Nangminik ikayugutikaniaktut
Kangiqhimayugut tamna naunaiyainiq pityuhiq ayuqnalaqnia. Taimaittumik atuqtakhat atuqtauniat piqpiariakhai tamaita piqatauyut pitaqni naamaktumik ikayutit atuqtitlugu katittaqnit.
Havakviit-nayugaanit inungnut ikayuqtit
Qauyihaitillutik, ihuaqhainahuaqpangniat qanukiaq taimaa ilauyut atuqtitauyaamik ikayuutinik ihariagiyainik:
- Ilauyut apiqhuutinut qauyihautinit inmikkut qilanaaqhimaittumik iniqhinnarialgit;
- Ilauyut nutqaquinginnarialgit quyaginnaq qauyihaitillutik;
- Ilauyut kinguvainginnariaqaqtut apiqhuutinik ihuiguhuutiqarumik kiuhiyaamik;
- Ilauyut apiriinnarialgit naunaittiarumagumik ahinikluuniit naunairumagumik quyaginnaq qauyihaitillutik;
- Ilauyut ihuiguhuutiqarumik apiqhuiyumik (ihuigipluniuk ukiungit, arnaungmangaat/angutaungmangaat, qatanngutait, nunallaangaluuniit) aallamik apiqhuiyimik tughiinnarialgit taapkualu havaqatigiit aghuuqlutik ihuaqhainahuaqpangniat;
- Ilauyut apiriinnarialgit taimaa qauyihaiyiqariamik uqauhilluangagut – uqaqtiqarniat Inuktitut Inuinnaqtullu uqauhiigut;
- Nunallaarnit havaqatigiit hivuliqtiuyut, Iniqnirit Ikayuqtiit Inuuhiqattiarniqlu Ikayuutait hailiyauhimaniat apiqhuqtauyunut qauyihaitillutik;
- Qauyihaqtaarumik, ilauyut tuniyauniaqtut makpiraaqnik hunaniklu titiraqhimayunik nunallaarnit inuuhiqattiarniqmut ikayuutainut nunallaarmingnit ihariagiyaugumik upluit Santiilluuniit kinguani katitiriyut;
- Ilauyut ilauhuirumagumik qauyihaiyunit, tughiinnarialgit naunaitkutait ungavaqtauyaamik qauyihaiyit tutquumaviinnit 25 ukiut atuqtillugit ilauvianit. Katitiqhimayut naunaiqtauhimayut (avugiiktut naunaitkutat) makpiraaliuqhimagumik (haniani 6-nguyut 12-nguyullu tatqiqhiutit), ayuqnaqniaqtuq amuhiyaamik ilauyut naunaitkutainik makpiraaliuqhimataaqtunit hunaqutinilluuniit.
