ᑖᓐᓇ ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᖅᑎᑦ (QNIHS) ᐊᑐᖅᑕᐅᓂᐊᖅᑐᑦ ᐊᑐᓂ ᓄᓇᕗᒻᒥ ᓄᓇᓕᖕᓂ 2024-ᒥ. ᑖᒃᑯᐊ ᐃᓗᓕᖏᑦ ᓄᓇᕗᖅᒨᖓᔪᑦ ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᖅᑎᒥᑦ ᑲᒪᒋᔭᐅᔪᑦ ᓄᓇᕗᑦ ᑐᙵᕕᒃ ᑎᒥᖁᑖᓂ. ᑕᒪᓐᓇ ᑐᑭᓕᐅᖅᑕᐅᓯᒪᔪᖅ ᖃᐅᔨᓴᕈᑎ, ᑐᓴᐅᒪᔾᔪᑏᑦ ᑲᑎᑕᐅᔪᑦ, ᐊᒻᒪᓗ ᖃᐅᔨᔭᐅᔪᑦ ᓴᖅᑭᑕᐅᔪᑦ ᓴᖅᑭᑕᐅᓯᒪᓪᓗᑎᒃ ᓇᖕᒥᓂᕆᔭᐅᓪᓗᑎᒡᓗ ᐃᓄᖕᓂᑦ.
ᓄᓇᕗᒻᒥ ᐃᓄᐃᑦ ᑎᑎᕋᖅᑕᐅᓯᒪᔪᑦ ᐊᑐᖅᖢᒋᑦ ᓄᓇᕗᒻᒥ ᐊᖏᕈᒻᒥ ᓂᕈᐊᖅᑕᐅᓂᐊᖅᑐᑦ ᐊᒻᒪᓗ ᖃᐃᖁᔭᐅᓗᑎᒃ ᐃᓚᐅᖁᔭᐅᓗᑎᒃ. ᑭᒃᑯᓕᒫᑦ ᐃᓚᐅᔪᑦ ᓇᓕᐊᖕᓄᑐᐃᓐᓇᖅ ᐊᐱᖅᓱᖅᑕᐅᓂᕐᒧᑦ, ᐱᓕᕆᖃᑎᖃᕐᓂᕐᒧᑦ ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᖅᑎᓂ, ᐅᕝᕙᓘᓐᓃᑦ ᐃᑲᔪᕐᓗᑎᒃ ᐱᔪᒥᓴᐃᓗᑎᒃ ᓄᓇᓕᖕᓂ ᐃᑲᔪᕐᓂᐊᖅᑐᑦ ᐊᖅᑯᑎᒃᓴᖓᓂ ᐱᐅᓯᖅᓴᒥᒃ ᐃᓅᓯᖃᖁᓪᓗᒋᑦ ᐃᓄᓗᒃᑖᑦ.
ᑖᓐᓇ ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᖅᑎᑦ ᐊᔾᔨᒋᙱᑖ ᑕᐃᒃᑯᓄᖓ ᐱᓕᕆᐊᖑᖃᑦᑕᓚᐅᖅᓯᒪᔪᓂ. ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᖅᑎᑦ ᓇᖕᒥᓂᕆᔭᐅᔪᖅ, ᓴᓇᔭᐅᓯᒪᔪᖅ ᐊᒻᒪᓗ ᑲᒪᒋᔭᐅᓪᓗᓂ ᐃᓄᖕᓂᒃ ᑲᓇᑕᓗᒃᑖᒥ, ᐱᓕᕆᖃᑎᒋᔭᐅᓪᓗᑎᒃ ᐃᓄᐃᑦ ᑕᐱᕇᑦ ᑲᓇᑕᒥ ᐊᒻᒪᓗ ᐱᓕᕆᐊᖑᔪᖅ ᑕᒪᓐᓂᓗᒃᑖᖅ ᓄᓇᓂ ᐊᕕᒃᑐᖅᓯᒪᔪᓂ ᐃᓄᐃᑦ ᓄᓇᖓᓐᓂ.
ᓄᓇᕗᒻᒥ ᐃᓗᓕᖏᑦ ᑖᒃᑯᓇᓂ ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᖅᑎᓂ (QNIHS) ᑲᑐᔾᔨᖃᑎᒌᒐᓲᑕᐅᔪᖅ ᑖᒃᑯᓇᓂ ᓄᓇᕗᑦ ᑐᙵᕕᒃ ᑎᒥᖁᑖᓂ (NTI) ᐊᒻᒪᓗ ᒐᕙᒪᒃᑯᑦ ᓄᓇᕗᒻᒥ (GN). ᑖᓐᓇ ᐊᐱᖅᓱᕐᓂᖅ ᑲᒪᒋᔭᐅᔪᖅ ᓄᓇᕗᒻᒥ ᐃᓄᐃᑦ ᖃᓄᐃᙱᑦᑎᐊᕐᓂᕐᒧᑦ ᐊᐱᖅᓱᕐᓂᕐᒧᑦ ᑲᑎᒪᔨᐊᓛᓂᒃ ᐃᓚᐅᑎᑦᑎᓪᓗᑎᒃ ᑭᒡᒐᖅᑐᐃᔨᓂᑦ ᓄᓇᕗᑦ ᑐᙵᕕᒃ ᑎᒥᖁᑖᓂ ᐊᒻᒪᓗ ᒐᕙᒪᒃᑯᑦ ᓄᓇᕗᒻᒥ ᐋᓐᓂᐊᖃᖕᓇᙱᑦᑐᓕᕆᔨᒃᑯᓐᓂᑦ.
