ᐊᐱᖅᑯᑕᐅᒐᔪᒃᑐᑦ

ᑐᑭᓯᒋᐊᕈᑎᑎᑦ ᐱᓯᒪᔭᐅᒐᔭᖅᑐᑦ 25-ᓄᑦ ᐊᕐᕌᒍᓄᑦ, ᐊᖏᖅᓯᒪᓂᕆᓚᐅᖅᑕᕋᓗᐊᑦ ᖁᔭᓈᕈᕕᐅᒃ ᐊᑐᖅᑕᐅᖁᓪᓗᒍ, ᑐᑭᓯᒋᐊᕈᑎᑎᑦ ᐲᖅᑕᐅᒐᔭᖅᑐᑦ ᖃᕋᓴᐅᔭᒃᑰᖓᔪᑎᒍᑦ, ᑭᓯᐊᓂᓕ ᑎᑎᕋᖅᑕᐅᔭᕇᕐᓂᕈᑎᑦ ᑎᑎᕋᖅᓯᒪᔪᓃᒃᑲᔭᖅᑐᑦ ᓱᓕ.

ᑐᑭᓯᒋᐊᕈᑎᑎᑦ ᐲᖅᑕᐅᖁᒍᕕᒋᑦ ᐅᖃᐅᑎᓗᒋᑦ info@qnihs.ca

ᐊᑐᓂ ᓄᓇᓕᖕᓂ, ᓂᕈᐊᖅᑕᐅᓯᒪᔪᑦ ᖃᔅᓯᒐᓚᑦ ᐃᓄᐃᑦ ᐊᔾᔨᒋᙱᑦᑐᓂ ᐅᑭᐅᓖᑦ ᐊᐱᕆᔭᐅᓂᐊᖅᑐᑦ ᐃᓚᐅᖁᔭᐅᓗᑎᒃ ᖃᓄᐃᑉᐱᑕ? ᐃᓄᐃᑦ ᓂᕈᐊᖅᑕᐅᓂᐊᖅᑐᑦ ᖃᐅᔨᒪᔭᐅᙱᑦᑐᒃᑯᑦ ᓄᓇᕗᑦ ᑐᙵᕕᒃᑯᑦ ᐃᓄᐃᑦ ᓄᓇᖃᖅᓯᒪᔪᓄᑦ ᑎᑎᕋᖅᓯᒪᔪᓂᑦ ᐊᕕᒃᑐᖅᓯᒪᔪᑦ ᓄᓇᓕᖃᖅᑐᒃᑯᑦ.

ᐊᐱᖅᓱᕐᓂᕐᒧᑦ ᖃᐅᔨᔭᐅᔪᑦ ᑕᒻᒪᖅᓯᒪᙱᑦᑎᐊᕐᓗᑎᒃ ᑭᒡᒐᖅᑐᐃᓗᑎᒃ ᐃᓄᖕᓂᒃ ᓄᓇᓂ ᐊᕕᒃᑐᖅᓯᒪᔪᓂ, ᓂᕈᐊᖅᑕᐅᔪᑐᐊᑦ ᐃᓚᐅᔪᓐᓇᖅᑐᑦ. ᐃᓚᐅᓂᖅ ᑭᒃᑯᑐᐃᓐᓇᓄᑦ ᐅᒃᑯᐃᖓᙱᑦᑐᖅ.

ᐃᓚᐅᓂᖅ ᐊᐱᖅᓱᕐᓂᕐᒥ ᐱᔪᒪᓂᖏᓐᓄᑐᐊᖑᔪᖅ, ᐃᓚᐅᔪᑦ, ᓂᕈᐊᖅᑕᐅᓯᒪᒍᑎᒃ, ᐃᑲᔪᕐᓂᐊᖅᑐᑎᑦ ᑐᑭᓕᐅᖅᑕᐅᑦᑎᐊᖅᓯᒪᔪᒥᒃ ᐃᓄᐃᑦ ᐅᓂᒃᑳᖏᓐᓂᒃ ᐋᓐᓂᐊᖃᖅᑕᐃᓕᒪᑎᑦᑎᓂᕐᒧᑦ ᐊᒻᒪᓗ ᖃᓄᐃᙱᑦᑎᐊᕐᓂᕐᒧᑦ ᐊᒻᒪ ᑕᒪᓐᓇ ᑐᑭᓕᒃ ᓯᕗᓂᒃᓴᒥ ᐱᓕᕆᐊᓄᑦ ᐊᑐᐊᒐᕐᓄᓪᓗ ᐊᒃᑐᐃᔪᓂᒃ ᐃᓄᖕᓂᒃ ᐊᒻᒪᓗ ᑕᒻᒪᖅᓯᒪᙱᓐᓂᖅᓴᐅᓗᑎᒃ ᓴᖅᑭᔮᖅᑎᑦᑎᓗᑎᒃ ᐃᓄᐃᑦ ᐱᔪᒪᔭᖏᓐᓂᒃ ᓯᕗᓪᓕᐅᔾᔭᐅᖁᔭᖏᓐᓂᒡᓗ.

ᑕᓐᓇ ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᖅᑎᑦ ᐊᑐᖅᑕᐅᖃᑦᑕᕐᓂᐊᖅᑐᑦ ᓄᓇᕗᒻᒥ ᐊᓂᒍᕌᖓᑕ ᑕᓪᓕᒪᑦ ᐊᕐᕌᒍᑦ. ᑕᒪᓐᓇ ᑐᑭᑖᖅᓯᒪᔪᖅ ᐊᔪᙱᑎᑕᐅᙱᒃᑲᓗᐊᕐᓗᑎᑦ ᐃᓚᐅᓂᕐᒧᑦ ᒫᓐᓇ 2024-ᒥ ᐊᐱᖅᓱᕐᓂᕐᒥ, ᓂᕈᐊᖅᑕᐅᑐᐃᓐᓇᕆᐊᖃᖅᑐᑎᑦ ᐃᓚᐅᖁᔭᐅᓗᑎᑦ ᓯᕗᓂᒃᓴᒥ ᐊᕐᕌᒎᓛᖅᑐᓂ.

ᐃᓚᐅᓂᖅ ᐊᐱᖅᓱᕐᓂᕐᒥ ᐃᓚᒋᔭᐅᔪᖅ ᐋᖅᑭᒃᓱᐃᕙᓪᓕᐊᓪᓗᑎᒃ ᓯᕗᓂᒃᓴᖓᓂ ᓄᓇᔅᓯᓂ. ᑖᒃᑯᐊ ᑐᓴᐅᒪᔾᔪᑏᑦ ᑐᓴᖃᑎᒌᒍᑎᒋᔭᓯ ᐃᓄᑑᖃᑎᒌᒃᖢᓯ ᐊᐱᖅᓱᖅᑕᐅᑎᓪᓗᓯ ᐃᓚᒋᔭᐅᓕᓲᖅ ᐱᐅᔪᒻᒪᕆᖕᓂ ᐊᒻᒪᓗ ᖃᓄᐃᓕᔾᔭᐃᖅᓯᓂᕐᒧᑦ ᑎᑎᖅᑲᖁᑎᓂ ᐊᑐᖅᑕᐅᓂᐊᖅᑐᑦ ᐃᑲᔪᕐᓗᓂᓗ ᐃᓱᒪᓕᐅᕈᑕᐅᑦᑎᐊᕐᓗᑎᒃ ᐃᓄᖕᓄᑦ ᓄᓇᑦᑎᓐᓄᓪᓗ.

ᐃᓚᐅᓂᖅ ᐊᐱᖅᓱᕐᓂᕐᒥ ᐱᔪᒪᓂᖏᓐᓄᑐᐊᖑᔪᖅ, ᐃᓚᐅᔪᑦ ᓂᕈᐊᖅᑕᐅᓯᒪᒍᑎᒃ, ᐃᑲᔪᕐᓂᐊᖅᑐᑎᑦ ᑐᑭᓕᐅᖅᑕᐅᑦᑎᐊᖅᓯᒪᔪᒥᒃ ᐃᓄᐃᑦ ᐅᓂᒃᑳᖏᓐᓂᒃ ᐋᓐᓂᐊᖃᖅᑕᐃᓕᒪᑎᑦᑎᓂᕐᒧᑦ ᐊᒻᒪᓗ ᖃᓄᐃᙱᑦᑎᐊᕐᓂᕐᒧᑦ ᐊᒻᒪ ᑕᒪᓐᓇ ᑐᑭᓕᒃ ᓯᕗᓂᒃᓴᒥ ᐱᓕᕆᐊᓄᑦ ᐊᑐᐊᒐᕐᓄᓪᓗ ᐊᒃᑐᐃᔪᓂᒃ ᐃᓄᖕᓂᒃ ᐊᒻᒪᓗ ᑕᒻᒪᖅᓯᒪᙱᓐᓂᖅᓴᐅᓗᑎᒃ ᓴᖅᑭᔮᖅᑎᑦᑎᓗᑎᒃ ᐃᓄᐃᑦ ᐱᔪᒪᔭᖏᓐᓂᒃ ᓯᕗᓪᓕᐅᔾᔭᐅᖁᔭᖏᓐᓂᒡᓗ.

ᑐᓴᐅᒪᔾᔪᑏᑦ ᑲᑎᑕᐅᔪᑦ ᐊᑐᓂ ᐃᓄᖕᓂᑦ ᐃᓚᐅᖁᔭᐅᔪᓂ ᐱᒻᒪᕆᐅᔪᖅ ᑐᓂᓯᓗᑎᒃ ᓱᖅᑯᐃᓇᑦᑎᐊᖅᑐᓂᒃ ᐃᓄᓗᒃᑖᓄᑦ.

ᓴᐳᔾᔭᐅᓯᒪᖁᓪᓗᒋᑦ ᐱᔪᓐᓇᐅᑎᑎᑦ ᑐᓴᖅᑕᐅᔭᕆᐊᖃᙱᑦᑐᖁᑎᑎᓪᓗ, ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᖅᑎᑦ ᐱᓕᕆᔨᖏᑦ ᓯᕗᓪᓕᕐᒥ ᐱᓂᐊᖅᑐᑦ ᐊᑭᖃᙱᑦᑐᒥᒃ ᐊᒻᒪᓗ ᑐᑭᓯᐅᒪᑦᑎᐊᕐᓗᑎᒃ ᐊᖏᕐᓂᕐᒥᒃ ᐃᓕᖕᓂᒃ ᐃᓚᐅᔪᓗᒃᑖᓂᓪᓗ. ᖃᓄᖅ ᑕᒪᓐᓇ ᑐᑭᖃᖅᐸ ᐃᓕᖕᓄᑦ?

• ᑐᑭᓯᐅᒪᑎᑕᐅᑦᑎᐊᕐᓂᐊᖅᑐᑎᑦ ᐱᔾᔪᑖᓂᒃ ᖃᐅᔨᓴᕐᓂᕐᒧᑦ, ᐱᖃᓯᐅᑎᓪᓗᒋᑦ ᐅᓗᕆᐊᓇᕈᓐᓇᖅᑐᑦ ᐃᑲᔫᑎᒃᓴᐅᑐᐃᓐᓇᕆᐊᓖᓪᓗ, ᐊᒻᒪᓗᑦᑕᐅᖅ ᑲᙳᓇᖅᑑᔪᑦ ᖃᐅᔨᓴᕈᑎᒥ ᐱᒋᐊᖅᑳᖅᑎᓐᓇᒋᑦ.
• ᐅᑭᐅᑭᓗᐊᕈᕕᑦ, ᐊᖏᖅᑕᐅᓯᒪᔭᕆᐊᖃᖅᑐᑎᑦ ᐊᑐᕐᓗᒋᑦ ᐊᖓᔪᖅᑳᑎᑦ ᐸᖅᑭᔩᓪᓘᓐᓃᑦ. ᒪᒃᑯᒃᑑᒍᕕᑦ, ᐅᑭᐅᖃᕐᓗᑎᑦ 12 ᐅᖓᑖᓂᓘᓐᓃᑦ, ᐊᐱᕆᔭᐅᓂᐊᖅᑐᑎᑦ ᐊᖏᖅᓯᒪᖕᒪᖔᖅᐱᑦ – ᐊᒻᒪᓗ ᐋᒃᑳᕈᓐᓇᖅᑐᑎᑦ ᐃᓚᐅᓂᕐᒧᑦ ᐊᖓᔪᖅᑳᑦ ᐸᖅᑭᔩᓪᓘᓐᓃᑦ ᐊᖏᖅᓯᒪᒐᓗᐊᕈᓂ. ᓲᖃᐃᒻᒪ ᐃᓄᐃᑦ ᐅᑭᐅᖅᑕᖅᑐᑦ 16 ᑐᖔᓂ ᒪᓕᒐᖅᑎᒍᑦ ᐊᖏᕈᓐᓇᙱᒻᒪᑕ, ᐊᐱᕆᓲᖑᔪᒍᑦ ᑕᐃᔭᐅᔪᒥᒃ “ᐊᖏᖅᓯᒪᓂᖅ.” ᑕᒪᓐᓇ ᑐᑭᖃᖅᑐᑦ ᐊᖏᖃᑎᖃᕐᓂᖅ ᑭᓇᑐᐃᓐᓇᒥᒃ ᐊᖏᖅᓯᔪᓐᓇᙱᑦᑐᒥᒃ ᓇᖕᒥᓂᖅ ᒪᓕᒐᖅᑎᒍᑦ ᐃᓚᐅᖁᓪᓗᒍ ᐱᓕᕆᓂᕐᒥ.
• ᐱᔪᓐᓇᐅᑎᖃᖅᑐᑎᑦ ᖄᖏᖅᓯᔪᓐᓇᕐᓗᑎᒃ ᐊᐱᖅᑯᑎᒥᒃ ᑭᐅᔪᒪᙱᒃᑯᖕᓂ. ᓄᖅᑲᖅᑎᑦᑐᓐᓇᖅᑕᑦ ᐊᐱᖅᓱᕐᓂᖅ ᐊᒻᒪᓗ ᓄᖅᑲᖅᑎᓪᓗᒋᑦ ᐊᖏᖅᓯᒪᓃᑦ ᐊᖏᖅᑕᐅᓯᒪᓃᑦ ᖃᖓᑐᐃᓐᓇᑦᑎᐊᖅ.
• ᓂᕈᐊᕈᕕᑦ ᐃᓚᒋᔭᐅᖃᑕᐅᖏᓪᓗᑎᑦ ᐅᕝᕙᓘᓐᓃᑦ ᐲᕈᕕᑦ ᐊᖏᕐᓂᕋᓂᕐᒧᑦ ᖃᐅᔨᓴᕐᓂᐅᔪᒥᑦ ᖃᓄᐃᓕᓂᖃᔾᔮᖏᑦᑐᑦ ᐅᕝᕙᓘᓐᓃᑦ ᐊᑦᑐᐃᓂᖃᔾᔮᖏᑦᑐᑦ ᐱᔨᑦᑎᖅᑕᓂᑦ, ᐃᕝᕕᑦ ᐱᖃᑦᑕᖅᑕᖏᓐᓂ ᓄᓇᕗᑦ ᑐᓐᖓᕕᒃ ᑎᒥᖓᑦ ᐅᕝᕙᓘᓐᓃᑦ ᐊᑦᑐᐃᓂᖃᔾᔮᖏᑦᑐᑦ ᖃᓄᐃᑦᑐᑐᐃᓐᓇᕐᓂ ᓯᕗᓂᔅᓴᒥ ᐃᓚᒋᔭᐅᖃᑕᐅᓂᕐᒧᑦ ᐊᓯᖏᓐᓂ ᓄᓇᕗᑦ ᑐᓐᖓᕕᒃ ᑎᒥᖓᑦ ᐱᓕᕆᐊᖏᓐᓂ ᐅᕝᕙᓘᓐᓃᑦ ᖃᓄᐃᓘᖅᐅᔪᓂᑦ.

ᑐᓴᐅᒪᔾᔪᑏᑦ ᑖᒃᑯᓄᖓᓪᓚᑦᑕᖅ ᐃᓄᖕᓄᑦ ᓴᖅᑭᑕᐅᔾᔮᙱᑦᑐᑦ ᐅᕝᕙᓘᓐᓃᑦ ᓇᓕᓇᐃᒐᒃᓴᐅᔾᔮᖏᑦᑐᑦ. ᑖᓐᓇ ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᖅᑎᑦ ᓄᓇᕗᒻᒥ ᐱᓕᕆᖃᑎᒌᑦ ᓴᙱᔪᓂᒃ ᒪᓕᒃᑕᐅᒋᐊᓕᖕᓂᒃ ᓴᐳᔾᔭᐅᓯᒪᖁᓪᓗᒋᑦ ᐃᓄᐃᑦ ᐊᒻᒪᓗ ᑕᒪᐃᓐᓄᓗᒃᑖᖅ ᑐᓴᐅᒪᔾᔪᑏᑦ.

ᑐᓴᐅᒪᔾᔪᑏᑦ ᑲᑎᑕᐅᔪᑦ ᐊᑐᖅᑕᐅᓂᐊᖅᑐᑦ ᐊᒥᓱᓄᑦ ᐱᔾᔪᑕᐅᔪᓄᑦ ᐱᖃᓯᐅᑎᓪᓗᒋᑦ ᐸᕐᓇᐃᓃᑦ, ᑐᑭᓯᑎᑦᑎᓃᑦ ᐊᑐᐊᒐᕐᓄᑦ ᐃᓱᒪᓕᐅᕆᔨᓄᑦ, ᐱᐅᓯᒋᐊᕐᓗᒋᑦ ᐱᓕᕆᐊᑦ, ᐊᒻᒪᓗ ᐱᕙᓪᓕᐊᑎᑦᑎᓗᑎᒃ ᓄᑖᓂᒃ ᑕᐃᒪᐃᑦᑕᕆᐊᖃᕈᑎᒃ. ᑭᖑᓂᐊᒍᑦ ᐊᑐᖅᑕᐅᒃᑲᓐᓂᓕᕈᓂ ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᖅᑎᑦ ᐊᑐᖅᑕᐅᖃᑦᑕᕋᔭᖅᑐᑦ ᑕᓪᓕᒪᑦ ᐊᕐᕌᒍᑦ ᐊᓂᒍᕌᖓᑕ, ᐱᔪᓐᓇᖅᑎᑦᑎᓗᓂ ᐃᓄᐃᑦ ᓄᓇᓂ ᐊᕕᒃᑐᖅᓯᒪᔪᓂ, ᐊᒻᒪᓗ ᐃᓄᖕᓂᒃ ᐋᖅᑭᒃᓱᐃᓂᐊᖅᑐᓂᒃ ᐱᓕᕆᐊᒃᓴᓂᒃ, ᐊᑐᐊᖓᕐᓂᒃ, ᐃᓱᒪᓕᐅᕈᑕᐅᔪᓄᓪᓗ, ᑕᑯᖁᓪᓗᒋᑦ ᖃᓄᖅ ᐃᓄᐃᑦ ᐋᓐᓂᐊᖃᖅᑕᐃᓕᒪᓂᖏᑦ ᐋᖅᑭᒃᐸᓪᓕᐊᖕᒪᖔᑦ ᐊᑯᓂᐅᔪᒃᑯᑦ ᐃᑲᔫᑎᒃᓴᓪᓗ ᓇᐅᒃᑯᑦ ᐱᔭᐅᔭᕆᐊᖃᕐᒪᖔᑕ.

ᓄᑕᖅᑲᑦ ᑐᖔᓂ 12 ᐅᑭᐅᓖᑦ ᓂᕈᐊᖅᑕᐅᔪᑦ ᓄᑕᖅᑲᑦ ᐊᐱᖅᓱᖅᑕᐅᓂᖏᓐᓄᑦ, ᓄᑕᕋᐅᑉ ᐊᖓᔪᒃᑳᖓ ᒪᓕᒐᖅᑐᒍᓪᓘᓐᓃᑦ ᐸᖅᑭᔨᖓ ᐃᓚᐅᔪᓐᓇᖅᑐᑦ ᐱᓕᕆᔾᔪᔾᔨᓗᑎᒃ ᓄᑕᕋᕐᒥᒃ.

ᒪᒃᑯᒃᑐᑦ ᐃᓚᐅᔪᑦ ᐅᑭᐅᓖᑦ ᐊᑯᓐᓂᖏᓐᓂ 12 ᐊᒻᒪᓗ 15, ᐊᖓᔪᒃᑳᖓ ᒪᓕᒐᖅᑎᒍᓪᓘᓐᓃᑦ ᐸᖅᑭᔨᖓ ᑐᓂᓯᔭᕆᐊᓕᒃ ᐊᖏᕐᓂᕐᒥᒃ ᐃᓚᐅᓂᖏᓐᓄᑦ. ᖄᒃᑲᓐᓂᐊᒍᑦ, ᒪᒃᑯᒃᑑᑦ ᐊᖓᔪᖅᑳᖓ ᒪᓕᒐᖅᑎᒍᓪᓘᓐᓃᑦ ᐸᖅᑭᔨᖓ ᓂᕈᐊᕈᓐᓇᖅᑐᑦ ᒪᓕᒃᓯᒪᔪᒪᖕᒪᖔᑦ ᕿᑐᕐᖓᖓᓂᒃ ᐊᐱᖅᓱᖅᑕᐅᑎᓪᓗᒍ. ᒪᒃᑯᒃᑐᑦ ᐅᑭᐅᓖᑦ 16 ᐅᖓᑖᓄᓪᓗ ᑐᓂᓯᔪᓐᓇᖅᑐᑦ ᐊᖏᖅᓯᒪᓂᖏᓐᓂᒃ ᐊᒻᒪᓗ ᐃᓚᐅᓗᑎᒃ ᐊᐱᖅᓱᕐᓂᕐᒥ ᐊᖓᔪᖅᑳᖓ ᐸᖅᑭᔨᖓᓘᓐᓃᑦ ᓇᔫᑎᙱᒃᑲᓗᐊᕐᓗᓂ.

ᐃᓚᐅᔪᑦ ᓂᕈᐊᖅᑕᐅᓂᐊᖅᑐᑦ ᓄᓇᕗᒻᒥ ᑐᙵᕕᒃᑯᑦ ᑎᒥᖁᑖᑕ ᑎᑎᕋᖅᑕᐅᓯᒪᔪᓂ ᐊᑎᖃᖃᑕᐅᔪᓂ. ᓂᕈᐊᖅᑕᐅᒍᕕᑦ, ᐅᖃᖃᑎᒋᔭᐅᑐᐃᓐᓇᕆᐊᖃᖅᑐᑎᑦ ᖃᕆᓴᐅᔭᒃᑯᑦ ᐃᕐᖐᓐᓇᖅᑕᐅᑎᒃᑯᑦ, ᐅᖄᓚᐅᑎᒃᑯᑦ ᐅᕝᕙᓘᓐᓃᑦ ᑕᑯᔭᖅᑐᖅᑕᐅᓗᑎᑦ ᐊᖏᕐᕋᕐᓄᑦ. ᑕᐃᔅᓱᒪᓂᐅᓕᖅᐸᑦ, ᐃᓄᒃ ᐅᖃᖃᑎᖃᖅᑐᖅ ᐃᓕᖕᓂᒃ ᖃᐅᔨᑎᑦᑎᓂᐊᖅᑐᑦ ᓂᕈᐊᖅᑕᐅᓂᕐᓂᒃ, ᑐᓴᖅᑎᑦᑎᒃᑲᓐᓂᐊᕐᔪᒡᓗᓂ ᐃᓚᐅᓂᐅᑉ ᒥᒃᓵᓄᑦ ᐊᐱᖅᓱᖅᑕᐅᓂᕐᒥ, ᐊᐱᕆᔭᐅᓗᑎᓪᓗ ᐃᓚᐅᔪᒪᖕᒪᖔᖅᐱᑦ ᐊᒻᒪᓗ ᐊᑐᖔᕈᓐᓇᖅᑕᕐᓂᒃ ᑐᓴᖅᑎᑕᐅᓗᑎᑦ ᖃᖓ ᐊᒻᒪ ᓇᒥ ᐊᐱᖅᓱᖅᑕᐅᔪᓐᓇᕐᒪᖔᖅᐱᑦ.

ᐋᓐᓂᐊᖃᖅᑕᐃᓕᒪᓂᕐᒧᑦ ᓯᕗᓪᓕᐅᔾᔭᐅᖁᔭᐅᓪᓗᐊᑕᖅᑐᑦ ᓇᓗᓇᐃᖅᑕᐅᓯᒪᔪᑦ ᐃᓄᖕᓂᑦ. ᑖᒃᑯᐊ ᓯᕗᓪᓕᐅᔾᔭᐅᖁᔭᐅᔪᑦ ᐊᑐᖅᑕᐅᓂᐊᖅᑐᑦ ᓇᓗᓴᐃᖅᑕᐅᖁᓪᓗᒋᑦ ᑭᓱ ᐊᐱᖅᑯᑏᑦ ᐊᐱᕆᔭᐅᓪᓗᐊᕐᒪᖔᑕ.

ᐊᐱᖅᑯᑏᑦ ᑐᕌᒐᖃᕐᓂᐊᖅᑐᑦ ᐊᒥᓱᓂᒃ ᐅᖃᐅᓯᐅᔪᓂᒃ ᐱᖃᓯᐅᑎᓪᓗᒋᑦ ᓂᖀᑦ ᓂᕿᑦᑎᐊᕙᓪᓗ, ᐃᓱᒪᒧᑦ ᖃᓄᐃᙱᑦᑎᐊᕐᓃᑦ, ᓱᕐᕋᖕᓇᖅᑐᖃᑦᑕᕐᓃᑦ, ᐱᖅᑯᓯᕐᒧᑦ ᐊᒻᒪᓗ ᑭᓇᐅᓂᕐᒧᑦ, ᐊᓯᖏᓪᓗ. ᐃᓄᐃᑦ ᐊᖃᖅᓯᒪᔪᑦ ᐃᓚᖏᓐᓂᒃ ᐊᐱᖅᑯᑎᓂᒃ ᐊᐱᕆᖁᔨᓪᓗᑎᒃ ᓴᖅᑭᑎᑦᑎᓂᐊᖅᑐᓂᒃ ᓴᙱᓂᖏᓐᓂᒃ ᐃᓄᐃᑦ ᓄᓇᑦᑕᓗ. ᑎᑎᖅᑲᖁᑏᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᔪᕐᓇᖅᑐᖅᓯᐅᕈᑕᐅᒐᓗᐊᖅᑎᓪᓗᒋᑦ ᐃᓄᐃᑦ ᐱᒻᒪᕆᐅᔪᖅ ᐱᔭᐅᓯᒪᓗᑎᒃ, ᐃᓚᖏᑦ ᓴᙱᓂᕐᓄᑦ-ᑐᙵᕕᓖᑦ ᐊᐱᖅᑯᑏᑦ ᐊᐱᕆᔭᐅᔭᕆᐊᓖᑦ ᐅᓂᒃᑳᖁᔭᐅᓪᓗᑎᒃ ᐅᓂᒃᑳᓂᒃ ᓴᖅᑭᔮᖅᑎᑦᑎᔪᓂᒃ ᐱᐅᔪᓂᒃ ᐊᑐᖅᑕᐅᔪᓂᒃ ᐃᓄᖁᑎᑦᑎᓐᓂ ᓄᓇᑦᑎᓐᓂᓗ.

ᓄᓇᕗᑦ ᑐᙵᕕᒃ ᑎᒥᖁᑖ (NTI) ᐃᓚᒋᐊᖅᓯᓯᒪᔪᖅ ᓄᓇᓂ ᐊᕕᒃᑐᖅᓯᒪᔪᓄᓪᓚᑦᑖᖅ ᐊᐱᖅᑯᑎᓂ ᐊᐱᖅᓲᑎᓄᑦ. ᐱᑕᖃᕐᓂᐊᖅᑐᑦ 30-ᓂᒃ ᐊᐱᖅᑯᑎᑕᖃᕐᓂᐊᖅᑐᑦ ᓄᓇᕗᒻᒨᖓᓪᓚᑦᑖᖅᑐᓂᒃ. ᑲᑎᖢᒋᑦ 230 ᐊᐱᖅᑯᑏᑦ ᐃᓐᓇᕐᓄᑦ ᐊᒻᒪᓗ 174 ᐊᐱᖅᑯᑏᑦ ᒪᒃᑯᒃᑐᓄᑦ.

ᐊᐱᖅᓱᕐᓂᖅ ᐊᑐᖅᑕᐅᓂᐊᖅᑐᑦ ᑕᒪᐃᓐᓂᓗᒃᑖᖅ 25-ᓂ ᓄᓇᓕᖕᓂ ᓄᓇᕗᒻᒥ ᓄᓇᓕᖕᓃᓪᓗᑎᒃ ᓲᕐᓗ ᐱᙳᐊᕐᕕᖕᒥ, ᕼᐋᒪᓚᒃᑯᑦ ᑎᑎᕋᕐᕕᐊᓂ ᐊᓯᖏᓐᓂᓘᓐᓃᑦ ᐃᓂᓂ. ᐱᒋᐊᖅᑳᖅᑎᓐᓇᒋᑦ ᐊᐱᖅᓱᕐᓃᑦ ᐊᑐᓂ ᓄᓇᓕᖕᓂ, ᓄᓇᓕᖕᓂ ᐱᓕᕆᓂᖅᑕᖃᖃᑦᑕᕐᓂᐊᖅᑐᑦ ᑕᒪᐃᓐᓂᓗᒃᑖᖅ ᓄᓇᓕᖕᓂ ᐃᓚᒋᔭᐅᔪᑦ ᑐᙵᓱᒃᑎᑕᐅᓗᑎᒃ ᐃᓚᐅᖁᔭᐅᓗᑎᒃ.

ᑕᑯᒃᑲᓐᓂᕈᒪᒍᕕᑦ ᑐᓴᐅᒪᔾᔪᑎᓂᒃ ᓄᓇᔅᓯᓐᓂ ᐱᓕᕆᓂᐅᑉ ᒥᒃᓵᓄᑦ..