ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᕐᓂᖅ ᓄᓇᕗᒻᒥ

ᖃᓄᐃᑉᐱᑕ? ᑐᑭᖃᖅᑐᑦ “ᖃᓗᐃᓕᖅᐱᑕ?” ᐃᓄᒃᑎᑐᑦ. ᐊᑎᖓ ᐊᒻᒪᓗ ᑎᑎᕋᖅᑕᐅᓯᒪᓂᖓ ᖃᓄᐃᑉᐱᑕ? ᓂᕈᐊᖅᑕᐅᖅᑳᓚᐅᖅᓯᒪᔪᖅ ᓯᕗᓪᓕᖅᐹᑦᑎᐊᒥ ᐃᓄᐃᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᐱᖅᓱᕐᓂᐊᓂ ᐱᓕᕆᐊᖑᓚᐅᖅᓯᒪᔪᖅ ᓄᓇᕕᖕᒥ 2004-ᒥ. ᑭᖑᓂᐊᒍᓪᓗ ᓂᕈᐊᖅᑕᐅᓪᓗᓂ ᐃᓄᐃᑦ ᑕᐱᕇᑦ ᑲᓇᑕᒦᒃᑯᓐᓂ ᓴᖅᑭᑕᐅᑎᓪᓗᒍ ᑲᓇᑕᓗᒃᑖᒥ ᐊᐱᖅᓱᕐᓂᖅ 2019-ᒥ.
ᐃᓚᖓ ᑐᕌᒐᓪᓗᐊᑕᖓᑦ ᑖᒃᑯᓇᓂ ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᖅᑎᑦ (QNIHS) ᐊᑐᐃᓐᓇᕈᐃᓗᑎᒃ ᑕᒪᐃᓐᓅᖓᔪᓂᒃ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᒻᒪᓗ ᖃᓄᐃᙱᑦᑎᐊᕐᓂᖏᓐᓄᑦ ᐃᓄᐃᑦ ᓄᓇᖓᓐᓂ ᐊᒻᒪᓗ ᑕᐃᒃᑯᐊ ᓄᓇᖃᖅᑐᑦ ᐊᓯᖏᓐᓂ ᑲᓇᑕᒥ ᓯᓚᑖᓂ ᐊᖏᕐᕋᑦᑕ. ᑐᓴᐅᒪᔾᔪᑏᑦ ᑲᑎᑕᐅᔪᑦ ᐱᐅᔪᒻᒪᕆᐅᓂᐊᖅᑐᑦ ᐊᑐᖅᑕᐅᓗᑎᒡᓗ ᖃᐅᔨᓴᖅᑕᐅᖁᓪᓗᒋᑦ ᐊᓯᔾᔨᐅᑏᑦ, ᓇᓗᓇᐃᔭᕐᓗᒋᑦ ᓴᙱᓂᐅᔪᑦ ᐃᓚᑰᔾᔪᑕᐅᔪᓪᓗ ᐊᑐᖅᑕᐅᕙᒃᑐᑦ ᓄᓇᑦᑎᓐᓂ, ᐊᒻᒪ ᐃᑲᔪᕐᓂᐊᖅᑐᖅ ᑐᑭᓯᑎᑦᑎᓗᓂ ᐊᒃᑐᐃᓲᓂᒃ ᐃᓱᒪᐅᕈᑕᐅᔪᓂᒃ. ᓂᕆᐅᒃᑐᒍᑦ ᑕᒪᓐᓇ ᐱᓕᕆᓂᖅ ᑎᑭᐅᑎᔪᓐᓇᕐᓂᐊᕐᓂᖓᓄᑦ ᐱᐅᓂᖅᓴᓄᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᖃᓄᐃᙱᑦᑎᐊᕐᓂᕐᒧᓪᓗ ᐃᓄᖕᓂ.

ᒥᒃᓵᓄᑦ

ᑖᓐᓇ ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᖅᑎᑦ (QNIHS) ᑎᑭᓐᓂᐊᖅᑐᑦ ᓄᓇᕗᒻᒧᑦ ᓯᕗᓪᓕᖅᐹᒥᒃ ᑕᐃᑲᓂ 2024-ᖑᓕᖅᐸᑦ.

ᓄᓇᓖᑦ

ᑖᓐᓇ ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᖅᑎᑦ ᓄᓇᕗᒻᒥ ᐱᓕᕆᖃᑎᒌᑦ ᓂᐅᕐᕈᑲᑕᖕᓂᐊᖅᑐᑦ ᐊᑐᓂ ᓄᓇᓕᖕᓄᑦ ᓄᓇᕗᒻᒥ ᓇᔫᑎᓗᑎᒃ ᑎᑎᖅᑲᖁᑎᓂᒃ ᑲᑎᖅᓱᐃᓂᕐᒧᑦ.

ᑐᓴᖅᑕᐅᔭᕆᐊᖃᙱᑦᑐᓄᑦ ᐊᑐᐊᒐᖅ

ᑖᒻᓇ ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᖅᑎᒃᑯᑦ ᐊᖏᖅᓯᒪᐃᓐᓇᖅᑐᑦ ᓴᐳᔾᔭᐅᓯᒪᓂᖏᓐᓄᑦ ᑐᓴᖅᑕᐅᔭᕆᐊᖃᙱᑦᑐᖁᑎᖕᓂ ᐊᐱᖅᓱᕐᓂᓗᒃᑖᓂ.

ᖃᐅᔨᔭᐅᔪᑦ

ᑐᓴᐅᒪᔾᔪᑏᑦ ᑲᑎᑕᐅᔪᑦ ᑕᐃᑲᓂ ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᖅᑎᑦ ᓄᓇᕗᒻᒥ ᐃᑲᔪᕐᓂᐊᖅᑐᑦ ᐃᓱᒪᓕᐅᕈᑎᓄᑦ ᑐᑭᓯᐊᔪᑦ ᐊᓯᔾᔨᐅᑏᑦ ᐃᓄᐃᑦ ᖃᓄᐃᙱᑦᑎᐊᕐᓂᕐᒧᑦ ᐊᒻᒪᓗ ᐱᐅᓂᖅᓴᓄᑦ ᖃᓄᐃᙱᑦᑎᐊᕐᓂᕐᒧᑦ ᐱᓕᕆᐊᓄᑦ.
ᓄᓇᕗᒻᒥ ᐃᓗᓕᖏᑦ ᑖᒃᑯᓇᓂ ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᖅᑎᓂ (QNIHS) ᑲᑐᔾᔨᖃᑎᒌᒐᓲᑕᐅᔪᖅ ᑖᒃᑯᓇᓂ ᓄᓇᕗᑦ ᑐᙵᕕᒃ ᑎᒥᖁᑖᓂ (NTI) ᐊᒻᒪᓗ ᒐᕙᒪᒃᑯᑦ ᓄᓇᕗᒻᒥ (GN). ᑖᓐᓇ ᐊᐱᖅᓱᕐᓂᖅ ᑲᒪᒋᔭᐅᔪᖅ ᓄᓇᕗᒻᒥ ᐃᓄᐃᑦ ᖃᓄᐃᙱᑦᑎᐊᕐᓂᕐᒧᑦ ᐊᐱᖅᓱᕐᓂᕐᒧᑦ ᑲᑎᒪᔨᐊᓛᓂᒃ ᐃᓚᐅᑎᑦᑎᓪᓗᑎᒃ ᑭᒡᒐᖅᑐᐃᔨᓂᑦ ᓄᓇᕗᑦ ᑐᙵᕕᒃ ᑎᒥᖁᑖᓂ ᐊᒻᒪᓗ ᒐᕙᒪᒃᑯᑦ ᓄᓇᕗᒻᒥ ᐋᓐᓂᐊᖃᖕᓇᙱᑦᑐᓕᕆᔨᒃᑯᓐᓂᑦ.
child looking through binoculars

ᐊᑐᖅᑕᐅᓇᓱᐊᖅᑐᑦ ᐊᐱᖅᑯᑕᐅᒐᔪᒃᑐᓄᑦ

    ᐃᓄᒃᑎᑐᑦ