ᐃᒻᒥᒃᑯᑦ ᐃᑲᔪᖅᑐᐃᓂᖅ
ᑐᑭᓯᐊᔪᒍᑦ ᑕᒪᓐᓇ ᐊᐱᖅᓱᕐᓂᕐᒧᑦ ᑲᔪᓯᓂᐅᔪᖅ ᐊᔪᕐᓇᕋᔭᕐᓂᖓᓂᒃ. ᑕᐃᒪᐃᒻᒪᑦ ᐱᓕᕆᐊᖃᕋᓱᖕᓂᐊᖅᑐᒍᑦ ᐊᑐᓂ ᐃᓚᐅᔪᖅ ᐃᑲᔪᖅᑐᖅᑕᐅᑦᑎᐊᕐᓗᓂ ᓈᒻᒪᒃᑐᒥᒃ ᑲᑎᙵᖃᑎᒋᔭᐅᑎᓪᓗᒍ.
ᓇᔪᕐᕕᒋᔭᐅᔪᒥ ᐃᓄᒻᒧᑦ ᐃᑲᔫᓯᐊᑦ
ᖃᐅᔨᓴᖅᑎᓪᓗᒋᑦ, ᐱᓇᔪᑦᑎᐊᕐᓂᐊᖅᐳᑦ ᖃᐅᔨᒪᓇᓱᒡᓗᑎᒃ ᐃᓚᐅᔪᑦ ᐃᑲᔪᖅᑕᐅᔪᓐᓇᖁᓪᓗᒋᑦ ᐱᔭᕆᐊᖃᖅᑕᖏᓐᓂᒃ:
- ᐃᓚᐅᖃᑕᐅᔪᑦ ᐊᐱᖅᓱᕈᓐᓇᕐᓂᐊᖅᑐᑦ ᓇᖕᒥᓂᖅ ᓈᒻᒪᒋᔭᒥᓂᒃ;
- ᐃᓚᐅᖃᑕᐅᔪᑦ ᑐᒃᓯᕋᕈᓐᓇᕐᓂᐊᖅᑐᑦ ᓄᖅᑲᖓᓚᐅᑲᒍᒪᓗᑎᒃ ᖃᖓᑐᐃᓐᓇᒃᑯᑦ ᐊᐱᖅᓱᖅᑕᐅᑎᓪᓗᒋᑦ;
- ᐃᓚᐅᖃᑕᐅᔪᑦ ᐊᓪᓗᐃᔪᓐᓇᕐᓂᐊᖅᑐᑦ ᐊᐱᖅᑯᑎᒃᓴᓂᒃ ᓈᒻᒪᒃᓴᙱᒃᑯᑎᑦ ᑭᐅᔭᕆᐊᒃᓴᖅ;
- ᐃᓚᐅᔪᑦ ᐊᐱᕆᔪᓐᓇᖅᐳᑦ ᑐᑭᓯᓇᖅᓯᑎᑕᐅᒃᑲᓐᓂᕈᒪᓗᑎᒃ ᐅᕝᕙᓘᓐᓃᑦ ᑐᓴᖅᑕᐅᔪᒃᓴᒃᑲᓐᓂᕐᓂᒃ ᖃᖓᑐᐃᓐᓇᑦᑎᐊᒃᑯᑦ ᖃᐅᔨᓴᖅᑐᖃᕐᓂᖓᓂ;
- ᐃᓚᐅᖃᑕᐅᔪᑦ ᐊᑲᐅᒃᓴᙱᑉᐸᑕ ᐊᐱᖅᓱᖅᑎᒧᑦ (ᐱᔾᔪᑎᖃᕐᓗᑎᒃ ᐅᑭᐅᖏᓐᓂᒃ, ᐊᕐᓇᐅᖕᒪᖔᑦ ᐊᖑᑕᐅᖕᒪᖔᓪᓘᓐᓃᑦ, ᐃᓚᒌᖕᓂᖅ, ᐅᕝᕙᓘᓐᓃᑦ ᓄᓇᓕᒃ) ᑐᒃᓯᕋᕈᓐᓇᖅᑐᑦ ᐊᓯᐊᓂᒃ ᐊᐱᖅᓱᖅᑎᒥᒃ ᐊᒻᒪᓗ ᐱᓕᕆᖃᑎᒌᑦ ᐱᔪᓐᓇᕐᓂᓕᒫᒥᓂᒃ ᐱᓕᕆᓂᐊᕐᓗᑎᒃ;
- ᐃᓚᐅᖃᑕᐅᔪᑦ ᐊᐱᕆᔪᓐᓇᖅᑐᑦ ᖃᐅᔨᓴᕐᓂᖅ ᐱᓕᕆᐊᖑᓗᓂ ᓂᕈᐊᕆᔭᖓᓂ ᐅᖃᐅᓯᖅᑕᖏᓐᓂ − ᑐᓵᔨᖃᕐᓂᖅ ᐊᑐᐃᓐᓇᐅᓂᐊᖅᑐᖅ ᐃᓄᒃᑎᑐᑦ ᐃᓄᐃᓐᓇᖅᑐᓪᓗ;
- ᓄᓇᓕᖕᓂ ᐱᓕᕆᖃᑎᒌᑦ ᓯᕗᓕᖅᑎᖏᑦ, ᐃᓐᓇᐃᑦ ᐃᑲᔪᖅᑎᖏᑦ ᖃᓄᐃᙱᑦᑎᐊᕐᓂᖏᓐᓄᓪᓗ ᐃᑲᔪᖅᓱᐃᔨᑦ ᐊᑐᐃᓐᓇᐅᓂᐊᖅᑐᑦ ᖃᐅᔨᓴᕐᓂᕐᒧᑦ ᐃᓚᐅᖃᑕᐅᔪᓂᒃ ᖃᐅᔨᓴᕐᓂᕐᒥ;
- ᐱᔭᕇᖅᐸᑦ ᖃᐅᔨᓴᕐᓂᖅ, ᐃᓚᒋᔭᐅᔪᑦ ᐊᑐᐃᓐᓇᐅᑎᑦᓯᓂᐊᖅᑐᑦ ᐱᖁᑎᓂᑦ ᑎᑎᕋᖅᓯᒪᔪᓂᑦ ᓄᓇᓕᓐᓂᑦ ᖃᓄᐃᖏᑦᓯᐊᕐᓂᕐᒧᑦ ᐃᑲᔪᖅᑐᕐᓂᕐᒥᑦ ᓄᓇᓕᖏᓐᓂᑦ ᐱᔭᕆᐊᖃᖅᐸᑕ ᐅᓪᓗᕐᓂᑦ ᐱᓇᓱᐊᕈᓯᕐᓂᓪᓘᓐᓃᑦ ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓂᑯᐃᑦ ᓄᐊᑕᐅᓚᐅᖅᑎᓪᓗᒋᑦ;
- ᐃᓚᐅᖃᑕᐅᔪᑦ ᓄᖅᑲᕈᒪᒃᐸᑕ ᖃᐅᔨᓴᕈᑎᒥᒃ, ᑐᒃᓯᕋᕈᓐᓇᖅᑐᑦ ᓇᓗᓇᐃᔭᐅᑎᖏᑦ ᐲᖅᑕᐅᓗᑎᒃ ᖃᐅᔨᓴᕈᑎᒧᑦ ᑲᑎᖅᓱᖅᓯᒪᔪᓂ ᐃᓗᐊᓂ 25 ᐊᕐᕌᒍᑦ ᐃᓚᐅᖃᑕᐅᓚᐅᕐᓗᑎᒃ. ᑕᒪᐃᓐᓅᖓᔪᑦ ᖃᓄᐃᖓᓂᐅᔪᑦ (ᑲᑎᖅᓱᖅᓯᒪᔪᑦ ᑎᑎᕋᖅᓯᒪᔪᑦ) ᓴᖅᑭᑕᐅᒃᐸᑕ (ᐃᒻᒪᖄ 6-12 ᑕᖅᑭᓄᑦ), ᐲᖅᓯᔪᖕᓇᔾᔮᙱᑦᑐᖅ ᐃᓚᐅᖃᑕᐅᔫᑉ ᒥᒃᓵᓅᖓᔪᓂᒃ ᓇᑭᑐᐃᓐᓇᖅ ᓴᖅᑭᑕᐅᔪᓂᒃ ᐅᓂᑉᑳᓂᒃ ᐅᕝᕙᓘᓐᓃᑦ ᐱᖁᑎᓂᒃ.
