᒍᑕᐅᓗᑎᒃ, ᐃᓄᐃᑦ ᐊᒻᒪᓗ ᓄᓇᓕᖕᓂ ᐃᓚᖏᔭᐅᔪᑦ ᐱᕕᒃᓴᖃᕐᑎᒃ ᕿᒥᕐᕈᔪᓐᓇᕐᓗᑎᒃ ᑐᑭᓕᐅᕆᓗᑎᒡᓗ ᑎᑎᖅᑲᖁᑎᓂᒃ. ᖃᐅᔨᔭᐅᔪᑦ ᐱᖃᓯᐅᔾᔨᓯᒪᔾᔮᙱᑦᑐᑦ ᖃᓄᑐᐃᓐᓇᖅ ᐃᒻᒥᒧᑦ ᐅᕝᕙᓘᓐᓃᑦ ᓇᓗᓇᐃᔭᐃᔾᔪᑎᓂᒃ ᑐᓴᐅᒪᔾᔪᑎᓂᒃ.
ᐊᐱᖅᑯᑕᐅᒐᔪᒃᑐᑦ
