ᐊᔾᔨᓕᐅᕆᔨᑖᕈᒪᕗᒍᑦ ᐃᑲᔪᖅᑐᕐᓂᐊᖅᑐᒥᑦ ᖃᓄᐃᑉᐱᑖ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᖃᐅᔨᓴᕈᑎ

ᐊᔾᔨᓕᐅᕆᔨᑖᕈᒪᕗᒍᑦ ᐃᑲᔪᖅᑐᕐᓂᐊᖅᑐᒥᑦ ᖃᓄᐃᑉᐱᑖ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᖃᐅᔨᓴᕈᑎ

by in ᑐᑭᓯᒋᐊᕈᑏᑦ May 3, 2024



ᐊᑯᓂᐅᑎᒋᓂᖓ

ᑳᓐᑐᓛᒃᑯᑦ ᐱᓕᕆᐊᖅ, ᐃᓱᓕᕝᕕᒃᓴᐅᑎᖓ ᐊᔾᔨᓕᐅᕆᔨ ᐊᔾᔨᓕᐅᖅᓯᓂᖅ ᑎᑎᕋᖅᓯᒪᔪᓂᑦ ᐊᑐᐃᓐᓇᕈᖅᑎᑕᐅᓛᖅᑐᑦ ᐅᖃᐅᓯᐅᓛᖅᑐᖅ.

ᑭᒃᑰᕕᑕ:

ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᕈᑎᑦ ᓄᓇᕗᒻᒥ ᐊᒻᒪ ᓄᓇᕗᑦ ᑐᙵᕕᒃᑯᑦ ᐊᔾᔨᓕᐅᕆᔨᒃᓴᓂᒃ ᕿᓂᖅᐳᑦ ᓄᑖᓂᒃ ᐊᔾᔨᓕᐅᖅᓯᖃᑦᑕᖁᓪᓗᒋᑦ.

ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᕈᑎᑦ ᓄᓇᕗᒻᒥ ᐋᖅᑭᒃᑕᐅᓯᒪᕗᖅ, ᐱᓕᕆᐊᕆᔭᐅᕗᖅ, ᓇᖕᒥᓂᕆᔭᐅᓪᓗᓂᓪᓗ ᐃᓄᖕᓂᑦ. ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᕐᓂᖅ ᐱᓕᕆᐊᖑᕗᖅ ᑕᒪᐃᓐᓂᓕᒫᖅ ᓄᓇᓕᖕᓂ ᐃᓄᐃᑦ ᓄᓇᖏᓐᓂ, ᓄᓇᕗᑦ ᑐᙵᕕᒃᑯᓪᓗ ᓯᕗᓕᖅᑎᒋᔭᐅᓪᓗᑎᒃ ᐱᓕᕆᐊᖑᔪᒥᒃ ᓄᓇᕗᒻᒥ. 

ᐱᓕᕆᐊᒃᓴᑦ:

ᓄᓇᕗᑦ ᑐᙵᕕᒃᑯᑦ ᐊᒥᓱᕈᕆᐊᖅᓯᔪᒪᔪᑦ ᐊᔾᔨᙳᐊᓂᑦ ᑲᔪᓯᑎᓪᓗᑕ ᓴᖅᑭᑦᑎᓂᕐᒥ ᐱᕚᓪᓕᖅᑎᑦᑎᒋᐊᕐᓂᕐᒥᓪᓗ QNIHS-ᒥᑦ ᓄᓇᕗᒻᒥ. ᕿᓂᖅᑐᒍᑦ ᐊᔾᔨᓕᐅᕆᔨᓂᒃ ᑕᒪᐃᓐᓂᒃ ᓄᓇᓕᖕᓂ ᐊᕕᒃᑐᖅᓯᒪᓂᐅᔪᓂ ᓄᓇᕗᒻᒥ ᐃᑲᔪᕐᓂᐊᕐᓗᑎᑦ ᐊᔾᔨᙳᐊᓂᒃ ᑲᑎᖅᓱᐃᓗᑎᑦ ᐊᑐᖅᑕᐅᓂᐊᖅᑐᓂᒃ ᓄᓇᕗᑦ ᑐᙵᕕᒃᑯᑦ ᑎᒥᖓᓄᑦ. ᓄᓇᒥᙶᖅᑐᓂᒃ ᐊᔾᔨᙳᐊᓂᒃ ᐱᓕᕆᖃᑎᒌᒃᑐᓂᒃ ᐃᓄᖕᓂᒃ ᐊᔾᔨᓕᐅᖅᓯᓂᐊᕐᓗᓂ, ᖃᓄᐃᓕᐊᕈᓘᔭᖅᑐᓂᑦ ᐊᔾᔨᓕᐅᖅᓯᓗᑎᒃ ᓈᒻᒪᒐᔭᖅᑐᓂᒃ QNIHS−ᑯᓐᓄᑦ.

ᐊᓯᖏᑦ ᐅᔾᔨᕆᔭᐅᔭᕆᐊᓖᑦ:

  • ᐱᔪᒥᓇᖅᑐᑦ ᐊᔾᔨᓕᐅᕆᔩᑦ ᐊᔾᔨᓕᐅᕆᖃᑦᑕᖅᓯᒪᓂᑰᓗᓂ ᓄᓇᓂᑦ ᐃᓄᖕᓂᓪᓗ, ᑕᒪᐃᓐᓂ ᐃᒡᓘᑉ ᐃᓗᐊᓂ ᐊᒻᒪ ᓯᓚᒥ.
  • ᐃᒡᓘᑉ ᐃᓕᐊᓂᐅᓂᐊᖅᐸᑦ ᖃᐅᒪᖅᑯᑎᖃᕈᓐᓇᕆᐊᖃᖅᐳᖅ.
  • ᐊᔾᔨᓕᐅᕆᔪᓐᓇᕐᓗᓂ ᐊᐅᓚᔪᓂᑦ/ᑕᕐᕆᔮᒃᓴᓕᐅᕈᓐᓇᕐᓗᓂ, ᐊᑲᐅᕗᖅ.
  • ᐊᔾᔨᓕᐅᖁᔭᐅᓯᒪᔪᑦ ᑎᑎᕋᖅᓯᒪᓂᐊᖅᑐᑦ.
  • ᑲᒪᒋᔭᖃᕐᓗᓂ ᑲᑎᖅᓱᐃᓂᕐᒥᑦ ᐃᓄᖕᓂᑦ ᐊᔾᔨᓕᐅᕆᓂᐊᖅᑕᖏᓐᓂ ᓄᖅᑲᑎᓪᓗᒋᑦ ᖃᓄᐃᓕᐅᕈᓘᔭᖅᑎᔾᓗᒋᓪᓘᓐᓃᑦ.
  • ᖃᐅᔨᒪᑎᑦᑎᒋᐊᖃᕐᓂᐊᖅᑐᖅ ᐊᔾᔨᓕᐅᕆᔭᐅᓂᐊᖅᑐᑦ ᖃᐅᔨᒪᒐᓗᐊᕐᒪᖔᑦ ᐊᔾᔨᙳᐊᑦ ᑭᓱᒧ ᐊᑐᕐᑕᐅᓂᐊᕐᒪᖔᑦ (ᐊᒻᒪ ᑕᕐᕆᔮᒃᓴᑦ)
  • ᐊᔾᔨᙳᐊᓕᒫᑦ ᐊᑐᖅᑕᐅᓂᐊᖅᐳᑦ QNIHS−ᑯᓐᓄᑦ ᓄᓇᕗᑦ ᑐᙵᕕᒃᑯᓐᓄᑦ ᓇᖕᒥᓂᕆᔭᐅᓕᕐᓗᑎᒃ.
  • ᓄᓇᕗᒻᒥ ᐃᓄᐃᑦ ᐊᔾᔨᓕᐅᕆᔨᑦ ᐱᓇᔪᖁᔭᐅᕗᑦ. 

ᖃᓄᖅ ᐱᓇᔪᒃᑐᖃᕈᓐᓇᖅᐸ:

ᐱᓇᔪᖃᑕᐅᔪᒪᒍᕕᑦ ᐱᔪᒥᓴᐅᑏᑦ ᐊᒻᒪ ᐆᒃᑑᑎᒃᓴᑦ ᓇᒃᓯᐅᑎᓗᒋᑦ ᐱᓕᕆᐊᕆᔭᕐᓄᑦ ᐅᕗᖓ athomlinson@tunngavik.com

    ᐃᓄᒃᑎᑐᑦ